Í gráðugu gini mafíufjölskyldunnar

Björgvin G. Sigurðsson, fyrrverandi viðskiptaráðherra, ætlar að taka sæti á Alþingi að nýju eftir nokkurt hlé, sem hann ákvað sjálfur að taka sér.

Hann er hugaður strákurinn, það má hann eiga. Mig langar pínulítið til að vera ósmekklegur að þessu tilefni gefnu. Mig langar að líkja meirihlutanum, sem að ríkisstjórninni stendur við dæmigerða 35 manna Mafíufjölskyldu suður á Sikiley.

Endurkomu Björgvins verður fagnað á yfirborðinu. Hann verður faðmaður og kysstur og boðinn velkominn úr útlegðinni. Tappar munu fljúga úr flöskum og borð svigna undan lostætum veitingum. En hverjir munu vera heilir í fagnaðarlátunum?

15 meðlimir fjölskyldunnar vildu senda hann lóðbeint á eina ígildi höggstokks sem fyrirfinnst í landinu og voru þeir býsna samdóma um það. Það voru hinir fjarskyldari í fjölskyldunni.

Á meðal hinna nánari leynast nokkrir Júdasar sem aðeins bíða eftir skjóðunni með silfurpeningunum 30 fyrir svik sín við ráðherrann unga og fyrrverandi.

Björgvin G. Sigurðsson er góður drengur.

Nú ætlar hann sjálfviljugur að ganga beint í gin ljónsins.

Því miður fyrir hann er hann enginn Gladiator til að berjast við grimmustu ljónin.

Mafían sér alltaf um sína og ákvarðar um líf og dauða.

Líka í pólitíkinni.

 

 

Björgvin kemur aftur inn á þing

Athugasemdir

[Axel Jóhann Hallgrímsson, 29.9.2010 kl. 21:58]

Ég kaupi þetta.

[Björn Birgisson, 29.9.2010 kl. 22:00]

Kostar 30!

[Axel Jóhann Hallgrímsson, 29.9.2010 kl. 22:26]

Silfur?

[Björn Birgisson, 29.9.2010 kl. 22:26]

Si

[Ybbar gogg (IP-tala skráð) 29.9.2010 kl. 22:26]

G-ið í nafni hans varð Stefáni Pálssyni efni í pistil...

[Björn Birgisson, 29.9.2010 kl. 22:34]

Ybbar gogg, í guðanna bænun vertu ekki að sóa dýrmætum tíma mínum með svona aulalegum tilvísunum. Þú átt hér inni að jarða mig á táknrænan hátt, vegna færslu minnar, eða hefja mig til flugs með þér á næsta andarpoll og upphefja ástardansinn. Ég á brauð! 

[Sigurður Haraldsson, 29.9.2010 kl. 22:49]

Til í að versla líka.

[Björn Birgisson, 29.9.2010 kl. 22:54]

Sigurður, ertu með tilboð?

[Sigurður Haraldsson, 29.9.2010 kl. 23:36]

Já legg fram vinnu mína frítt við að moka skít út úr alþingi þegar haustþing verður sett.

[Björn Birgisson, 29.9.2010 kl. 23:37]

Ekki samþykkt.

[Sigurður Haraldsson, 30.9.2010 kl. 00:09]

Bíddu við ertu sáttur við að hafa hann þarna inni?

[Björn Birgisson, 30.9.2010 kl. 00:16]

Hvað kemur það þínu tilboði við?

[Árni Gunnarsson, 30.9.2010 kl. 10:49]

Líklega rétt hjá þér Björn að Björgvin er ónýtur í hlutverki Gladiatorsins. Ég held að hann sé góður drengur, góður fjölskyldufaðir og vonandi líka góður hestamaður. Það hefur komið fyrir alla hestamenn, góða sem klaufska að detta af baki óviðbúnir við bölvaðar aðstæður.