Bastillukvöld í uppsiglingu á Austurvelli?

"Lögreglan lét smíða girðinguna hér á landi fyrr á þessu ári, sem er sérhönnuð til að nota í mótmælaaðgerðum. Er girðingin smíðuð að erlendri fyrirmynd. Ákveðið var fjárfesta í girðingunni eftir mótmælin sem brutust út í janúar í fyrra."

Það er í raun sorglegt að lesa um að girðing hafi verið reist við Alþingishúsið. Ef til vill er það nauðsynleg varúðarráðstöfun. Það á eftir að koma í ljós. Hún gæti reynst tvíeggjað sverð í baráttunni fyrir friði og öryggi.

Hins vegar er það borðliggjandi að girðingin mun auka löngun þeirra, sem alltaf ganga lengst í mótmælum og breyta þeim í skrílsmennsku, til að brjóta og bramla og gera allt vitlaust á Austurvelli í kvöld. Fáeinir mótmælendur mæta til þess eins, grímuklædd dusilmenni, á meðan fjöldinn heldur að mestu ró sinni.

Hugsanlega verður þessi girðing til þess að kylfur fari á loft í kvöld og táragasi verði beitt, sem og öðrum meðulum sem lögreglan ræður yfir, en fólki verður verulega meint af, andstætt öðrum meðulum.

Ég er skíthræddur um að upp úr sjóði í kvöld, reyni þó að vona hið besta, en óttast hið versta.

Girðing um Alþingishúsið

Athugasemdir

[Gunnar Heiðarsson, 4.10.2010 kl. 19:41]

Er hugsanlegt að mótmælin yrðu friðsamari ef engin lögregla væri sjáanleg og engin girðing. Það er erfiðara fyrir þá sem nýta sér mótmæli til fantaskaps og ofbeldis að gera slýkt ef ekkert er að ráðast á.

Það er ljóst að mjög fámennur hópur stendur fyrir ofbeldinu, hins vegar er auðvelt að draga fleiri með, sérsaklega ef upp úr sýður. Ég óttast að það muni ske í kvöld en vona þó það besta.

[Björn Birgisson, 4.10.2010 kl. 20:04]

Takk fyrir þetta, Gunnar Heiðarsson. Vona líka það besta.

[Jón Óskarsson (IP-tala skráð) 4.10.2010 kl. 20:33]

 Bara til gamans

41.462 hafa nú fengið boð um að mæta á Austurvöll á Fésbókinni

88,8 % svara ekki áskorun eða ætla ekki að mæta

6,5% ætla að mæta 

4,7 % mæta kannski 

[Björn Birgisson, 4.10.2010 kl. 22:56]

Jón Óskarsson, hvað mættu margir?