Íslendingar til leigu erlendis?

"Von er á TF-SIF til Reykjavíkur um klukkan hálf tíu í kvöld en hún mun stoppa stutt við á Íslandi því um næstu helgi heldur vélin til Dakar í Senegal til að sinna áframhaldandi eftirliti fyrir Frontex, landamærastofnun Evrópusambandsins."

Varðskipið Ægir er á Miðjarðarhafi og nú fer TF-SIF til Senegal til að sinna leiguverkefni. Í Chile er svo dýrt varðskip í smíðum að verð þess jaðrar við stórglæp, jafnvel í anda bankaránanna á Íslandi. Margir áttu víst þá ósk heitasta að skipið hefði gjöreyðilagst í jarðskjálftunum í Chile, til að losa Landhelgisgæsluna frá smíðinni. Svo varð auðvitað ekki.

Aðeins Týr sinnir löggæslu á miðunum og þessi spurning verður áleitin:

Hvers vegna er Landhelgisgæslan svona hrikalega stödd fjárhagslega?

Er það vegna síendurtekins niðurskurðar eingöngu eða hefur stofnunin verið að bruðla með fjármuni?

Svo vaknar önnur áleitin spurning:

Fyrst unnt er að hafa allt hafsvæðið út að 200 mílunum nánast eftirlitslaust, til hvers þurfum við allt þetta eftirlit lögreglunnar í landi?

Af hverju leigjum við ekki nokkrar kippur af lögreglumönnum, slökkviliðsmönnum og sjúkraflutningamönnum til starfa í útlöndum, rétt eins og varðskipið og flugvélina?

Ekki tíma stjórnvöld að borga þessu fólki góð laun.

Kannski er vilji til þess meiri erlendis.

Ja hérna!

TF-SIF á heimleið frá Mexíkóflóa

Athugasemdir

[karl (IP-tala skráð) 16.8.2010 kl. 11:45]

Ægir og SIF eru í sama verkefninu fyrir Frontex ef minnið svíkur ekki þeimur meira.