Nú hljóp Eva Joly á sig

"Eva Joly, fyrrverandi ráðgjafi sérstaks saksóknara, segir að Ísland eigi að ganga í Evrópusambandið."

Þeirri ágætu konu er auðvitað frjálst að hafa skoðun á þessu eldfima máli hérlendis, en hvort það er við hæfi að viðra hana með þeim hætti sem hún gerði er vægast sagt umdeilanlegt.

Eva Joly var hingað fengin, vegna reynslu sinnar, til að aðstoða vanmáttug yfirvöld við rannsókn á stærsta bankahruni Vesturlanda og þar hefur hún unnið gott starf sem ber að þakka.

Hún var ekki hingað fengin til að veita þjóðinni pólitíska ráðgjöf.

Hvorki um ESB né annað.

Hún hefði alveg mátt sleppa þessu innleggi, eða fresta því um alllanga hríð.

Á þessum tímapunkti var það ósmekklegt.

 

Eva Joly: Ísland á að ganga í ESB

Athugasemdir

[Geiri (IP-tala skráð) 17.10.2010 kl. 15:54]

Starfsemin hennar hérna hefur verið alveg flekklaus og því leiðinlegt að hún ætli sér að kveðja landið á þennan hátt.

[Björn Birgisson, 17.10.2010 kl. 15:58]

Geiri, svo sem enginn endir alls, en tæplega smekklegt. Hún veit að þjóðin virðir hana mikils og veit manna best að þessi orð hennar hafa pólitíska vigt hérlendis.

[Matthías (IP-tala skráð) 17.10.2010 kl. 16:10]

Hingað koma margir, mismunandi þekktir og áhrifamiklir, og eru látnir rökstyðja skoðanir sína á því hvort vegna við eigum annað hvort að ganga í ESB eða ekki. Öll þau rök eru áhugaverð innlegg í umræðuna hér sem annars einkennist um of af skotgrafahernaði fólks sem er að verja einhverja ákveðna hagsmuni hér landi, oft fremur þrönga. Er einhver ástæða til þess að ritskoða útlendinga með skoðanir?

[Björn Birgisson, 17.10.2010 kl. 16:33]

Matthías, Eva Joly kom hingað mjög sérstakra erinda. Hún er fjarri því að vera eins og hver annar útlendingur á Íslandi, en eins og ég sagði, henni er auðvitað frjálst að hafa og tjá skoðanir sínar. Spurning um smekk.

[Matthías (IP-tala skráð) 17.10.2010 kl. 16:48]

Jú, Björn, rétt er það, en hún kom til að ljúka ákveðnum erindum og að því búnu virðist hún vera til í að ræða annað.

Einhvern veginn sýnist mér Eva nú ekki vera ein þeirra sem hefur mjög gaman af því að liggja á skoðunum sínum og Egill gaf henni gott færi til að tjá sig. Hún sagðist líka ætla að koma hingað nokkrum sinnum á ári í framtíðinni og ég reikna ekki með að það verði nú bara til þess að þegja.
Væri ekki skynsamlegra að rökræða það sem hún segir en að gagnrýna að hún skuli voga sér að segja það?

[Björn Birgisson, 17.10.2010 kl. 17:02]

"Væri ekki skynsamlegra að rökræða það sem hún segir en að gagnrýna að hún skuli voga sér að segja það?"

Góður punktur. Ætli það verði ekki gert hvort eð er?

[Guðmundur Guðmundsson, 17.10.2010 kl. 17:21]

Var það ekki Egill Helgason sem hljóp á sig? Það var alveg fyrirséð hvernig Eva Joly myndi svara. Hún situr á Evrópuþinginu og undirbýr forsetaframboð. Auðvitað er hún fylgjandi aðild Íslands. 

Með því að spyrja Evu út í ESB aðildina var Egill að reyna að styrkja stöðu aðildarsinna en um leið dró hann úr slagkraftinum sem fylgir málflutningi Evu á hennar sérsviði sem eru efnahagsglæpir. Það var mjög óheppilegt. 

[Björn Birgisson, 17.10.2010 kl. 17:25]

Guðmundur, takk fyrir þetta. Svo Egill Helgason er skúrkurinn í málinu?

[Arinbjörn Kúld, 17.10.2010 kl. 17:30]

Er búið að afnema mál- og skoðanafrelsi á Íslandi? Fór það líka í hruninu?

Kveðja að norðan.

[Björn Birgisson, 17.10.2010 kl. 17:38]

Arinbjörn minn, afnema? Ég spyr á móti: Hefur mál- og skoðanafrelsi einhvern tímann verið 100% virkt á Íslandi?

Ef einhver er að misskilja færsluna mína, þá skal upplýst að hún fjallar aðallega um smekk eða smekkleysi hinnar ágætu Evu Joly.

Ekki um mál- og skoðanafrelsi.

[Arinbjörn Kúld, 17.10.2010 kl. 17:46]

Björn minn, athugasemd þín er mun betri en mín. Þar hitturðu naglann beint á höfuðið. Ég hins vegar varpaði þessu fram vegna þess að mér finnst menn gera úlfalda úr mýflugu, auðvitað vill Eva sjá ísland í ESB, það er löngu vitað. Allir útlendingar sem ég tala við vilja ísland í ESB. Ekki nokkur vafi. Auðvitað vill Eva sjá ísland í því umhverfi sem hún lifir í og þekkir best og treystir, skárra væri nú! Viljum við ekki sjá ESB í íslandi? Sjá sambandinu borgið  (sorrý mátti til)

Kveðja að norðan.

