Þegar botninum er náð segjum við Grand!

"Þá verður fylgst með lífi Völu Grand í þættinum Veröld Völu Grand." Nú er Mbl.is heldur betur að færa sig upp á skaptið með stórbrotnum nýjungum, eða hitt þó heldur. Í fyrradag las ég heimskulegustu frétt ársins, einmitt á Mbl.is. Hún er hér að neðan. Enn skal hoggið í sama knérunn til að toppa vitleysuna og lágkúruna. Lesið fréttina hér að neðan og látið ykkur endilega hlakka til framhaldsins!

"Samband glamúrpíunnar Völu Grand og blikksmiðsins Baldvins Vigfússonar hefur heldur betur súrnað. Þau hættu saman í sumar og nú eru Baldvin og ný kærasta hans komin í mikið netstríð við Völu.

„Mér finnst það alveg ótrúlegt hvað Vala Grand kemst upp með að leika með fólk og ljúga svo mikið,“ skrifar kærastan á Facebook. „Hún hatar mig og hún var svo öfundsjúk þegar við vorum í partí saman. Guð ég hata þennan helvítis karl,“ skrifar kærastan enn fremur.

Baldvin blandar sér sjálfur í málið og kallar Völu dramadrottningu. Segir þau öll hafa verið í sama partíi þar sem Vala hafi mætt með annarri fyrrverandi kærustu Baldvins og verið í sleik við hana til að reyna að ná athygli hans. Að endingu skrifar hann: „Ps. Hún hefur ekki verið hrein mey í minna en 4 mánuði.“

Vala fékk senda skjámynd af ummælum kærustunnar í nafnlausum tölvupósti og spyr á Facebook-vegg sínum: „Er nýja kærastan hans Baldvins að segja að hann sé hommi ef ég er bara karl?“

Í nýjustu stöðuuppfærslu sinni á Facebook biður Vala Baldvin og nýju kærustuna um að láta sig í friði, kveðst vera löngu komin yfir Baldvin og segir kærustuna vera að drepast úr afbrýðisemi. Þá biður hún Baldvin um að láta sér vaxa hreðjar, annars geti hún gefið honum sínar gömlu."

Er þetta ekki bara snilld? Eða er þetta kannski andhverfa snilldarinnar í sinni bestu mynd?

Rosalega tilhlökkun til framhaldsins!

Meira, meira, meira, ........................... af þessari andskotans vitleysu!

Endilega!

Ef þetta er ekki að skrapa botninn, hvernig er það þá gert?

Vala Grand og Nilli með þætti á mbl.is

Athugasemdir

[Villi (IP-tala skráð) 5.11.2010 kl. 19:49]

Er ekki allt í lagi með þetta? Við Íslendingar erum alltaf að básúna út um allt hvað við séum líberal og umburðarlynd. Nú í dag erum við yfir okkur hneyksluð á sænskum últra-hægri rasista sem ofurölvi rasaði út á bar í bænum.
Morgunblaðið brýtur blað og þá koma allskyns fóbískir ofurkarlar með húmor. Sennilega til að sannfæra okkur um að þeir séu "réttu" megin?

[Björn Birgisson, 5.11.2010 kl. 20:23]

Morgunblaðið brýtur blað. Hvaða blað?

[Sigurður Þorsteinsson, 5.11.2010 kl. 22:14]

Nú veit ég ekki hvað þessi Vala Grand segir, eða hvað Jóhanna Sigurðardóttir segir, þetta er allt á plani sem mér er nokk sama um. Það nýjasta er víst kynlíf með plöntum. Aftur mér er nokk sama, truflar mig ekki vitund, svo framarlega sem ekki er verið að riðlast á plöntum í nágrenni við mitt heimili. Björn ég skil vel að minnihlutahópar, og ,, óvenjulegt fólk" vilji fá sín réttindi.

Fyrir almenning er skuldastaða heimilanna og atvinumálin meira áhugamál. Ég veit að þér finnst það perraskapur okkar, en mér finnst að við eigum einning okkar rétt eins og þið!

[Björn Birgisson, 5.11.2010 kl. 22:18]

Sigurður segir: " Ég veit að þér finnst það perraskapur okkar, en mér finnst að við eigum einning okkar rétt eins og þið!"

Við hver?

