Er Baldur Guðlaugsson sekur eða saklaus?

"Sérstakur ríkissaksóknari hefur ákært Baldur Guðlaugsson, fyrrverandi ráðuneytisstjóra fjármálaráðuneytisins, fyrir innherjasvik og brot í opinberu starfi."

Baldur er bara eins og sandsíli innan um öll stórhvelin sem hugðust græða á góðærisárunum. Þó ber að fagna því að málið sé komið á dómstólastig og vona um leið að niðurstaðan verði bæði rétt og réttlát. Eins og staðan er nú er Baldur saklaus, hvað sem verður við dómsuppkvaðningu. Telja verður 50% líkur á því að hann verði sýknaður.

Hvenær koma svo öll stóru málin? Hvað líður rannsókn þeirra?

Ekki þarf að efa að vissir hópar munu nú rísa upp og æpa sig hása í tilefni af þessari ákæru og bera þann boðskap á torg að hér séu á ferðinni pólitískar ofsóknir á hendur Baldri.

Eignir Baldurs eru í frystingu og verða væntanlega þar til þessu máli lýkur.

Baldur Guðlaugsson ákærður

Athugasemdir

[hilmar jónsson, 14.10.2010 kl. 19:37]

Það sem skilur þó á milli Baldurs og annarra fjárkrimma er að Baldur var ráðuneytisstjóri fjármálaráðuneytisins.

Ef þetta er ekki ein gleggsta birtingarmynd þess í hvað djúpum skít þessi þjóð er í siðferðilega....

[Hörður B Hjartarson, 14.10.2010 kl. 19:40]

    Hilmar !   Þú getur nú ekki ætlast til annars af manninum , hann er fæddur og uppalinn í Siðgæðisfokknum .

[Árni Gunnarsson, 14.10.2010 kl. 19:40]

Á móti fullyrði ég að 50% líkur séu á að Baldur verði dæmdur!

Og þá fer að verða spurning hvort eignirnar verði þíddar upp?

En var það ekki Hjálmar Freysteinsson læknir frá Vagnbrekku í Mývatnssveit sem kom inn í búðina og bað um frosið nautahakk?

Hvað um það en afgreiðslustúlkan sagði að því miður þá væri allt nautahakkið þiðið!

Svona svör verða þingeyskum klámhundum ævinlega efni til að sýna innræti sitt.

Merkilegt er málfarssviðið,

má það teygja breitt og vítt.

Nautahakkið þitt er þiðið

og þér hefur sjálfsagt verið rítt.

[Björn Birgisson, 14.10.2010 kl. 19:49]

Góður, Árni!  Ungar þingeyskar stúlkur eru allar siðsamar, nema kannski 5-10 mínútur á sólarhring. Það er yfirburða siðsemi!

[prakkari (IP-tala skráð) 14.10.2010 kl. 20:23]

en djöfull er leiðinlegt orðið að horfa á steingrím j. alltaf halda sömu ræðuna og þegar hann var í stjórnarandstöðu.  er það eina sem maðurinn kann að rífast?  hann er hundur og köttur um sjálfann sig en ekkert gerist

[Eyjólfur G Svavarsson, 15.10.2010 kl. 13:29]

Sumir voru búnir að kaupa bréf í Glitni banka, en náðu hundruðum miljóna til baka á þeym forsendum að kaupin hefðu ekki verið gengin í gegn og þess vegna hefði verið hægt að afturkalla kaupin 'eftir hrun! Takið eftir!! eftir hrun. Svo vinna þessir starfsmenn áfram í ábyrgðarstörfum í bankanum. Aðrir sem tóku upp veskið og keyptu hlutabréf töpuðu öllu, því að það vildi svo til að þeyrra kaup gengu strax í gegn! Strax!! þeyr voru nefnilega ekki ekki innherjar!!!