Skuggalegasta lýðveldið norðan Suðurpóls?

Fyrir hrunið fyrir tveimur árum var ég ákaflega, líklega barnalega, stoltur af því að vera Íslendingur, en ég verð að viðurkenna að nú eru að renna á mig tvær grímur. Nú læðist, úr öllum áttum, að mér sá grunur að ég tilheyri einu skuggalegasta lýðveldi, sem komið hefur verið á fót norðan við Suðurpólinn.

Hvað er það mikilvægasta í hverju lýðveldi?

Auðvitað fólkið. Engum blöðum um það að fletta. Af hverju lifir fólkið í lýðveldinu?

Laununum sínum auðvitað.

Launamismunur í þessu landi er til stórskammar.

Sveitarstjórar í einhverjum krummaskuðum fá 900-1100 þúsund  krónur í kaup fyrir það eitt að mæta sæmilega í vinnuna sína.

Forstjórar í algjörlega fallítt fyrirtækjum á framfæri bankanna taka sér 2-3 milljónir í mánaðarlaun.

Þingmenn þjóðarinnar fá 600-700 þúsund í laun, miklu minna en tugir embættismanna hins opinbera, sem gjarnan glotta út í annað um hver mánaðamót, ánægðir með sitt.

Forsætisráðherra þjóðarinnar fær lægri laun en flestir bæjarstjórar landsins!

Lægstu laun eru svo skammarleg að engu tali tekur og duga engan veginn til framfærslu, jafnvel þótt kötturinn einn væri á heimilinu!

Þiggjendur þeirra launa þurfa að standa í löngum biðröðum eftir matargjöfum svo börnin svelti ekki. Er þetta það Ísland sem við viljum sjá?

Ó, nei, óravíddum geimsins þar frá.

Sjálftaka hárra launa í þessu landi er krabbamein þjóðarinnar. Að ekki séu nefndir allir starfslokasamningarnir! Sá einstaklingur eða flokkur, sem kemur böndum á þessa geðveiki sjálftökunnar mun uppskera klapp fyrir í biðröðum góðra Íslendinga hjá Mæðrastyrksnefnd.

Er engin verkalýðshreyfing lengur starfandi í landinu? Hvar er hún?

Hvaða talsmenn eiga hinir lægst launuðu í þessu landi?

Nákvæmlega þá sömu og "óhreina fólkið" á Indlandi.

Nákvæmlega enga.

Íslendingar eru friðsöm þjóð. Þetta ástand hefði hrundið af stað blóðugum átökum í mörgum löndum.

Við látum nægja að blogga um það!

Er það ekki?

 

Athugasemdir

[hilmar jónsson, 19.8.2010 kl. 00:45]

Hræddur um að kveikjuþráður þjóðarinnar sé farinn að styttast ískyggilega Björn...

[Björn Birgisson, 19.8.2010 kl. 01:59]

Hilmar, ég þakka þér þitt innnlit!

[Dingli, 19.8.2010 kl. 02:30]

Allt saman rétt, og það verður að stöðva þetta strax. OG það verður að hefja lögreglurannsókn á þessum þjófnaði. Það gengur bara ekki að pakkið komist upp með þetta

[Guðmundur Jónas Kristjánsson, 19.8.2010 kl. 11:11]

Sæll Björn. Formaður Hægri grænna hefur svarað spurningum þínum á bloggi mínu. Bara koma þeim skilaboðum til þín!

[Björn Birgisson, 19.8.2010 kl. 11:14]

Sá það Guðmundur Jónas.