Seinheppinn formaður

"Bjarni Benediktsson, formaður Sjálfstæðisflokksins, sagði á Alþingi í dag ríkisstjórnina fá „algjöra falleinkunn". Hún hafi ekki náð utan um vandann og ekki komið með almennilegar lausnir."

Auðvitað hefur ríkisstjórnin ekki náð utan um vandann sem hún fékk í arf. Hann var svo hrikalegur að það tekur mörg ár að ná almennilega utan um hann og leiðrétta allan viðbjóðinn sem áður viðgekkst og Bjarni kannast áreiðanlega ágætlega við úr ranni eigin flokks.

"Ekki síst er vandinn bundinn við ómögulega efnahagsstefnu ríkisstjórnarinnar" segir formaðurinn ungi svo.

Segir ekki staðan nú að þessi orð gildi um fleiri stjórnir en þá sem nú situr? Gott er að geta strikað fortíðina út og tala svo eins og hvítþveginn engill. Verst að fáir trúa boðskapnum.

Svo er Sjálfstæðisflokkurinn bara farinn í fýlu og vill ekkert hjálpa til í tiltektinni! Það er verulega aum afstaða, en fyrst þó og fremst bráðfyndin, enda aðhlátursefni margra þessa dagana!

Ósköp er hann seinheppinn í sinni gagnrýni blessaður strákurinn! 

„Algjör falleinkunn“

Athugasemdir

[Óðinn Þórisson, 7.10.2010 kl. 17:21]

Það er öllum ljóst nema kannski einhverjum afturhaldskommum að aðalvandamál Íslands í dag er tæra vinstri stjórnin -
Alltaf að tala um fortíðina - hvar er framtíðarsín þessarar tæru getulausu ríkisstjónar -
Eins og þú veist er það eitt aðalmarkmarkmið sósíalista að þurrka út millistéttina - þú væntanega syður það ?
Ertu sáttur við atvinnustoppsetefnu vg ?

"Allir dagar þar sem ljós sjálfstæðisstefnunnar kviknar og myrkur vinstri stefnunnar slokknar eru góðir dagar"
Óðinn Þórisson 07.10.2010

[prakkari (IP-tala skráð) 7.10.2010 kl. 17:30]

Lilja Mósesdóttir sagði að bestu hugmyndir um úrræði í þessari kreppu hefðu komið frá sjálfstæðisflokknum og framsókn.  Það að skattleggja tímabundið innlögn á viðbótalífeyrissparnaði og 20% flatan niðurskurð á lánum en þar sem þetta kom frá þeim flokkum þá var því hafnað.  Væri nær að manneskja eins og Lilja myndi gegna fjármálaráðherrastarfinu heldur en þessi jarðfræðingur sem heldur sig við það sem vinstra er vænt að skattleggja allt til dauðans.  En já árið 3000 myndi jarðfræðingur ennþá vera tauta gleymum því ekki hver kom okkur í þessa stöðu.  Á sama tíma væri jarðfræðingurinn ekki búinn að gera neitt annað en að bæta við sköttum.

Þetta sem Lilja sagði segir meira um viðmót stjórnarflokkana um samstarf en allt þetta bull frá þér.

[Aðalsteinn Agnarsson, 7.10.2010 kl. 17:36]

Björn, fátæk þjóð gæti bjargað sér, með frjálsum handfæra veiðum, en Jóhanna gleymdi

loforði sínu við Íslensku þjóðina, Frjálsar Handfæra Veiðar.

15.OOO. manneskjur eru án vinnu, og auknu atvinnuleysi er spáð í vetur.

Björn, hvað þarf til, svo Jóhanna fái minnið aftur ?