Strikamerktir sjálfstæðismenn

Hjálmar Hjálmarsson, oddviti Næst besta flokksins, tekur við eftir eitt ár sem forseti bæjarstjórnar Kópavogs og mun gegna embættinu í tvö ár. Hjálmar er Jón Gnarr Kópavogs. Líklega þó átta sinnum klárari náungi.

Utangátta og utanvið sitja svo útstrikunarkóngarnir Gunnar Birgisson og Ármann Ólafsson. Hvað er eiginlega að þessu Kópavogsliði? Þetta pakk mætir á kjörstað og útbíar kjörseðilinn sinn með einhverjum strikamerkingum, rétt eins og það sér í Bónus, þar sem það verslar allt, þótt aldrei muni það viðurkenna það.

Öll þessi strikamerki eru fólkinu í kjörstjórninni til aukinnar vinnu og svo mikils ama að ólíklegt er að það gefi kost á sér í kjörstjórn aftur.

Nú væri gott ef Halldór Jónsson hefði greiðan aðgang að sítrónvatninu sem forseti hæstaréttar fyllti kjallarann sinn af forðum, bara af því að hann gat það!

Til að létta lundina aðeins!

Fjögurra flokka meirihluti tekur til starfa

Athugasemdir

[Kalli Sveinss (IP-tala skráð) 15.6.2010 kl. 21:39]

Bjössi minn !

 Við tveir erum líklega að verða " of gamlir" fyrir þetta útvatnaða þjóðfélag !!

 Það er orðinn einn allsherjar falskur tónn í þjóðarflautunni !

 Segir ekki í Kardimommubæjar-söngnum: " Hvar er húfan mín, hvar er hettan mín, hvar er falska fjögurra gata flautan mín " ??

 Legg til að við höldum okkur í framtíðinni á gölfvöllunum. Þú reynir við "hole in one" í þriðja sinni - "Kalli" í annað sinni !

 Mundu: " Old golfers never die, they just loose their balls" !!

[TómasHa, 15.6.2010 kl. 21:39]

það er merkilegt hversu léleg kosningabarátta hans var ef hann er svona miklu klárari. Það eina sem kom frá honum var væl yfir því að hann fengi ekki næga athygli og svo ætlaði hann að kæra utankjörfundaratkvæðagreiðsluna.

Þetta er leiðinlegasti ekki-stjórnmálamaður landsins.

Jón er alla vegna fyndinn.

[Björn Birgisson, 15.6.2010 kl. 22:00]

Kalli minn, leitt að heyra að þú eldist of hratt. Ég er bara rétta að byrja! En spila því miður lítið golf um þessar mundir.

"Hvar er húfan mín, hvar er hettan mín, hvar er falska gamla fjögurra gata flautan mín " ??

"Old golfers never die, they just loose their balls" !!

Þetta er klassík!

Þú talar um útvatnað þjóðfélag. Ég væri þér sammála væri ég illa saltaður saltfiskur frá Hemma á Stað.

En ég er bara flottur, þótt enginn komi augum á það!

[Björn Birgisson, 15.6.2010 kl. 22:02]

TómasHa, hann náði kjöri. Var það með þínu atkvæði?

[TómasHa, 15.6.2010 kl. 23:39]

Það bætir ekki kosningabaráttuna hans að ég bý ekki í Kópavogi. Hann verður heldur ekki fyndnari ekki pólitíkus.

Ef hann er "átta sinnum klárari náungi" hefði maður haldið að hann hefði átt að sýna það á einhvern máta.

Þú kannski upplýsir lesendur þína hvernig þú færð út að hann sé svona miklu klárari en Jón.

[Björn Birgisson, 16.6.2010 kl. 02:22]

Tómas, þú segir: "Þú kannski upplýsir lesendur þína hvernig þú færð út að hann sé svona miklu klárari en Jón"

Hjálmar Hjálmarsson er vel máli farinn maður, það er Jón Gnarr ekki. Hann bara tuðar eitthvað og glottir og kemst upp með það.

Hjálmar er leiftrandi talent.