Þórir Baldursson er stóriðja í tónlist

Var að hlusta á Bubba okkar spjalla við Þóri Baldursson á Rás 2. Bubbi er tónlistarlegur snillingur í fremstu röð í okkar vesæla landi og hefur heldur betur fengið sínar ágjafir á fjármálasviðinu af því að hann gekk Mammoni á hönd.

Já, byltingarmaðurinn gekk Mammoni á hönd.

Che Gevara hefði aldrei gert það, ekki Castró heldur. Byltingarmenn eru misjafnir að gæðum.

Það á einnig við um byltingar, þær eru misjafnar. Sumar eru bara í nösum þeirra sem hæst láta.

Þórir Baldursson, sá snjalli tónlistarmaður, hógværðin uppmáluð, með alla sína hæfileika, er einn af landsins bestu sonum á tónlistarsviðinu.

Hafi ég ekki verið viss um það, þá sannfærðist ég um það í spjalli þeirra Bubba í kvöld.

Þórir Baldursson er stóriðja í tónlist.

Í jákvæðum skilningi.

Ég þakka honum fyrir öll hans stórvirki.