Framámaður hegðar sér eins og skíthrædd kerling

Hvað er eiginlega að þessu liði sem við höfum valið til að stjórna málefnum okkar? Á meðan landið brennur pexar þetta lið um algilda orðanotkun, löngu orðna að málvenju, jafnt hjá báðun kynjum, sem byggja þetta land.

Mér finnst Ásmundur Friðriksson, bæjarstjóri nágranna minna í Garðinum, hafa hrapað býsna langt niður eftir styrkleikalistanum við þessa afsökunarbeiðni. Hann hljómar eins og hver önnur skíthrædd kerling. Það boðar ekkert gott.

Í stað þess að hnykkja ærlega á orðum sínum, sem beint var til fjármálaráðherra, lyppast maðurinn niður, eins og fermingarlimur að loknu fyrsta sáðláti og leggst flatur að fótum einhvers femínista kjaftæðis, sem ekki er annað en hlæjandi að og Oddný G. Harðardóttir, þingkona Samfylkingar, er upphafsmaður að í þessu tilviki.

"Mér þykir leitt að hafa notað samlíkinguna „eins og kerling" þegar ég ræddi um framgöngu Steingríms J. á atvinnumálafundinum í Stapa." sagði Ásmundur Friðriksson bæjarstjóri í Garðinum á Mbl.is

Leitt?

Ásmundur Friðriksson! Haltu þig við aðalatriði þessa máls. Það eru atvinnumálin á Suðurnesjum. Þessi afsökunarbeiðni þín er ömurlega kerlingarleg, en nú skaltu sýna þá karlmennsku og þann dug sem í þér er, þrátt fyrir þetta vanhugsaða axarskapt. Þú hefur reynst ágætur baráttumaður fyrir málstað Suðurnesjabúa og því algjörlega ástæðulaust að lyppast niður fyrir einhverjum orðhengilshætti vanbúins fólks í þjóðfélaginu. Fólks sem flest er á ríkisjötunni og skilur ekki baráttu almúgans fyrir sínu daglega brauði.

Þú getur gert miklu betur en að skríða fyrir einhverjum kynlitlum blábjánum, sem ekki skilja hressilega notkun móðurmálsins, sem fyrir löngu er föst í sessi, sem málvenja bæði karla og kvenna í þessu volaða landi.

Það væri betur komið fyrir okkar þjóð ef ráðamenn temdu sér hressilegt málfæri að sjómannasið, í stað þess að segja alltaf ekkert í afar löngu máli.

Ásmundur biðst afsökunar

Athugasemdir

[Sigurður Þorsteinsson, 31.10.2010 kl. 20:05]

Björn ég ætla að taka heilshugar undir þetta með þér.

[Björn Jónsson, 31.10.2010 kl. 20:09]

Nafni !

Ég held að Ásmundur ætti að láta þig skrifa fyrir sig ræðurnar hér eftir................. Á hressilegri Vestfirsku, en ekki að vera eins og hundskammaður rakki,ef einhver KERLING svo mikið sem gjóar á hann augum.

Hjartanlega sammála þér.

[Björn Birgisson, 31.10.2010 kl. 20:09]

Sigurður, þakka þér. Stundum á ég það til að vera lítt alvörugefinn, en í þessari færslu er mér fúlasta alvara og var bara nokkuð reiður við skrifin!

[Björn Birgisson, 31.10.2010 kl. 20:14]

Nafni, þakka þér innlitið og góð orð. Ég er afleitur ræðuskrifari, en kannski fyrirfinnast þeir enn verri!

[Sigurður Þorsteinsson, 31.10.2010 kl. 20:34]

Björn, þetta er réttlát reiði. Hins vegar er atvinnuástandið á Suðurnesjum ekkert einkamál Suðurnesjamanna. Þetta er vandamál fyrir okkur öll. Atvinnuleysi til lengri tíma er óþarft. Það getur komið upp ástand eins og t.d. þegar herinn fór, en ef rétt er unnið út úr slíku ástandi hverfur atvinnuleysi. Til þess þarf að vinna með þeim sem hafa þekkingu og getu. Það hefur ekki verið gert nú, um það eru allir sammála. Lítið samfélag eins og Ísland þolir ekki atvinnuleysi til lengri tíma. Virkjum reiðina til aðgerða, til þess að hefjast handa.

[Auðun Gíslason, 31.10.2010 kl. 20:37]

Ásmundur=Auli vikunnar!

[Jón Sveinsson, 31.10.2010 kl. 21:04]

SÆLL BJÖRN

Ég hef aldrei viljað nota orðið kerling á konur því mín líking á orðinu er norn eða eitthvað ljótara svo frá mínum bæjardyrum séð og þess vegna rétt að kalla Steingrím slíkum nöfnum Þó ekki eigi að lítillækka nokkurn mann þá á hann ekkert gott skilið eins og hann hefur og virðist vilja níðast á þjóðinni.

