Umræður í túnjaðri öfundarinnar

Umræður um arðgreiðslur hérlendis eru yfirleitt algjörlega úti á túni og einkennast oftar en ekki af fáfræði og hreinni öfund.

Hver á að fá arð ef ekki eigendur vel rekinna fyrirtækja?...

Eru þess einhver dæmi að hagnaði sé skilað til viðskiptavinanna þegar vel gengur?

Hver vill fjárfesta í hlutabréfum fyrirtækja ef engin er vonin um arð?

Hugsum okkur mann sem á 50 milljónir sem hann þarf ekki beinlínis að nota. Vinnur þær jafnvel í happdrætti eða fær arf!
Hvað getur hann gert við þessar millur?

* Sett þær vaxtalaust í bankahólf.
* Gerst okurlánari í gegn um fjölda smálána.
* Lagt þær inn á vaxtalítinn bankareikning.
* Fjárfest í húsnæði og leigt út.
* Komið þeim fyrir undir koddanum.
* Gefið afkomendum og til góðgerðarmála.
* Fjárfest í hlutabréfum vel rekinna fyrirtækja.
* Ýmsir möguleikar í stöðunni.

Málið er að allir fjármagnseigendur vilja koma sínu fjármagni í vinnu!

Þess vegna er það eftirsóknarvert að eiga hlutabréf í góðum fyrirtækjum - vegna vonar um góða arðsemi ef og þegar vel gengur. Hlutabréfakaup eru áhættusöm iðja. Arður gleður en tapið drepur.

Lífeyrissjóðir landsins eiga einhverja gommu af hlutabréfum í fyrirtækjum landsins og hafa borgað fyrir með "okkar" peningum, okkar lífeyri.

Þeirra ávöxtunarkrafa er 3,5% að lágmarki.

Hvernig á að mæta þeirri kröfu - ef aldrei má greiða eigendum arð?

Arður og vextir eru tvíburar sem vaxa mishratt.

Markaðurinn ræður þeim vexti.

Gæfan og gjörvileikinn.

 

Athugasemdir

[Jóhann Elíasson, 8.3.2016 kl. 14:33]

Að mínu mati er arðgreiðsla algjörlega réttmæt og ekki nokkurn skapaðan hlut út á það fyrirbæri að setja.  Menn setja ekki fjármagn í fyrirtæki ef þeir sjá ekki fram á að fá sömu eða meiri ávöxtun á það fjármagn og ef þeir settu peninginn í ávöxtun í banka.  En svo er annar flötur á þessari arðgreiðsluumræðu en það er þegar arðgreiðsla er MEIRI EN SEM NEMUR HAGNAÐI FYRIRTÆKISINS, eins og er í tilfelli tryggingafélaganna, þá er farið að ganga á eigið fé fyrirtækisins og þar stendur hnífurinn í kúnni og spurning hvort ekki sé eitthvað bogið við svoleiðis lagað...........

[Jóhannes Laxdal Baldvinsson, 8.3.2016 kl. 14:53]

Lifi innherjarnir!  Skál!