Rembihnútar AGS

Ríkisstjórn Jóhönnu Sigurðardóttur er í skuggalega vondum málum gagnvart heimilum þessa lands, þar sem hún hefur ekki tekið nægjanlega á lánamálum fólks og gert uppboðshaldara að uppteknustu mönnum þessa lands.

Það er alltaf að koma betur og betur í ljós hvílíku hrikalegu þrotabúi stjórnin tók við eftir allt hið meinta góðæri, sem reyndist svo vera eitt allsherjar samsæri gegn þjóðinni.

Þetta vita allir og ráðherrarnir best allra. Hvað veldur því að ekki er reynt að hjálpa fólkinu betur? Skortir viljann til að létta undir með fólkinu? Ég hef ekki nokkra trú á því.

Eru hendur ríkisstjórnarinnar rammlega bundnar í þessu máli og einnig fætur? Ef svo er, hver hnýtti þá rembihnúta?

Líklega segja margir AGS.

Líklega væri þessi sama staða uppi hver sem væri í stjórn.

Líklega, en erfitt að fullyrða nokkuð um það.

Vertu blessaður Mark Flanagan. Skuldugir Íslendingar munu ekki sakna þín.

 

Flanagan kveður Ísland

Athugasemdir

[Hólímólí (IP-tala skráð) 6.10.2010 kl. 18:23]

Málið er einfalt og ekki dularfullt.

Skipunin er þessi: Hver einasta króna af "skuldum" almennings skal innheimt þannig að ekkert lendi á fjármagnseigendunum og "kröfuhöfum". Þau heimili sem geta ekki borgað missa allt sem þau töldu sig eiga og ábyrgðarmenn hundeltir það eftir er.

Fari ríkisstjórnin út í minnstu aðgerðir sem kosta að heimilin fái leiðréttingu á "skuldunum" á kostnað fjármagnseigenda og "kröfuhafa" verður Ísland hreint og beint fryst úti af AGS og ESB, með öllu sem því fylgir ... þ.e. algjöru efnahagshruni.

Langtímaáætlunin er sú að fjármagnseigendur og "kröfuhafar" eignist allt sem á Íslandi er og þar með Ísland.

[Björn Birgisson, 6.10.2010 kl. 18:28]

Guð blessi Mörland!

[Hólímólí (IP-tala skráð) 6.10.2010 kl. 19:56]

Er Guð í Grindavík?

[Björn Birgisson, 6.10.2010 kl. 19:59]

Hef ekki hitt hann, en ég skal svipast um!

[Eyjólfur G Svavarsson, 7.10.2010 kl. 00:13]

Hann hefur verið í felum síðan Geir H Bað hann að blessa Island.