Í kvöld verður gott að búa í Kópavogi

"Selfoss og Grindavík eigast við í lokaumferð úrvalsdeildar karla, Pepsí-deildinni, og hefst leikurinn kl. 14.00."

Í seinni umferðinni hafa Grindvíkingar fengið 14 stig, en lið Selfoss aðeins 6 stig. Grindvíkingar verða því að teljast sigurstranglegri þótt þeir leiki á útivelli í dag.

Annars skiptir þessi leikur nánast engu máli. Grindvíkingar eru pikkfastir í 10. sætinu og lið Selfoss er fallið. Hvorugt mun breytast í dag.

Liðin ættu bara að semja um jafntefli og gefa leikmönnunum frí til að fylgjast með baráttunni á toppnum. Þar verður allt fjörið!

Ég spái því að Blikarnir verði Íslandsmeistarar með sigri í dag. Keflavík vinnur svo Eyjamenn og FH leggur Fram.

Lokastaðan á toppnum verður samkvæmt þessu svona:

Breiðablik 46 stig

FH 44 stig

ÍBV 42 stig

Selfoss kvaddi úrvalsdeildina með stórsigri

Á tæpasta vaði

Þá liggur þetta allt fyrir í botnbaráttunni. Nýliðar Hauka og Selfoss kveðja deild hinna bestu eftir hetjulega baráttu fyrir tilverurétti sínum. Þeirra er framtíðin og varla líður langur tími þar til þessi lið banka á dyrnar á ný.

Eftir arfaslaka byrjun náðu Grindvíkingar að bjarga sér frá falli og ef ég þekki mína menn rétt munu þeir koma sterkari til leiks næsta vor. Ráðning Ólafs Bjarnasonar breytti öllu. Hann, Milan Stefán Jankovic og Hjálmar Hallgrímsson náðu því besta fram hjá leikmönnum liðsins. Þess vegna eru Grindvíkingar enn á meðal þeirra bestu, en tæpt var það.

Baráttan á toppnum er skuggalega spennandi, en hjarta mitt slær taktfast til Eyja.

Þrenna Baldurs í 3:3 jafntefli KR gegn Grindavík

Meistararnir lagðir að velli

"Grindavík vann 3:1 sigur á Íslandsmeisturum FH í 16. umferð Pepsideildar karla í knattspyrnu í kvöld."

Grindavík hefur oft gengið vel á móti FH, en fengið skelli líka. En að leggja þá núna er ekkert annað en stórsigur. FH er langbesta lið Íslands undanfarin nokkur ár og þeir eru með sterkt lið í ár og eru ríkjandi Íslandsmeistarar.

Þessi úrslit gera vonir þeirra um Íslandsbikarinn nánast að engu, en Bikarinn er þeirra, verðskuldað. Titill í húsi. Það skiptir máli.

Árangur kvöldsins er stórsigur fyrir Ólaf Örn Bjarnason þjálfara Grindvíkinga, Milan Stefán Jankovic, aðstoðarþjálfara og Hjálmar Hallgrímsson liðsstjóra, en það eru mennirnir sem bera ábyrgð á Grindavíkurliðinu, það er að koma því tilbúnu til leiks.

Leikmennirnir stóðu allir vel fyrir sínu í kvöld.

Draumamark frá Ondo í sigri Grindavíkur á FH

Þrjár frómar óskir

Miðað við stöðuna í Pepsí deild karla í fótboltanum, að loknum fimmtán umferðum og þegar aðeins sjö umferðir eru eftir, langar mig að setja fram þrjár frómar óskir og væntingar um stöðuna í lok mótsins.

1. Að Eyjamenn verði Íslandsmeistarar.

2. Að Grindvíkingar haldi sæti sínu í deildinni.

3. Að Keflvíkingar nái að krækja í Evrópusæti.

Segi svo eins og Bjartur karlinn forðum:

Um annarra manna börn varðar mig ekkert!

Staðan nú er þessi:

1.	ÍBV	15	10	2	3	26:15	32
2.	Breiðablik	15	9	3	3	35:17	30
3.	FH	15	7	5	3	28:21	26
4.	Keflavík	15	6	5	4	15:16	23
5.	KR	14	6	4	4	24:19	22
6.	Stjarnan	15	5	5	5	27:26	20
7.	Fram	15	5	5	5	22:23	20
8.	Valur	15	4	7	4	21:26	19
9.	Fylkir	14	5	3	6	27:27	18
10.	Grindavík	15	3	4	8	16:23	13
11.	Selfoss	15	3	2	10	20:34	11
12.	Haukar	15	0	7	8	20:34	7

Markalaust hjá Val og Grindavík