Samkvæmt Alþingi kristallast hin pólitíska ábyrgð í einum manni

Maður er enn sem hálflamaður eftir atburði gærdagsins. Nú liggur fyrir að einn maður verður leiddur fyrir eitthvert fornaldarfyrirbrigði sem heitir Landsdómur.

Einn maður.

Af pólitískum sjónarhóli séð þá kristallast hin pólitíska ábyrgð á bankahruninu í einum manni samkvæmt niðurstöðu Alþingis í gær.

Einum manni.

Nú á að binda fimm hæstaréttardómara yfir þessu eina máli og þessum eina manni svo mánuðum og jafnvel árum skiptir, auk þess sem tíu aðrir verða kallaðir til. Alþingi er að lama Hæstarétt Íslands á versta tíma. Út af einum manni.

Einum manni.

Hvað heldur fólk svo að þessi skrípaleikur allur muni kosta? Fyrir utan ótal glataðar stundir sakbornings, dómara og annarra sem að þessu munu koma, mun kostnaðurinn hlaupa á tugum ef ekki hundruðum milljóna gangi þessi vitleysa alla leið.

Niðurstaðan verður aldrei önnur en sú sem nú þegar er á allra vitorði.

Það hefði mátt gera ýmislegt betur.

Ekki bara þessi eini maður, heldur fjöldinn allur af fólki.

Er ekki hægt að koma í veg fyrir þennan Landsdóms skrípaleik með einhverjum ráðum?

Athugasemdir

[Hoppandi (IP-tala skráð) 29.9.2010 kl. 12:12]

Blessaður vertu, þetta dagar uppi á einn eða annan hátt. Eftir tvo mánuði mun enginn einu sinni muna eftir þessu máli.

[Björn Birgisson, 29.9.2010 kl. 12:53]

Betur að svo færi.

[Jón Óskarsson (IP-tala skráð) 29.9.2010 kl. 13:26]

Lílja Mós var að lofa okkur kosningum í gærkveldi, alla vega nýrri ríkisstjórn því ljóst er að ekki verður farið að hennar vilja í einu og öllu við fjárlagagerðna.

Við fáum alveg nóg til að gleyma og svo verður gærdagurinn fallin í gleymsku eftir þrjá mánuði hvort eð er.