Pólitísk aftaka Hönnu Birnu hafin í hennar eigin flokki

Nú eru stórhöfðingjar íhaldsins farnir að senda Hönnu Birnu tóninn. Það var viðbúið allan tímann, enda ákvörðun hennar, að þiggja forsetaembættið í borgarstjórninni, örugglega talin til alvarlegri svika í Valhöll. Svona skrifar Loftur Altice Þorsteinsson, einn víðsýnasti, orðprúðasti og besti maður íhaldsins hér á blogginu, um atburðarásina:

"Ef þessar fréttir eru réttar (sem ég dreg sem lengst í efa), hefur þessi fyrrverandi forustumaður Sjálfstæðismanna í borginni, tekið eigin vegsemd framfyrir hagsmuni þeirra borgarbúa sem kusu hana til forustu í Sjálfstæðisflokki og setu í borgarstjórn. Í kosningunum 29. maí 2010 hlaut Sjálfstæðisflokkur 33,6% fylgi í Reykjavík, sem eru 20.006 kjósendur. Fulltrúar flokksins eru 5, en með því að þiggja starf hjá Gnarranum og Samfylkingunni er verið að auðmýkja hina 4 fulltrúana og þá sem kusu þá í borgarstjórn.

 

Sjálfstæðismenn voru ekki hafðir með í ráðum um stefnu meirihlutans. Jón Gnarr kaus að kanna ekki einu sinni möguleika á aðkomu Sjálfstæðisflokks að meirihlutanum. Líklega hefur aldreigi áður skeð í sögu Reykjavíkur, að forustumaður í stjórnmálaflokki ráði sig til starfa hjá andstæðingum sínum, straks eftir kosningar. Ekki er hægt annað en óska Hönnu Birnu Kristjánsdóttur góðs gengis í þjónustu grínsflokks Jóns Gnarr og Samfylkingar. Hún hefur brotið allar brýr að baki sér og á varla afturkvæmt í Sjálfstæðisflokkinn." (Undirstrikanir gerði BB)

Hanna Birna á varla afturkvæmt í Sjálfstæðisflokkinn segir Loftur.

Samt er hún enn flokksbundin.

Skrítið!

Athugasemdir

[sr (IP-tala skráð) 16.6.2010 kl. 19:13]

Hefði kosið hana, í öllum flokkum nema FLokkinum. Svo einfalt er það nú.

Hún virkar bara eins og proffi og ef það er ekki það sem við þurfum þá veit ég ekki hvað.

[TómasHa, 16.6.2010 kl. 19:14]

Loftur getur haft sínar skoðanir, en hann er ekki sérstaktur áhrifamaður innan flokksins eða í stöðu til að ákveða hver er í flokknum eður ei.

[Kolbrún Hilmars, 16.6.2010 kl. 19:43]

Loftur er sjálfstæðismaður sem snéri vörn í sókn. Nú notar hann sama orðbragð á pólitíska andstæðinga sem hans flokksmenn fengu á sig hér á blogginu eftir hrun. Eins konar "tit for tat". Varla getur nokkur móðgast nú frekar en þá - eða er það nokkuð?

[Grefillinn Sjálfur - Koma svo! (IP-tala skráð) 16.6.2010 kl. 20:37]

Loftur og hans orðaræða er gott dæmi um það sem flestir Íslendingar vilja losna við úr stjórnmálunum.

[Kolbrún Hilmars, 16.6.2010 kl. 20:59]

Rétt er það, Grefillinn. En þeir halda áfram að gjamma sem vilja frá áhorfendapöllunum. Rétt eins og í boltanum...

[Björn Birgisson, 16.6.2010 kl. 22:42]

Kæru vinir! Ekki vera að sparka um of í Loft. Hann er Besti vinur minn!

[Óli (IP-tala skráð) 17.6.2010 kl. 10:06]

Hvad er ad vera sjálfstaedismadur?  Er thad ad vera áhangandi kvótakerfisins?