Flottur karl hann Gylfi Magnússon

"Það var því alls ekki ætlun mín að afvegaleiða Ragnheiði eða þingheim, en vissulega skýrði ég ekki allt málið í þessu stutta svari, en það var ekki vegna þess að vilji minn stæði ekki til þess að upplýsa það eftir bestu getu."

Það er dásamlegt að fylgjast með hægri bloggurunum núna. Þeir eru búnir að æpa úr sér lungun vegna máls sem alfarið varð til þegar þeirra fólk átti að standa á vaktinni, en svaf þar allt djúpum Þyrnirósarsvefni, eins og alþjóð veit. Þingheimur svaf reyndar allur þegar bankarnir æddu af stað með hvert brjálæðið á fætur öðru.

Fyndnast af öllu er framlag Björns lögfræðings Bjarnasonar, fyrrum þingmanns og ráðherra til margra ára. Það fyndna við það er hversu aumkunarvert það er. Björn Bjarnason er áreiðanlega þeirrar gerðar maður að hann þolir illa að hlegið sé að honum. Nú þarf hann að búa við nettan hæðnishlátur fjölmargra.

Auðvitað á Gylfi að sitja áfram sem ráðherra og ekki hlusta á rógskvak og tittlingaskítkast hægri manna í þessu landi.

Gylfi kemur frá þessu máli sem algjör sigurvegari, en rógsberarnir verða líklega að fara á lungnadeildina til aðhlynningar. Kannski aðrar deildir líka.

Flottur karl hann Gylfi!

Verður ekki næsta verkefni rógsberana að reyna að finna snögga bletti á Rögnu Árnadóttur?

Hún er áreiðanlega of vinsæl fyrir þeirra smekk!

Ekki kappsmál að vera ráðherra

Athugasemdir

[Óskar Helgi Helgason (IP-tala skráð) 14.8.2010 kl. 18:14]

Komdu sæll; Björn Ísfirðingur, sem jafnan !

Hvaða rógburð; ert þú, að bera upp á heiðarlega samlanda þína, sem engjast undan kúgun valdastéttarinnar ?

Varðandi Gylfa Magnússon :

Óheflaður lyga- og útúrsnúninga pjakkur, eins og þorri stéttar hans (hagfræðinganna) !

Varðandi Rögnu Árnadóttur :

Hræsninni ofurseld; og hefir það helzt að keppikefli, að hræða landsmenn, með tilbúinni ógn, af kurteislegum heimsóknum Hells Angell´s (Vítisengla), hingað til lands. Líkleg; til þess, að banna starfsemi Hjálpræðishersins hér, ef hann tæki upp á, að gagnrýna Mel-rakkana, í Stjórnarráðinu.

Hverja aðra; ráðherra og ráðherfur, hyggstu reyna að verja næst, Ísfirðingur góður ?

Hvílíkt dekur; sem þú viðhefir, í garð þessarra morkna fólks, sem er að merja okkur almúgann, niður í svaðið !

Veit; að orð mín bíta, en vona þó, að þau megi verða til þess, að þú hættir að mæra illfyglin, sem láta glæpalýðinn ENN ganga lausan, sem komu okkur á kné, haustið 2008 ! 

Með; kveðjum samt - sem áður /

Óskar Helgi     

[Lárus Baldursson, 14.8.2010 kl. 18:21]

Var ekki samfylkingin í ríkisstjórn þegar krónan hrundi? þessi lán urðu þá fyrst óeðlileg og skuldarar þurftu að taka allt á sig, og margir hafa tapað milljónum á þessum tíma, á meðan þessi maður leyndi upplýsingum.

[Björn Birgisson, 14.8.2010 kl. 18:22]

Óskar Helgi, hafðu engar áhyggjur, þessi orð þín bíta ekki á nokkurn hátt, en gamansamur og kerknisfullur ertu. Mér líkar það ágætlega!

[Björn Birgisson, 14.8.2010 kl. 18:28]

Lárus, Gylfi leyndi engum upplýsingum að mínu mati. OK, segjum að hann hafi gert það, eins og margir saka hann um. Hverju hefði það breytt ef hann hefði þrástagast á því í þinginu að líklega væru gengislánin ólögleg? Allir hefðu sagt: Bíðum dóms Hæstaréttar. Svo eru ekki allir sammála dómi Hæstaréttar, en hann stendur auðvitað óhaggaður.

[Hilmar Sigurðsson (IP-tala skráð) 14.8.2010 kl. 19:21]

Jæja Björn  ((*_*))  Helvíti ertu orðinn róttækari en síðustu misseri :

Tólf litlir ráðherrar ......   þrír þeirra voru rassskelltir og þá eru eftir níu !

[Björn Birgisson, 14.8.2010 kl. 19:25]

Níu er fín tala, svo hafa sumir bara gaman af rassskellingum!

[Skondinn Spéfugl (IP-tala skráð) 14.8.2010 kl. 20:48]

Se non e vero, e molto ben trovato. Giordano Bruno.

[Björn Birgisson, 14.8.2010 kl. 20:58]

Er þetta rússneska eða bara flámæli að austan?

[Skondinn Spéfugl (IP-tala skráð) 14.8.2010 kl. 21:01]

Googlaðu þá bara

[Björn Birgisson, 14.8.2010 kl. 21:25]

"Googlaðu þá bara" Ertu að hvetja mig til hanagals, furðufuglinn þinn? Nú veit ég að þú ert ástfangin hæna!

[Skondinn spéfugl (IP-tala skráð) 14.8.2010 kl. 21:29]

Google.com (furðufugl sjálfur)

[Björn Birgisson, 14.8.2010 kl. 21:54]

Se non e vero, e molto ben trovato.

Varðar mig eitthvað um þetta, sem hvort eð er er rangt stafsett?

[Heyr minn himnasmiður (IP-tala skráð) 14.8.2010 kl. 22:34]

Se non e vero, e molto ben trovato. Giordano Bruno. Ef það er ekki satt, er það vel meint. G. Bruno.

[Björn Birgisson, 14.8.2010 kl. 22:52]

Ef hvað er ekki satt? Að Gylfi hafi logið? Gylfi er góður maður og góðir menn ljúga bara þegar þeir nauðsynlega þurfa. Það vita allir góðir og meðalgóðir menn!

[Guðmundur Júlíusson, 15.8.2010 kl. 03:46]

Bara þegar  þeir þurfa??? Þarna skaustu þig í vinstri löppina kæri Björn

"Gylfi er góður maður og góðir menn ljúga bara þegar þeir nauðsynlega þurfa. Það vita allir góðir og meðalgóðir menn!"