Í kvöld verður gott að búa í Kópavogi

"Selfoss og Grindavík eigast við í lokaumferð úrvalsdeildar karla, Pepsí-deildinni, og hefst leikurinn kl. 14.00."

Í seinni umferðinni hafa Grindvíkingar fengið 14 stig, en lið Selfoss aðeins 6 stig. Grindvíkingar verða því að teljast sigurstranglegri þótt þeir leiki á útivelli í dag.

Annars skiptir þessi leikur nánast engu máli. Grindvíkingar eru pikkfastir í 10. sætinu og lið Selfoss er fallið. Hvorugt mun breytast í dag.

Liðin ættu bara að semja um jafntefli og gefa leikmönnunum frí til að fylgjast með baráttunni á toppnum. Þar verður allt fjörið!

Ég spái því að Blikarnir verði Íslandsmeistarar með sigri í dag. Keflavík vinnur svo Eyjamenn og FH leggur Fram.

Lokastaðan á toppnum verður samkvæmt þessu svona:

Breiðablik 46 stig

FH 44 stig

ÍBV 42 stig

Selfoss kvaddi úrvalsdeildina með stórsigri

Athugasemdir

[Theódór Norðkvist, 25.9.2010 kl. 13:54]

Blikar hafa oft verið mjög nálægt því að vinna Íslandsmótið, en misst góða forystu niður í lokin. Núna sýnist mér þeir vera komnir með mikla sigurhefð, meiri stöðugleika og sjálfstraust og munu ekki misstíga sig í lokaumferðinni.

Þess vegna tek ég undir spána hjá þér, allavega um að Breiðablik vinni sinn leik og þar með mótið.

[Hoppandi (IP-tala skráð) 25.9.2010 kl. 14:23]

Ég vona að Blikar taki þetta, en mótmæli harðlega öllum hrakspám um að Fram tapi fyrir FH.

[Axel Jóhann Hallgrímsson, 25.9.2010 kl. 14:31]

Fótboltinn er eins og pólitíkin, skilar engu nema deilum og úlfúð á milli fylgjenda liðana. Leggja hann niður takk!

[Björn Birgisson, 25.9.2010 kl. 14:43]

2:0 - Boltinn barst út úr vítateignum á Sævar sem hamraði hann fyrir utan teig með vinstri fótnum. Glæsilegt hjá fyrirliðanum. mbl.is klikkar aldrei!

[Hoppandi (IP-tala skráð) 25.9.2010 kl. 15:37]

Marteinn Mosdal vildi hafa jafntefli í öllum leikjum. Kannski bara ágætis hugmynd eftir allt saman?

[Skarfurinn, 25.9.2010 kl. 15:43]

Frammistaða Grindavíkur í sumar er til skammar, 3 þjálfarar og ekkert gengur, og þeir í raun heppnir að falla ekki, þeir hanga upp á markamun sem er lítill klassi yfir.

[Theódór Norðkvist, 25.9.2010 kl. 15:57]

Marteinn Mosdal vildi hafa eitt ríkislið sem keppir við sjálft sig á sunnudögum klukkan tvö, tapar aldrei, vinnur aldrei, alltaf jafntefli.

En tæpt var það hjá Blikum, óska Kópavogsbúum til hamingju. Jafntefli dugði þeim á betri markatölu en FH.

[Björn Birgisson, 25.9.2010 kl. 16:01]

Skarfur, Grindavík hangir ekki uppi á markamun.