Jóhanna að hætta?

BB Fréttir hafa traustar heimildir fyrir því að þann 4. október næst komandi, á 68. afmælisdegi sínum hyggist Jóhanna Sigurðardóttir segja af sér sem þingmaður Reykvíkinga og forsætisráðherra þjóðarinnar og setjast í helgan stein. Heimildamenn BB Frétta hafa kosið að koma ekki fram undir nafni, vegna þess hve málið er viðkvæmt.

Þetta eru stór tíðindi, nú á erfiðum tímum og viðkvæmum.

Lítum aðeins á feril Jóhönnu eins og honum er lýst á vef Alþingis:

Jóhanna Sigurðardóttir

      F. í Reykjavík 4. okt. 1942. For.: Sigurður Egill Ingimundarson (f. 10. júlí 1913, d. 12. okt. 1978) alþm. og forstjóri Tryggingastofnunar ríkisins og Karítas Guðmundsdóttir (f. 19. des. 1917, d. 26. ágúst 1997) húsmóðir. M. 1. (28. febr. 1970) Þorvaldur Steinar Jóhannesson (f. 3. mars 1944) bankastarfsmaður í Reykjavík. Þau skildu. For.: Jóhannes Eggertsson og Steinunn G. Kristinsdóttir. M. 2. (15. júní 2002) Jónína Leósdóttir (f. 16. maí 1954) blaðamaður og leikskáld. For.: Leó Eggertsson og Fríða Björg Loftsdóttir. Synir Jóhönnu og Þorvalds: Sigurður Egill (1972), Davíð Steinar (1977). Sonur Jónínu: Gunnar Hrafn Jónsson (1981).
      Verslunarpróf VÍ 1960.
      Flugfreyja hjá Loftleiðum 1962-1971. Skrifstofumaður í Kassagerð Reykjavíkur 1971-1978. Félagsmálaráðherra 8. júlí 1987 til 24. júní 1994. Félagsmálaráðherra 24. maí 2007 og félags- og tryggingamálaráðherra í ársbyrjun 2008 til 1. febr. 2009. Forsætisráðherra síðan 1. febr. 2009.
      Í stjórn Flugfreyjufélags Íslands 1966-1969, formaður 1966 og 1969. Í stjórn félagsins Svölurnar 1974-1976, formaður 1975. Í stjórn Verslunarmannafélags Reykjavíkur 1976-1983. Varaformaður Alþýðuflokksins 1984-1993. Formaður í stjórnarnefnd um málefni þroskaheftra og öryrkja 1979-1983. Í nefnd til að undirbúa frumvarp um tilhögun og framkvæmd fullorðinsfræðslu og endurskoðun laga um almannatryggingar 1978. Í tryggingaráði 1978-1987, formaður þess 1979-1980. Sat á þingi Alþjóðaþingmannasambandsins 1980-1985. Formaður Þjóðvaka 1995. Formaður Samfylkingarinnar síðan 2009.

      Alþm. Reykv. 1978-2003 (landsk. 1979-1987) (Alþfl., Ufl., Þjóðv., JA., Samf.), alþm. Reykv. s. 2003-2007, alþm. Reykv. n. síðan 2007 (Samf.).
      Félagsmálaráðherra 1987-1994 og 2007-2008, félags- og tryggingamálaráðherra 2008-2009, forsætisráðherra síðan 2009.
      2. varaforseti Nd. 1979, 1. varaforseti Nd. 1983-1984, 4. varaforseti Alþingis 2003-2007.
      Utanríkismálanefnd 1995-1996, iðnaðarnefnd 1995-1999, sérnefnd um stjórnarskrármál 1995-1997 og 1999-2000 og 2004-2007, allsherjarnefnd 1996-1999, efnahags- og viðskiptanefnd 1999-2007, kjörbréfanefnd 1999-2003, félagsmálanefnd 2003-2007.
      Íslandsdeild Alþjóðaþingmannasambandsins 1996-2003, Íslandsdeild ÖSE-þingsins 2003-2007.
 

BB Fréttir hafa rætt við marga úr innsta hring Samfylkingarinnar um þessa frétt og nokkrir viðmælendur staðfestu hana, en kusu að koma ekki fram undir nafni.

Samkvæmt nafnlausum viðmælendum BB Frétta mun ríkja hálfgert upplausnarástand innan Samfylkingarinnar við þessi tíðindi og hafinn mun vera, á bak við tjöldin, harður slagur bæði um embætti forsætirráðherra og formennskuna í Samfylkingunni.

BB Fréttir munu áfram fylgjast með þessu stórmáli og upplýsa lesendur um gang mála.

Agnes Bragadóttir hvað?

Þekkja ekki allir stílinn?

Aðal trikkið í lágkúrulegustu blaðamennsku heimsins er að tala aldrei við þann sem fréttin fjallar um.

Það er mikill munur á launuðum leigupennum, skemmdarverkamönnum og alvöru blaðamönnum.

Þessi færsla er uppspuni frá rótum.

 

Athugasemdir

[ASE (IP-tala skráð) 26.9.2010 kl. 00:17]

Snilldarpistill, hárbeittur...... og ef einhverjar hænur verða ekki farnar að fljúga um miðjan dag á morgunn (í síðasta lagi :-o) þá má ég hundur heita ;-)

[Guðmundur Júlíusson, 26.9.2010 kl. 00:17]

Svei  mér þá, erum við báðir  dottnir í Vodkað?? Ef ég vissi ekki betur BB ,  ert þú þessi ágæta fréttastofa, en hvað veit ég, vitandi að þú hafðir upp á úrslitum Gunnars Nelsons á undan mér.

