Blessuð séu gjaldþrot þessara manna og afleiddar raunir trúgjarnra

Blessunin að ofan.

Samkvæmt sjónvarpsstöðinni Omega var Eyþór Arnalds tilnefndur af almættinu og sendur í það verk að taka ærlega til hendinni í Reykjavík.

Eyþór hlustaði auðmjúkur á þá skýringu í sjónvarpsviðtali, brosti blíðlega í kampinn og kinkaði kolli.

Eyþór er ekkert óvanur því að taka til hendinni og hefur víða lagt hönd á plóg.

En því miður hefur það verið svo að einhvern veginn hafa verkin verið þeirrar leiðinda náttúru að steypast í gjaldþrot eitt af öðru.

Hér áður fyrr lagði frelsarinn mikli hendur yfir lamað fólk - sem tók alsælt á rás.

Einnig fengu blindir sýn - eða Sýn eins og Spaugstofan sagði forðum!

Eitthvað ólíkt eru þeir frelsararnir að hafast að.

Máttur annars læknar, eykur lífsgæðin - en máttur hins leiðir endurtekið til gjaldþrota og taps óskyldra aðila.

Skýringin á þessu er vandfundin og hennar líklega helst að leita með því að hafa sérstakan fyrirspurnatíma í kvöldbænunum.

**********

Ekki rekur mig minni til þess að Bjarni Benediktsson hafi nokkru sinni fengið blessun að ofan í gegn um sjálfskipaða ófleyga umboðsmenn almættisins á jörðu niðri.

En víst er að hann hefur komið í heiminn að nokkru leyti ekki ólíkt útbúinn og Eyþór.

Það liggur eitthvað sameiginlegt í genum beggja þessara forustumanna.

Hef lúmskan grun um hvað það er.

Gjaldþrotagenið.

**********

Báðir eru tiltölulega ungir að árum.

Fróðlegt væri að sjá hvor þeirra skilur eftir sig skrautlegri gjaldþrotaskrá þegar báðir hafa safnast til skapara síns og hið guðlega bókhald verið stemmt af.

Næ því miður ekki að lifa þá stund.

Fæ bara niðurstöðuna senda í tölvupósti í hlýjuna neðra.

Athugasemdir

[Valur Arnarson, 12.4.2018 kl. 21:08]

Ótrúlegt að þú skulir lepja upp þessar lygar frá Árna Tryggvason, ég fjalla um málið á morgun, hvet þig til að fylgjast með.

[Björn Birgisson, 12.4.2018 kl. 21:18]

Hvaða lygar finnur þú í þessari færslu Valur Arnarson?

[Valur Arnarson, 12.4.2018 kl. 22:00]

Björn, það er búið að hrekja allar þessar gjaldþrota sögur um Eyþór - það stendur ekki steinn yfir steini í þeim. En ef þú vilt láta lygina standa, þá þú um það. Ég fjalla um málið á morgun.