Skimun hempuklæddra

"Allir starfsmenn Þjóðkirkjunnar verða beðnir um að samþykkja að heimila aðgang að sakaskrá sinni með tilliti til skimunar vegna kynferðislegs ofbeldis."

Þar kom loksins að því og þannig á þetta að vera gagnvart öllu fólki sem vinnur með börnum og unglingum, jafnt innan kirkju sem utan.

Hvað skyldi Guðrún Ebba Ólafsdóttir, biskupsdóttir, hafa sagt sem varð til þess að ýta fornaldartrukknum af stað eftir áralanga stöðnun í þessum málum?

Hefði Guðrún Ebba verið dóttir þekkts stjórnmálamanns, en ekki biskups, væru þá orð hennar öllum kunn?

 

Starfsmenn kirkjunnar skimaðir

Athugasemdir

[doctore (IP-tala skráð) 18.8.2010 kl. 15:13]

Skimun skilar engu... búið að reyna þetta hjá öðrum trúfélögum. Ef við tökum skimun kaþólsku kirkjunnar.. þá er það svona sakavottorð... + fáránlega stúpid test sem gengur einna helst út á að fá tilvonandi prest til að játa að hann hafi gay þarfir....

Way to misunderstand child abuse... Barnaníð hefur ekkert að gera með að vera samkynhneigður... né gagnkynhneigður... barnaníð er barnaníð... en ég ætla ekki kirkjunni að skilja þetta...

[Axel Jóhann Hallgrímsson, 18.8.2010 kl. 18:11]

Þetta er vita gagnslaust til að hindra kynferðismisnotkun innan kirkjunnar þeir geta alveg eins skimað símaskránna. Ætli að meira en 0.1% af misnotkunartilfellum fari á sakaskrá? Hefði t.a.m. skimun á sakaskrá Ólafs Skúlasonar raskað frama hans innan kirkjunnar?

Það sem á skortir er viðhorfsbreyting hjá kirkjunni, að kynferðismisnotkun sem er synd og afbrot út í þjóðfélaginu, sé líka synd og afbrot innan kirkjunnar.

[Kolbrún Hilmars, 18.8.2010 kl. 19:06]

Í þessu máli tek ég forvarnarviljann fyrir verkið hvort heldur sem er innan eða utan kirkju. Því miður er sá vilji óhæfur sem forvörn.

Eins og Axel bendir á fara fæst tilfella á sakaskrá, en hitt er líka að það er vonlaust að verjast hugrenningaglæpum svo að nýgræðingar í "faginu" munu eftir sem áður fá að sanna sig.

[Björn Birgisson, 18.8.2010 kl. 20:48]

Ég þakka innlitin, en hvað haldið þið að Guðrún Ebba hafi sagt Kirkjuráðinu?

[Axel Jóhann Hallgrímsson, 18.8.2010 kl. 21:50]

Eitthvað sem þeir vildu ekki heyra og það var ögugglega ekki faðirvorið

[Björn Birgisson, 18.8.2010 kl. 22:00]

Axel Jóhann, kannski var það barnalegt af mér að fagna þessari skimun undir hempurnar. Þitt innlegg og Doktorsins sýna fram á það. Skítt með minn barnaskap, ef þessi skimun nær til allra sem vilja vinna með börnum og ungmennum, í kirkjustarfi, félagsstarfi íþróttafélaganna og bæjarfélaganna, í sumarbúðum og víðar, hlýtur hún að gera eitthvað gagn.