Moggabloggið er komið á hraða snigilsins!

Setti hér inn færslu í dag - um klukkan 15:00.

Hún er enn á birtingalistanum - vel fyrir ofan miðju!

Búin að vera þar í fimm og hálfan klukkutíma - og á örugglega eftir að vera þar í annan eins tíma!

Hér áður fyrr var umferðin á þessu bloggi og hraðinn slíkur að færslurnar "sukku" af forsíðunni í hálfum til einum klukkutíma.

Nú er hún Snorrabúð stekkur! 

Auga fyrir auga og tönn fyrir tönn

Nokkur orð um styrjaldir og hryðjuverk.

"Bandarísk hermálayfirvöld hafa viðurkennt að yfir hundrað almennir borgarar hafi fallið í einni loftárás í Mósúl í Írak í mars. Þetta er líklega mannskæðasta árás í átökunum í Írak frá 2003 og talið að 141 óbreyttur borgari hafi fallið í árásinni. Talið er að mörg þúsund óbreyttir borgarar hafi fallið í loftárásum Bandaríkjanna í Írak og Sýrlandi."

Afsökun kananna er ekkert annað en viðbjóðslegar lygar.

Segjast hafa notað frekar kraftlitlar sprengjur en húsnæðið hafi verið fullt af sprengjum uppreisnarmanna og að þær hafi drepið allt þetta fólk í Mósúl í mars!

Þessi árás var ekkert annað en stríðsglæpur af verstu gerð!

Stríðsglæpur gegn mannkyni!

Mörg þúsund óbreyttir borgarar drepnir undir sama lygadampinum.

Hreinlega myrtir án viðvörunar og án nokkurrar undankomuleiðar!

Kallast þetta ekki aftökur án dóms og laga á nútímamáli?

Einhver verður að bera ábyrgðina!

Svo er fólk alveg gapandi hissa á því að eftirlifendur á þessum svæðum fyllist heift og hatri gagnvart þeim böðlum sem nánast þurrkuðu út fjölskyldur þeirra!

Litlu systurnar, pabba og mömmu, ömmu og afa - jafnvel fleiri.

Við hverju býst fólk?

Að ungt fólk sem þó lifir af - hugsi hlýtt til þeirra sem nánast þurrkuðu út fjölskyldur þeirra í raun án nokkurs tilefnis!

En koma svo eftir á með einhvern lyga þvætting til að breiða yfir mistökin sín.

Allir muna eftir harðstjóranum Saddam Hussein.

Hann var sagður beita hættulegum eiturvopnum á eigin þjóð.

Það fannst aldrei tangur né tetur af þeim vopnum - en hvað voru margir drepnir við leitina að þeim?

Er ekki sterkur í tölfræðinni.

Spyr aðeins:

Hvort hafa NATÓ þjóðirnar drepið fleira fólk í múslimaríkjum - eða múslimar í NATÓ ríkjum?

Veit þetta.

Ef einhver þjóð sprengdi nánast alla mína fjölskyldu í tætlur - saklausa borgara - myndi ég hata þá þjóð til lífsloka.

Hryðjuverk í nútímanum eru öll svar við styrjaldarrekstri - mjög svo oft ójöfnum leik.

Hvoru megin hryggjar er hatrið meira?

Sumt má líklega ekki segja.

Segi það nú samt.

Reykjavík - á Menningarnótt - er kjörinn vettvangur fyrir hryðjuverk.

Munum að Ísland er í Nató.

Þar segir:

Árás á eina Natóþjóð - jafngildir árás á þær allar.

Munum þetta:

Natóþjóðir hafa verið duglegar við að drepa fólk, hermenn og saklausa borgara í löndum múslima undanfarin misseri.

Sérstaklega í Sýrlandi og Írak.

Hefur ríkisstjórn Íslands eitthvað mótmælt þeim drápum sérstaklega?

Þögn er sama og samþykki.

Með veru okkar í Nató er þjóðin meðsek í öllu sem herveldin þar taka sér fyrir hendur.

Árás á eina þjóð er árás á allar - sú skoðun hlýtur að gilda víðar en innan Nató!

Hvernig ætti múslimum að þykja vænt um vesturlönd sem hafa með hernaði drepið börn þeirra og ættmenni?

Saklausa borgara - eins og alltaf er talað um þegar fólk er drepið í Evrópu.

Getur einhver svarað því?

Þetta er svona:

Auga fyrir auga og tönn fyrir tönn.

Ergo:

Sem friðsöm þjóð eigum eigum við að segja skilið við Nató og lýsa yfir hlutleysi að hætti Svía.