Veit nokkur hver munurinn er á siðleysi og Alzheimer?

Alzheimer er dapurlegur sjúkdómur og er víst ólæknandi eins og siðleysið. Synd og skömm þegar hann leggst á tiltölulega ungt fólk. Ekkert við því að gera.

"Jón Ásgeir Jóhannesson hefur samkvæmt heimildum Morgunblaðsins greitt þrotabúi Glitnis 15 milljónir dollara, jafnvirði 1,9 milljarða króna."

Samkvæmt sömu heimildum verður listi yfir eignir Jóns Ásgeirs gerður opinber.

Eignir Jóns Ásgeirs Jóhannessonar samkvæmt honum sjálfum eru:

Laufásvegur 69, metinn á 113,5 milljónir króna
Hverfisgata 10, metin á 591 milljón
Jörð í Skagafirði, metin á 13,8 milljónir
Vatnsstígur, metinn á 34,4 milljónir
Mjóanes, Þingvöllum, metið á 7,5 milljónir
Skáli á Langjökli, metinn á 2 milljónir. 

Þá eru skráð hlutabréf í félögunum Thu Blasol, Gaumi ehf. og 101 Chalet. Öll þessi hlutabréf eru talin verðlaus. 

Þá á Jón Ásgeir 2,2 milljónir á reikningi hjá Glitni, 500 þúsund í Byr og 100 þúsund í Arion banka.

Á Íslandi á Jón Ásgeir þrjá bíla, tvo af gerðinni Range Rover sem samtals eru metnir á 7,4 milljónir, og Bentley, sem er metinn á 13,2 milljónir.

Reikningarnir á aflandseyjum, Tortola og fleirum, afskrifast bara á Alzheimersjúkdóminn.

Hvaðan komu þessar 19 þúsund milljónir sem fyrr var getið til þrotabús Glitnis? Skýra þær þennan skitna 100 þúsund kall sem eftir er í Arion banka? Held ekki.

Errare humanum est.

Það er mannlegt að skjátlast.

Veit nokkur hver munurinn er á siðleysi og Alzheimer?

Jón Ásgeir metur eignir sínar á 240 milljónir

Athugasemdir

[Ólafur Ingi Hrólfsson, 12.7.2010 kl. 02:19]

Þetta er frábær listi -

Jón býður sig fram til þings í næstu kosningum og segir hreinlega - ekkert handa aumingjunum - og nær kjöri - hinn Jón sagði - allskonar handa aumingjunum og 35% þeirra borgarbúa sem kaus greiddi honum atkvæði sitt.

Þess vegna verður hinn hlutinn að kjósa JÁJ inn á þing.

[Björn Birgisson, 12.7.2010 kl. 02:25]

Ef JÁJ fer á þing, tapar hann þá ráðgjafarlaununum við 365 miðla? Þau eru víst all nokkru hærri en þingfararkaupið.

[Grefill (IP-tala skráð) 12.7.2010 kl. 02:37]

Ég keyrði út í Mjóanes á dögunum. Ekki vissi ég að JÁJ ætti svæðið. Sá ekki nokkurn kjaft þarna.

[Björn Birgisson, 12.7.2010 kl. 02:40]

Grefill, varstu með landakort eða veðbókarvottorð í bíltúrnum? Réttu græjurnar skipta öllu máli nú um stundir!

[Grefill (IP-tala skráð) 12.7.2010 kl. 03:11]

Nei, ég var bara með Maryland kexkökur með kókosbragði. 50 kaloríur í hverri köku.

[Björn Birgisson, 12.7.2010 kl. 03:24]

Þú ert greinilega að verða kexruglaður!

[Óli (IP-tala skráð) 12.7.2010 kl. 04:25]

Djöfull væri nú gaman að sjá þetta skítseyði fara á hvínandi kúpuna. Hann á allt slæmt skilið. En það á varla eftir að gerast. Hann er hafinn yfir lög og þarf ekki að borga skuldir.

[Sigurður Þorsteinsson, 12.7.2010 kl. 08:58]

Hvað er þetta að agnúast út í guðföður ríkisstjórnarinnar.

[Grefill (IP-tala skráð) 12.7.2010 kl. 09:03]

Segi það. Hvar er virðingin fyrir Íslands besta syni, sóma vorum, sverði og skildi?

[Sigurður Haraldsson, 12.7.2010 kl. 10:31]

Nyður með Jón og lifi lýðræðið meigi það vinna á þessu meinvarpi okkar!

[GOLA RE 945, 12.7.2010 kl. 12:57]

Siðblinda er ömurlegur og ólæknandi geðsjúkdómur. Út um allt þjóðfélag eru funkerandi menn/konur haldin honum. Það ógeðfelda við sjúkdóminn er að sjúklingurinn kemur einstaklega vel fyrir. Iðulega er sviðin jörð eftir þessa sjúklinga. Sem róa bara á önnur mið..

Alzheimer er, eins og ég veit að þú veist annað. Þar verður fljótlega verkstol. Niðurlægjandi og andstyggilegur sjúkdómur. Á þessum sjúkdómum er regin munur.

[Björn Birgisson, 12.7.2010 kl. 12:59]

Veit ek vel Sveinki!