En sé þetta rétt eru hér stórtíðindi á ferð og ber að fagna, en ekki  opna kampavínsflöskuna strax, þetta gæti reynst gabb!!!

[Ybbar gogg (IP-tala skráð) 26.9.2010 kl. 00:34]

Agnes? Hvur í fj....... er Agnes??

Æi, já. Þessi á DT (DabbaTíðindum).

Tek BB fréttir fram yfir þann snepil!

[Björn Birgisson, 26.9.2010 kl. 00:54]

ASE, hænum er það eðlislægara að verpa eggjum en að fljúga. Fúlegg eru þar ekki undanskilin. Þú þarft að velja þér hvuttanafn samkvæmt þínum eigin orðum. Hvernig líst þér á Frjálshyggju Hvolpur, með styttingi í FH?

[Björn Birgisson, 26.9.2010 kl. 01:04]

Guðmundur Júlíusson, farðu varlega í Vodkadrykkjunni. Einu sinni kom blaðamaður í Kreml og bað um viðtal við Jeltsín. Hann spurði ritarann hvort það væri rétt að Jeltsín væri alltaf fullur. Bíddu aðeins, sagði ritarinn, hringdi innanhúss og sagði svo: Gjörðu svo vel, hann vill hitta þig, honum leiðist svo að drekka einn!

[Guðmundur Júlíusson (IP-tala skráð) 26.9.2010 kl. 01:12]

Björn! merkilegt hve þú snýrð alltaf upp á þig og varast svara, en það er háttur margra Samfylkingarmanna, leiður ávani.

[Björn Birgisson, 26.9.2010 kl. 01:16]

Ybbar gogg, BB fréttir eru "gjaldþrota" eða ráðþrota, án nokkurs tilefnis.  Hafa aldrei gefið neitt út. Skulda engum neitt, en langar að segja svo margt. Nenna því kannski ekki. Allt á sinn endapunkt. Hvert ferðalag styttist með hverju skrefi sem stigið er.

[Björn Birgisson, 26.9.2010 kl. 01:23]

Guðmundur Júlíusson, ég þakka þér þín innlit, sem mér þykir alltaf vænt um. Ég veit lítið um Samfylkinguna, en er skráður meðlimur í flokki Nelsons Mandela í Suður Afríku. Um aðra flokka varðar mig lítið!

[Ybbar gogg (IP-tala skráð) 26.9.2010 kl. 01:34]

Ertu skráður í ANC?!?

[Björn Birgisson, 26.9.2010 kl. 01:38]

African National Congress, Já.

[Guðmundur Júlíusson, 26.9.2010 kl. 01:41]

Nú er vodkað að segja til sín hjá vini mínum Birni, komin í flokk Mandela á þríðja glasi, ætli hann verði ekki orðin áróðursmálaráðherra Angelu Merkel eftir fimm glös

[Ybbar gogg (IP-tala skráð) 26.9.2010 kl. 01:48]

Ja, hérna! Ýfast nú mínar fjaðrir! Ert þú til í að verða tilnefndur á  komandi stjórnlagaþing? (Ekki að ég viti hvernig það gengur fyrir sig...)

Tek það fram, að ég er hreint ekki alltaf sammála þér á þessu bloggi þínu. En, svei mér alla daga, ég held að þú eigir erindi þangað.

Hugleiddu það í nokkra daga.

[Ybbar gogg (IP-tala skráð) 26.9.2010 kl. 01:56]

Guðmundur. Vertu stilltur. Ef Björn segist vera meðlimur í ANC þá er hann meðlimur í ANC. Hann er nú ekki beinlínis þekktur fyrir meðlimsskap í félögum, líttu bara á "bloggvini" hans!

[Björn Birgisson, 26.9.2010 kl. 01:59]

Guðmundur minn Júlíusson, ég drekk ekki Vodka, mér líkar ekki við þessi orð þín, en fyrirgef þér að sjálfsögðu, á sömu forsendum og Jesús Jósefsson fyrirgaf sínum misgjörðarmönnum, með þeim orðum að þeir vissu ekki hvað þeir væru að gjöra.

[Björn Birgisson, 26.9.2010 kl. 02:08]

Mér hefur ekki borist boð á stjórnlagaþing, sem betur fer. Þangað færi ég aldrei. Hins vegar berast mér stöðugt boð á alls kyns skröll, með veislustjóraembætti í forgrunni, en hafna flestum, þar sem ég er af náttúrunnar völdum frekar leiðinlegur.

[Ybbar gogg (IP-tala skráð) 26.9.2010 kl. 02:11]

O, jæja. Ekki leiðinlegri en svo að sumir nenna að lesa þig.

[Björn Birgisson, 26.9.2010 kl. 02:23]

Bloggvinir? Ég átti um 70-100 bloggvini, en sagði þeim öllum upp. Ég á nóg með gesti mína, sem ég vil gjarnan svara, en að þeim töldum, auk kannski 70 bloggvina endist mér ekki sólarhringurinn. Svo finnst mér bara töff að standa einn! Þannig kom ég í heiminn! Mér berast endalausar óskir um bloggvináttu, en hafna þeim öllum.

[Jón Óskarsson (IP-tala skráð) 26.9.2010 kl. 04:16]

"Það er mikill munur á launuðum leigupennum, skemmdarverkamönnum og alvöru blaðamönnum."

 Íslenskir fréttamenn eru upp til hópa slúðurtunnur.

Með allar sínar heimildalausu "fréttir" í skildagatí

[Árni Gunnarsson, 26.9.2010 kl. 13:15]

Lét þig gabba mig, gerist ekki aftur, skamm!