Fellur ríkisstjórnin fyrir jól? - Ný könnun

"Magnús Orri sagði að af þeim ástæðum hafi fyrrverandi viðskiptaráðherra ekki haft sömu vitund um hættuna og aðrir ráðherrar í ríkisstjórninni."

Það sjónarspil sem agndofa þjóðinni er nú boðið upp á af Alþingi er sögulegt, einkum fyrir þær sakir að aldrei í lýðveldissögunni hefur önnur eins lágkúra birst þjóðinni frá Stórasviðinu við Austurvöll.

Enn eru menn þar að karpa um atkvæðagreiðslur um ákærur á hendur fyrrum ráðherrum. Þær atkvæðagreiðslur munu aldrei fara fram. Hvort þær ættu að fara fram er önnur saga.

Samfylking og Sjálfstæðisflokkur munu koma í veg fyrir slíka atkvæðagreiðslu. Til að spara tímann væri réttast að henda þessum þingsályktunartillögum í ruslafötuna.

Stóra spurningin er þessi.

Er ríkisstjórnin að falla á þessu skítamáli?

Um það spyr ég í nýrri könnun hér til vinstri á síðunni.

Taktu þátt ef þú þorir!

Hafnar sérstakri rannsókn

Athugasemdir

[hilmar jónsson, 21.9.2010 kl. 21:22]

Björn: Ég ætla að gera grein fyrir mínu atkvæði í þessari skoðannakönnun þinni.

Ef Sjálfstæðisflokkur og Samfylking ætla ( eins og allt lítur út fyrir ) að koma í veg fyrir atkvæðagreiðluna. Þá segja VG skilið við samstarfið á næstu dögum.

Að öðru leyti, og eins og SF er meira og meira að opinbera sína eðlislægu kratísku gamal dags flokks hugsun, þá lafir þetta í mesta lagi fram yfir jól.

En ef ég á að vera alveg hreinskilinn, þá held ég að samstarfið sé nú þegar kapút, þingmenn eiga bara eftir að melta það.

[Björn Birgisson, 21.9.2010 kl. 21:29]

Hilmar Jónsson og mínar kannanir. Gaman að þú skildir gera grein fyrir atkvæði þínu og að mestu get ég tekið undir með þér. Get ég treyst þér, svona tæknilega séð?  

[hilmar jónsson, 21.9.2010 kl. 21:35]

Að sjálfsögðu Björn.

[Axel Jóhann Hallgrímsson, 21.9.2010 kl. 22:10]

Ég er með könnun á mínu bloggi, svipaðs eðlis. Þar er gert ráð fyrir þeim möguleika að jólunum verði jafnvel flýtt um tvo mánuði. Ég óttast að Sjálfstæðisflokkurinn verði kominn í stjórnarráðið fyrir jól, þó þeim verði flýtt. Ég geri ekki grein fyrir mínu atkvæði það þarfnast ekki útskýringa.  

En komi til kosninga er mér vandi á höndum, veit ekki hvað ég á að kjósa, en veit hvað ég kýs ekki.

[Stebbi (IP-tala skráð) 22.9.2010 kl. 15:41]

Hvers vegna á Björgvin, bankamálaráðherran sjálfur, ekki að hafa vitað neitt.  Jú hann var ekki hafður með á fundum vegna þess að hvorki samfylkingin né sjálfsstæðisflokkurinn treysti manninum til þess að halda sér saman um mál á viðkvæmu stigi.

[Björn Birgisson, 22.9.2010 kl. 15:56]

Ljótt að heyra!