[Árni Björn Guðjónsson, 17.10.2010 kl. 17:47]

Allt rétt sem Eva sagði ,auðvitað á að ganga í ESB og þó fyrr hefði verið,annað er heimska.

[Björn Birgisson, 17.10.2010 kl. 17:58]

Nú? Hvað sé ég? Eru ESB sinnar á Moggablogginu? Er það ekki verkefni fyrir Davíð að tækla? Ætli hann leggi ekki bloggið niður eins og Þjóðhagsstofnun forðum?

[Ólafur Ingi Hrólfsson, 17.10.2010 kl. 18:10]

Rök hennar fyrir inngöngu okkar eru fáránleg - ESB græðir svo mikið á inngöngu okkar - það er rétt - er það okkar keppikefli -

hún lauk veru sinni hér með því að blanda sér í tvö deilumál - það voru mistök -

ég hefði viljað sjá eitthvað bitastætt - kærur - peninga - nöfn -

og svo líka á hvaða launum hún var og fyrir hve mikla vinnu - sem og hvort gerður var við hana starfslokasamningur.

[Guðmundur Guðmundsson, 17.10.2010 kl. 18:10]

Ég held við finnum skúrkana annars staðar en Egill gat bara ekki stillt sig um einfalda sölubrellu. "Birgitta Bardot notar þetta krem og allir sjá hvað hún er sæt." "Eva Joly styður inngöngu okkar í ESB og allir vita hvað hún er klár".

[Björn Birgisson, 17.10.2010 kl. 18:17]

Guðmundur, er Birgitta Bardot ennþá sæt? Hún var ansi fönguleg á blómaskeiðinu sínu og var það ekki fyrir tíma fegrunaraðgerðanna?

"Eva Joly styður inngöngu okkar í ESB og allir vita hvað hún er klár".

Djöfull er Egill Helgason klár sölumaður. Er hann á réttri hillu?

[Björn Birgisson, 17.10.2010 kl. 18:20]

Ólafur Ingi, einhvers staðar sá ég að ekki hafi verið gerður við hana starfslokasamningur. Sel það þó á sama verði og keypt var á.

Undarlegur er pirringur hægri manna út í Evu Joly. Einhver skýring á því?

[Jón Halldór Guðmundsson, 17.10.2010 kl. 19:57]

Sumir af þeim sem eru pirraðir núna eru það vegna þess að þeir eru á móti því að við göbgum inn í ESB af tilfinngalegum ástæðum. Hugsum rólega. Vegum og metum rök með og á móti málefni. Þetta er mín áskorun í dag.

[Björn Birgisson, 17.10.2010 kl. 20:13]

Jón Halldór Guðmundsson, þín áskorun fyrir daginn í dag er góð. Gildir hún ekki líka fyrir næstu daga?

[Jón Logi (IP-tala skráð) 17.10.2010 kl. 20:47]

Ólafur Ingi segir:

"ég hefði viljað sjá eitthvað bitastætt - kærur - peninga - nöfn -"

Svoleiðis sammála. Og dóma...

Joly vann vonandi eitthvað sem leiðir þess til. En....Bardot er mun hrukkaðri :D

[Hulda (IP-tala skráð) 17.10.2010 kl. 22:24]

Æ, eins og bloggið þitt er oft gott þá detturðu stundum ofan í svona pytti. Hvers vegna í ósköpunum ætti Eva Joly ekki tjá sig um ESB sem hún gjörþekkir?

Eva Joly virðist hafa ýmsa yfirburði yfir mjög marga aðra, bæði hvað varðar gáfur, víðsýni, þekkingu, reynslu og hugrekki - og þess utan virðist mér hún vera vel innrætt og góð manneskja.

Ég treysti henni og hennar dómgreind svo miklu betur en mörgum sem þykjast allt vita um ESB - og hef einmitt sérstakan áhuga á að heyra hennar mat.

[Björn Birgisson, 17.10.2010 kl. 22:35]

Hulda mín, kærar þakkir fyrir innlitið og hlýleg orð til afdalakarls frá virðulegu borgarbarni. Vitaskuld geta öll mín skrif ekki fallið öllum í geð, en pytturinn sem þú nefnir, er svo grunnur að ekki vatnar yfir gömlu svart/hvítu tékknesku gúmmískóna. Oft hef ég nú fallið dýpra, en aldrei þurft á björgunarsveitum að halda. Eigðu góðar stundir og forðastu að láta púðrið vökna í pyttum þessa lands.

[Einar Karl, 17.10.2010 kl. 22:47]

Já takk - kannski!

Með kveðju

[Björn Birgisson, 17.10.2010 kl. 23:42]

Já takk - kannski! Einar Karl.

Með kveðju, Björn

[Óskar Arnórsson, 18.10.2010 kl. 08:40]

Kanski skilur Eva Joly að Íslendingar þurfa barnapíu í peningamálum. Og þess vegna eru þeir betur geymdir í ESB sem segir okkur síðan fyrir verkum...

Enn þeir sem kritisera mest þetta bankahrun ættu að fara að gefa kost á sér að laga þetta rugl á Íslandi. Ég mæli með útlenskum forstjóra sem er vanur rekstri stórfyrirtækis, sem hefur engar tengingar í landið eða neinn hérna og gefa þingi og öllum þreyttum þingmönnum frí frá störfum.

[Bravó (IP-tala skráð) 18.10.2010 kl. 11:17]

Hver er þessi Eva Jollí?