[Björn Birgisson, 31.10.2010 kl. 21:35]

Sigurður, ég skrifaði þennan pistil ekki til að slá einhverjar pólitískar keilur. Viljir þú gera það í þínum athugasemdum, er þér það að sjálfsögðu frjálst. Ég tek ekki þátt í þeim leik.

[Björn Birgisson, 31.10.2010 kl. 21:40]

Jón Sveinsson, tvöföld neitun í einni setningu þykir ekki góð latína. Að Steingrímur níðist á þjóðinni er fáránleg ályktun. Frjálshyggjan gerði það og þjóðin er í sárum og verður lengi enn.

[Haukur Kristinsson (IP-tala skráð) 31.10.2010 kl. 21:40]

Hossir þú heimskum gikki

 hann gengur lagið á

 og ótal asnastykki af honum muntu fá.

Góðmennskan gildir ekki,

gefðu duglega á kjaft.

Slíkt hefir, það eg þekki,

þann allra besta kraft.

Höfundur: Benedikt Gröndal eldri (1762–1825)

Hafðu þetta í huga Björn, er þú ferð að hrósa þessum dóna í Garði. Þú gerir Ásmundi engan greiða með því. Segöu honum frekar kursteislega hvernig maður á að haga sér. Hann er bæjarstjóri í Garði og til manna í hans stöðu á að gera meiri kröfur en til róna.

Afstaða þín er einkennandi fyrir meðvirkni Íslendinga, sem á sinn þátt í því hvernig komið er fyrir okkur. 

[Björn Birgisson, 31.10.2010 kl. 21:45]

Haukur, takk fyrir Gröndal, en hafðu engar þakkir fyrir hitt kjaftæðið. Viljir þú koma skilaboðum til Ásmundar, þá gerir þú það sjálfur, en ert kannski ekki líklegur til þess. Eða hvað?

[hilmar jónsson, 31.10.2010 kl. 21:52]

Vil gjarnan gera svar Björns í kommenti nr 9 að mínu....

[Haukur Kristinsson (IP-tala skráð) 31.10.2010 kl. 22:00]

Björn, þetta sem ég skrifaði er ekkert kjaftæði. Nei, ég ætla ekki að hafa samband við nágranna þinn í Garðinum, sem þú virðist hafa mikið dálæti á. Enda var ég ekki með nein skilaboð til hans, fremur til þín. En af hverju er þá svona komið fyrir ykkur þarna á Suðurnesjum, sem hafið tamið ykkur það sem þú kallar hressilegt málfar?

[Björn Birgisson, 31.10.2010 kl. 22:10]

Haukur Kristinsson, Ásmund þekki ég ekki neitt og hef aldrei talað við hann og aldrei um hann, fyrr en í þessari færslu. Ekki kann ég neitt einhlítt svar þegar spurt er um ástandið á Suðurnesjum, en veit þó að útgerðin spjarar sig ágætlega í Grindavík, sem gerir það að verkum að hér er 4-5% atvinnuleysi, en 15-16% á norðanverðu Reykjanesinu. Þegar kanadruslurnar yfirgáfu landið misstu 700-800 manns vinnuna sína, hafi það farið framhjá þér, sem líklegt verður að teljast. Atvinnustigið mótast ekki af hressilegu málfari, en það spillir ekki fyrir. Betra að segja hug sinn í meitluðu máli, en að flytja langhunda um ekki neitt.

[Guðmundur Jóhannsson, 31.10.2010 kl. 22:11]

Haukur,  skýrðu hvað er dónalegt við ummælin. "alveg eins og kerling".  Eins væri gott að fá skýringu á hvernig menn eigi að haga sér, "hann er bæjarstóri í Garði..............................á að gera meiri kröfu en til róna".  Hvaða tilvitnun er þetta í róna.  Haukur, hver er afstaða þín?  ertu meðvirkur og átt þú þátt í hvernig er komið fyrir okkur.

[Hulda (IP-tala skráð) 31.10.2010 kl. 22:19]

Voðalegt kallapex er þetta strákar mínir, það mætti halda að þið væruð kjeeeeeeellingar ;)

[Björn Birgisson, 31.10.2010 kl. 22:31]

Guðmundur Jóhannsson, takk fyrir að taka af mér ómakið. Mér fannst það reyndar ekki þess virði að svara því. Stundum er best að setja kíkinn fyrir blinda augað og bíða þess að óværan sigli hjá.

[Björn Birgisson, 31.10.2010 kl. 22:33]

Hulda, hér á síðu eru flestir afburðamenn, en vissulega skjótast líka inn óttalegar kjeeeeeellingar, að báðum kynjum reyndar!