[Sigurður Þorsteinsson, 5.11.2010 kl. 23:20]

Björn ég hef ekkert á móti því að samkynhneigðir fái að giftast, en ég viljað þjónar kirkjunnar fái að ráða því hvort þeir gefi þá saman í hjónaband. Einkamál Völu, Stínu eða Ellu koma mér ekkert við. Hvort þær sofi með karli, kerlingu eða víbrator. Tel það heldur  ekki áhugavert fjölmiðlaefni. Fullt af einstaklingum stundar kynlíf án þess að þurfa að tjá sig um það í fjölmiðlum. 

 Síðan eru náttúrulausir karlar sem velta sér upp úr  þessu í þeirri von að kynhvötin komi að nýju. Björn besta ráðið við getuleysi er hreyfing, súrefnisleysi hefur ekki bara áhrif á kynhvötina heldur einnig hugsunina. Það skýrir e.t.v. áhuga þinn á Samfylkingunni. 

[Björn Birgisson, 5.11.2010 kl. 23:45]

Sigurður Þorsteinssson, sérstakur áhugamaður um þessa síðu segir: "Björn besta ráðið við getuleysi er hreyfing, súrefnisleysi hefur ekki bara áhrif á kynhvötina heldur einnig hugsunina."

Hér talar maður með reynslu og því vert að leggja eyrun við. Þar sem Sigurður er nú úti að skokka, til að örva súrefnisstreymið, vegna vonlítilla afreka helgarinnar og vonbrigðanna enn og aftur, er rétt að upplýsa hann um að ég er þegar búinn að skora gott mark og helgin er öll framundan!

Markaveisla framundan!

Ekki endilega í Kópavogi.

Áfram með skokkið, það er svo heilnæmt!

[Anna Margrét (IP-tala skráð) 6.11.2010 kl. 14:51]

Íslendingar elska slúður, ég elska slúður! Allir elska slúður.

Margir elska að hata slúður. Fleiri hata að elska slúður.

Lets face it, slúður er inn í dag.

Slúður, slúður, slúður!

Þetta er á mbl, því stór hluti Íslendinga fylgist og mun fylgjast með.

Við höfum áhuga á að lesa um líf Völu Grand, Sveppa, Ásdísar Ránar, Tobbu Marínós og you name it.

Ef þið viljið ekki lesa um það, then don't. Þó ég þykist nú vita að þið hafið lúmskt gaman af því að lesa þessar fréttir. Lesið þær eflaust allar, en hristið þó hausinn á meðan, svona til að staðfesta fyrir sjálfum ykkur og öllum sem hugsanlega gætu séð til ykkar, að þið séuð sko ekki að lesa þetta af því að þið hafið gaman af því. Alls ekki! Því það væri hræðilegt!

Krúttlegt!

[Björn Birgisson, 6.11.2010 kl. 14:56]

Já, Anna Margrét, þetta er skelfilega krúttlegt allt saman!

[Hrafn Arnarson (IP-tala skráð) 6.11.2010 kl. 18:50]

Örvænting ritstjóra MBL virðist vera alger. Nú er blaðið komið í samkeppni við Séð og heyrt. Fréttir af frægu fólki og slúður eru dálítið hjákátleg í fámennu samfélagi þar sem allir þekkja eða kannast við alla. En það eru augljóslega margir sem vilja fylgjast með Völu Grand og ég ætla síðastur manna að finna eitthvað að því.

[Björn Birgisson, 6.11.2010 kl. 18:58]

Hrafn, lítið veit ég um örvæntingu ritstjóra MBL, en sýnist þó einsýnt að MBL er að taka stórum niður fyrir sig og þess vegna setti ég þessa færslu inn. Aldrei kaupi ég Séð & Heyrt, en Moggann kaupi ég, bæði til gleði og ama. Haldi svona áfram verð ég að endurskoða þau kaup.

[? (IP-tala skráð) 18.12.2010 kl. 03:07]

Eru ekki fjölmiðlar að ýta undir fordóma gegn trans-fólki með því að búa til svona steríótýpur?

[Björn Birgisson, 18.12.2010 kl. 03:15]

Eitthvað ertu að fletta djúpt í mínum færslum! Ég kann ekki að svara spurningu þinni, því miður, en eigðu góða helgi!