Meiri gjaldeyri úr hafinu?

Sjávarafurðir vógu þungt í útflutningi í júnímánuði. Útflutningur afurða iðnaðarins, einkum stóriðjunnar, er sem fyrr fyrirferðarmestur. Margir vilja auka hlut sjávarafurðanna og heimila meiri veiðar.

Þeir benda á að það sé hrein og bein sóun á verðmætum að láta fiskinn svamla óáreittan innan 200 mílnanna og ráðleggja veiðar á 50-60 þúsund tonnum til viðbótar. Það vill Hafró ekki og LÍÚ ekki heldur að því er virðist. Þá getur sjávarútvegsráðherra ekkert gert, því hann ræður engu um þessi mál. Hafró og LÍÚ ráða ferðinni á meðan Jón Bjarnason og Guðjón Arnar sötra sitt kaffi í ráðuneytinu.

Hér kemur taflan frá Hagstofunni yfir innflutning og útflutning júnímánaðar:

Útflutningur alls	47.955,1
Útfluttar sjávarafurðir alls	19.491,8
Útfluttar landbúnaðarafurðir	586,7
Útfluttar iðnaðarvörur	27.082,4
Útfluttar aðrar vörur alls	794,2
Innflutningur alls	39.348,7
Innfluttar matvörur og drykkjarvörur	3.834,4
Innfluttar hrávörur og rekstrarvörur, ót.a.	13.485,3
Innflutt eldsneyti og smurolíur	3.849,2
Innfluttar fjárfest.vörur (þó ekki flutn.tæki)	10.249,3
Innflutt flutningatæki	2.876,1
Innfluttar neysluvörur ót.a.	4.938,8
Innfluttar vörur ót.a (t.d. endursendar vörur)	115,7
Vöruskiptajöfnuður	8.606,3

Nærri 9 milljarða afgangur