[Haukur Kristinsson (IP-tala skráð) 31.10.2010 kl. 22:37]

Björn, nú ert þú orðinn dónalegur og kominn á sama plan og bæjarstjórinn.

Þar hæfir skel kjafti.

[Björn Birgisson, 31.10.2010 kl. 22:42]

Haukur, vissulega er ég dónalegur, veit þó ekki nákvæmlega hvað þú átt við, minn kæri. Þér til upprifjunar um dónaskap gæti þessi setning átt við úr þínum handraða:

"Afstaða þín er einkennandi fyrir meðvirkni Íslendinga, sem á sinn þátt í því hvernig komið er fyrir okkur."

[hilmar jónsson, 31.10.2010 kl. 22:47]

Björn: Þú rúlar í kvöld...

[Björn Birgisson, 31.10.2010 kl. 23:18]

Hilmar, þegar ekkert er bitastætt í sjónvarpinu verður maður einhvern veginn að drepa tímann!

[hilmar jónsson, 31.10.2010 kl. 23:22]

Segðu.....

[Grefill, 1.11.2010 kl. 07:15]

Hvaða andskotans læti eru þetta út af einu andskotans orði? Eru allir að missa vitið?

ps. Mótmæli harðlega að hann lilli minn hafi lyppast niður að loknu fyrsta sáðláti. Hann skoðaði heiminn lengi vel á eftir með mikilli reisn og karlmannlegu stolti.

Andskotans bull er þetta.

[Sigurbjörg Eiríksdóttir, 1.11.2010 kl. 11:10]

Mér fannst Ásmundur bara góður-kjarnyrtur..og að gera þessa orðnotkun að aðalatriði er bara spúkí. Hann kemur inn á aðalatriðin, atvinnumálin sem eru mál málanna..Karlinn minn kallar mig alltaf kerlingu..ég er samt ekki talin nein norn og þó:):)

[Björn Birgisson, 1.11.2010 kl. 12:37]

Sigurbjörg mín, þú ert svona álíka mikil kerling og ég! Ertu nokkuð norn þegar þú reiðist? Takka þér innlitið.

[Björn Birgisson, 1.11.2010 kl. 12:40]

Grefill, þetta var sallafín auglýsing hjá þér fyrir kerlingarnar! Ertu kannski á lausu?

"Hann skoðaði heiminn lengi vel á eftir með mikilli reisn og karlmannlegu stolti."

[Páll (IP-tala skráð) 1.11.2010 kl. 16:40]

Ásmundur hitti naglann einfaldlega á höfuðið. Það er ekkert nýtt í því að Steingrímur segir hvorki né gerir neitt af viti og hvað þá Jóhanna, þau eru búin að tyggja saman sömu tugguna í næstum tvö ár en gera lítið annað en að stöðva nýjar framkvæmdir, drepa niður þann rekstur sem í gangi er og virðast hugsa sem mest um að geta haldið velli á sama tíma.

Það þykir ekki gæfulegt slökkvilið sem mætir á staðinn og byrjar á því að loka fyrir vatnið og tappa svo af bensíntanknum til þess eins að bæta í bálið.

Þið harðkjarna kommar sem styðjið þetta, þegar þið eruð búnir að úthúða mér fyrir þessa (réttu) skoðun mína á ástandinu, endilega bendið þá á hvaða arðbæru framkvæmdum er búið að hrinda af stað, hvaða erlendu fjárfestingar eru að koma hingað og hvert stefnum við í vetur?

[Skellur (IP-tala skráð) 1.11.2010 kl. 21:33]

Þessar feminista kellingar ættu að halda kjafti... núna eru tvær kellingar að stýra þessu skeri, Jóhanna og Steingrímur og allt er komið til andskotans (ég sem hélt að ástandið gæti ekki versnað frá haustinu 2008)

Annað,  þeir sem halda því fram að konur séu svo góðar að vinna mörg verk í einu  þurfa ekki annað en að horfa á konur í umferðinni að keyra og mála sig.... þar sérðu manneskju sem keyrir eins og fyllibytta og er máluð eins og trúður!

[Kleó (IP-tala skráð) 3.11.2010 kl. 00:24]

Samkvæmt íslenskri orðabók sem ég fletti upp í fyrir mööörgum árum stóð þar að kerling þýddi upprunalega aumur karlmaður... vil ekki sjálf vera kölluð kerling þess vegna... þær sem taka þetta til sín ættu kannski að skoða merkingu orðsins fyrst... persónulega finnst mér það ekki móðgandi þegar aumingi af karlkyninu er kallaður kélling, kannski af því að það er nkl það sem hann er