Ekki traustvekjandi

"Runólfur hefur starfað með Samfylkingunni, flokki félagsmálaráðherra. Ásta sagðist ekki vilja fullyrða að pólitík hefði skipt máli við ráðninguna. „Fólk verður bara að meta það sjálft."

Miðað við þessa frétt og aðrar framkomnar fréttir af þessu máli, meðal annars af fjármálum Runólfs Ágústssonar, sem ráðuneytið segist ekki hafa vitað af, virðist nokkuð augljóst að hann eigi að stíga til hliðar og afþakka starfið.

Þetta ferli er ekki traustvekjandi.

Ætlar að krefjast rökstuðnings

Athugasemdir

[hilmar jónsson, 29.7.2010 kl. 13:36]

Það þurfa því miður fleiri að stíga til hliðar Björn.. Árni Páll

[Guðmundur Ásgeirsson, 29.7.2010 kl. 13:37]

Alls ekki traustvekjandi, þetta mál er mjög afhjúðandi fyrir fúskið sem viðgengst á stjórnarheimilinu. Ég er ennþá að bíða eftir að vera tilkynnt hvort ég fái starfið eða ekki. Frétti reyndar af ráðningu Runólfs í fjölmiðlum eins og aðrir.

[Jón Óskarsson (IP-tala skráð) 29.7.2010 kl. 14:28]

Hvers átti Einar Karl að gjalda nú? 

Er ekki Runólfur með mestu reynsluna í skuldaniðurfellingum?

[Guðmundur Ásgeirsson, 29.7.2010 kl. 14:34]

Hann er svo sannarlega með mikla reynslu í skuldaniðurfellingum.

En er ekki lágmarkskurteisi þegar búið er að ráða í starf, að láta aðra umsækjendur vita?

[Björn Birgisson, 29.7.2010 kl. 14:41]

"En er ekki lágmarkskurteisi þegar búið er að ráða í starf, að láta aðra umsækjendur vita?"

Algjörlega. Skárra væri það nú!

[Sigurður Sigurðsson, 29.7.2010 kl. 15:57]

Algjört hneyksli þessi ráðning - og bíðum bara - næsta ráðning verður þegar Ingvi Örn Kristinsson verður gerður að framkvæmdastjóra Íbúðalánasjóðs.   Einn aðal spilagosinn í Landsbankanum !!!  Já og að sjálfsögðu gjörspilltur Samfylkingargosi.

[Björn Birgisson, 29.7.2010 kl. 16:00]

Ljótt er að heyra!

[Axel Jóhann Hallgrímsson, 29.7.2010 kl. 17:37]

Núna er Árna Páli vandi á höndum, rétt einn ganginn.  Sé horft til hans verka allra, þá er fátt sem frá honum kemur, sem ekki orkar tvímælis. Það er eins og manngarminum sé fyrirmunað að komast skammlaust frá nokkru verki.

[Björn Birgisson, 29.7.2010 kl. 17:51]

Er hann ekki verðandi leiðtogi Samfylkingarinnar?

[hilmar jónsson, 29.7.2010 kl. 17:59]

Ég hef hann grunaðann um að vera í röngum flokki.

[Björn Birgisson, 29.7.2010 kl. 18:21]

Hilmar, þú ert nú svo tortrygginn á allt og alla! Er til rangur flokkur? Er þetta ekki allt sami grauturinn í sömu skálinni þegar grannt er skoðað?

[hilmar jónsson, 29.7.2010 kl. 18:28]

Björn: Já það er til rangur flokkur. Meira að segja tveir, og við vitum báðir hverjir þeir eru.

Já nannars segðu maður, ástandið í þjóðfélaginu hefur sannarlega gefið tilefni til alls annars en tortryggni síðustu misseri.

Gott ef ekki frekar tilefni til að fara flikk flakk niður Laugarveginn hrópandi lofgjörð um dásemdir stöðu Íslands í dag.

[Axel Jóhann Hallgrímsson, 29.7.2010 kl. 18:57]

Ef Árni Páll er það skársta sem menn sjá í framtíð Samfylkingarinnar, þá á hún ekki tilverurétt.

[Guðmundur Ásgeirsson, 30.7.2010 kl. 01:51]

Fann bréfið með tilkynningu um ráðninguna, það var í póstkassanum sem ég var ekki búinn að athuga í tvo daga. En það er dagsett þremur dögum eftir að þetta hafði verið tilkynnt opinberlega, sem mér þykir ámælisvert.