Hver verður Íslands besti sonur?

Landhelgisgæslan þurfti að hafa auga með um þúsund skipum og bátum við Íslandsstrendur í dag. Þar af voru um 500 strandveiðibátar.

Þetta er algjörlega dásamleg frétt. 500 strandveiðibátar. 500 hundruð fallegir og góðir einstaklingar, markaðir af sólinni á sænum og salti sjávarins, að skapa sér og sínum lífsviðurværi og skapa í leiðinni vinnu margra vinnufúsra handa í landi, hjá okkar fallegu og góðu þjóð.

Búa til gjaldeyri. Þetta er bara draumur í dós. Algjör draumur.

Næsta skref er að gefa allar handfæraveiðar, þetta dæmigerða skak, algjörlega frjálst á Íslandsmiðum, með þeim takmörkunum sem risjótt veðrátta setur.

Sá sem það gerir verður Íslands besti sonur.

Minni á "Í vesturbænum" ljóð Tómasar Guðmundssonar.

* Guðjón Arnar Kristjánsson, hvar ert þú, ertu nokkuð sofnaður í kerfinu?

Beittu þér karl af alefli. Það horfa margir til þín og vænta nýrra tíðinda!

Íslandi allt!

 

Um 500 strandveiðibátar á sjó

Athugasemdir

[Auður Matthíasdóttir, 6.7.2010 kl. 00:04]

Bjössi minn.

Guðjón kallinn sefur vært í sjávarútvegsráðuneytinu.  Hann þarf engu að kvíða.  Framtíðin er hans.

Hann sýndi ekki einu sinni þá festu og manndóm að styðja sinn flokk í kosningum nýverið.  Sigurjón Þórðarson,  nýr formaður tók við erfiðu búi og hefði svo sannarlega átt skilið  að eiga stuðnig fv. formanns vísan.

Njóttu sumarsins.

Kær kveðja.

Auður

[Björn Birgisson, 6.7.2010 kl. 00:24]

Elsku Auður, takk fyrir þetta innlit. Ekkert veit ég um innanríkismál Frjálslyndra, annað en það, að þar er Árni nokkur Gunnarsson innanborðs. Það gefur flokknum mikið vægi í mínum huga.

Þakka góðar kveðjur, njóttu birtunnar og sumarsins í ríkum mæli, mín kæra.

Þakka þér og föður þínum ykkar hlýhug.

Kysstu höfðingjann frá mér.

[Auður Matthíasdóttir, 6.7.2010 kl. 00:41]

Þakka þér og mun skila þessum hlýju kveðjum.  Við áttum svo sannarlega góð bernskuár á Ísafirði, við börnin þessara ára.    Við ættum eigninlega að hafa okkar "ættarmót", allir þessir púkar!  Ekki endilega bundið við ferningarár.

Þekki ekki Árna en líkar það sem hann skrifar!

[Árni Sigurður Pétursson, 6.7.2010 kl. 00:57]

ég hreinlega verð að spurja.

Hvar á að fá aflaheimildirnar fyrir þessum ótakmörkuðu veiðum smábáta ?

þar sem að þessir bátar eru núna að veiða 6 þúsund tonn og mega vera á veiðum 4 daga í viku.

og voru stoppaðir af t.d. á svæði A. voru stoppaðir af eftir ef að ég man rétt 6 eða 7 veiðidaga. og ekki mega þeir veiða meira en 650 þorskígildi.

þannig að það væri leikur einn fyrir þessa báta að veiða 30 þúsund tonn yfir sumarið eitt og sér ef að ekkert ætti að stoppa þessa báta af nema veður

ég hugsa að þeir ættu svo sem auðvelt með að veiða 50 - 80 þúsund tonn á ári ef að þannig væri.

hvaðan ætti að taka það þá ?

þar sem að það er jú bara rétt um 160 þúsund tonna þorkskvóti núna á þessu ári.

það er helvíti gróft ef að það á að leyfa trillum að veiða helminginn af því "frítt"

margir hverjir, (nefni þetta þar sem að menn eru voðalega á móti kvótakerfinu) búnir að selja sig útúr kvótakerfinu og stórgræða á því.

jafnvel þeir "hörðustu" búnir að selja 2 - 3 sinnum allann sinn kvóta í burtu.

[Björn Birgisson, 6.7.2010 kl. 01:14]

Árni Sigurður, algjörlega frjálsar handfæraveiðar allt í kring um landið allt árið. Það er markmiðið. Fiskurinn í sjónum biður um það. Hann er að drepast úr elli og biður um þessar veiðar!

[Vilhjálmur C Bjarnason (IP-tala skráð) 6.7.2010 kl. 08:32]

þegar handfæraveiðar og línuveiðar (úr bala) verða gefnar frjálsar, þá fyrst verður hægt að fá réttar tölur á stærð fiskistofna við Island.

þær veiðar sem hafa verið stundaðar síðustu 25 hafa gefið hræðilega skakka mynd af fiskigengd við landið vegna gengdarlauss brottkasts og blessunar fiskistofu-klíkunar.

[Árni Sigurður Pétursson, 6.7.2010 kl. 13:59]

Björn úr því að þú segist að fiskurinn sé að drepast úr elli, afhverju veiðist þá ekki þeim mun stærri fiskur núna en fyrir t.d. 10 - 15 árum ?

[Björn Birgisson, 6.7.2010 kl. 14:11]

Árni, góð spurning. Þetta með ellina er nú ekki beinlínis frá mér komið, heyrði þetta í spjalli við sjómenn, sem voru argir vegna skorts á kvóta og töldu að við ættum að veiða miklu meira en gert er. Svo veit ég ekkert hvort stærri fiskur veiðist nú eða ekki, miðað við árin sem þú nefndir. Kannski er það svo!

[Árni Sigurður Pétursson, 6.7.2010 kl. 14:24]

Ég vann í Saltfiskverkun, þar voru stærðarflokkar fyrir 10 - 15 árum sem að þekkjast ekki í dag.

algengasti stærðarflokkur sem að selt var þar var 4kg+ af fullstöðnum flöttum saltfiski,

í dag er algengasti stærðarflokkurinn 1,7 - 2,7 kg.

í dag vinn ég á fiskmarkaði, og ég get alveg staðfest það að það er minni fiskur að koma í land núna en fyrir 10 - 15 árum.

og ef að menn stunda svona svakalegt frákast þá geri ég nú ráð fyrir því að þeir kasti minnsta og verðminnsta fisknum í burtu, þannig að það þýðir að í raun er fiskur enn minni í dag en í raun kemur í land.

þetta stenst engan vegin við það að fiskur sé að drepast úr elli.

[Árni Sigurður Pétursson, 6.7.2010 kl. 14:26]

En þess má nú líka geta að með sjómenn sem að get ekki veitt vegna skorts á kvóta þeir að sjálfsögðu segja að það sé allir firðir og fjörur kjaftfullar af fiski.

ég man nú sögurnar með það áður en Strandveiðin byrjaði núna hérna í eyjum, þá áttu bátar bara varla að geta kúplað frá skrúfu án þess að skemma hana vegna þess að það var svo gríðarlega mikið af þorksi í kringum eyjuna.

síðan byrjar strandveiðin og ef að svona óhemju helvítis hellingur er af þorski í sjónum, þá hefðu trillur átt að geta farið út og komið í land með sín 650 þorksígildi eftir ca 2 tíma.

en nei, það tók þá 6 - 8 tíma(og upp í 14 tíma) að  ná í þau, ef að þau á annað borð náðust.