Herðið þið enn sultarólarnar, þið sem eruð á lægstu laununum!

Fór smá rúnt í kvöld yfir helstu fréttamiðlana. Vilhjálmur Egilsson var í stuttu viðtali á visir.is. Megininntak hans þar var þetta:

"Atvinnurekendur greina æ oftar frá því að fólk leggi fram útreikninga sem sýna að að það hafi það betra á bótum en í vinnu."

Þetta segir framkvæmdastjóri Samtaka atvinnulífsins. Hann segir hugsanlegt að bætur séu orðnar of háar.

Talar svo um aukinn kaupmátt lægstu launa, sem ég rengi ekki.

Vilhjálmur segir að þetta geti verið varhugaverð þróun.

Geti verið? Hún er stórhættuleg. Hún heldur fólki frá vinnu og gerir það að slæpingjum!

Eitt nefndi Vilhjálmur ekki.

Hvort hann vildi hækka lægstu launin eða lækka bæturnar.

Að vísu sagði hann hugsanlegt að bætur væru orðnar of háar og álykti svo hver og einn út frá þeim orðum.

SA er ekkert að fara að gera betur við láglaunafólkið sitt.

Það er nokkuð ljóst.

Þrátt fyrir nánast tvöföldun á útflutningsverðmæti sjávarafurða, en vissulega vandræði á öðrum sviðum.

Skilaboðin eru eiginlega þessi:

Herðið sultarólarnar!

 

Athugasemdir

[Guðmundur Ingi Kristinsson (IP-tala skráð) 13.11.2010 kl. 22:54]

Þessi samanburður var algjörlega glórulaus. Og fréttastofunni til skammar. Bætur eru bætur ekkert meir en launatengd laun eru yfir 40% af launum. Er og hef alla tíð verið þeirrar skoðunar að atvinnurekendur sem ekki borga nema lámarkslaun ættu ekki að vera í rekstri. Og fara þar sveitarfélög og Ríkið fremst í flokki slíkra vesalinga.

[Valgerður (IP-tala skráð) 14.11.2010 kl. 00:10]

Ég get svarið það að maður gæti haldið að þessi frétt væri atriði úr Spaugstofunni...svo ótrúlegt er að heyra það að til sé einhver hér á landi sem heldur því fram að atvinnuleysisbætur geti verið of háar.

Það væri líka fróðlegt að vita hvort kaupmáttarrýrnunin eftir hrun hafi verið tekin inní þessa 80% kaupmáttaraukningu lægstu launa síðustu árin? Ég vildi gjarnan sjá þessa útreikninga þeirra með þessari niðurstöðu upp á 80%...

Er sammála Guðmundi um það að þeir sem ekki geta greitt nema lágmarkslaun ættu ekki að vera í rekstri!

[Axel Jóhann Hallgrímsson, 14.11.2010 kl. 07:19]

Ég vona að atvinnuleysisbæturnar mínar hafi ekki hallað hagkerfinu um of fyrir Vilhjálmi Egilssyni, en þær námu samtals 53% af fullum bótum. Það er spurning hvort ekki eigi að lögleiða að laun forystumanna SA og verkalýðshreyfingarinnar geti aldrei orðið nema ákveðið hlutfall af lægstu launum. Gæti verið að þá fengju þeir meiri áhuga á að hífa lægstu taxtana upp úr þeirri holu sem þeir eru í þessa stundina.

[Valgerður (IP-tala skráð) 14.11.2010 kl. 13:15]

Athyglisverð hugmynd Axel að tengja laun forystumanna við hlutfall af lægstu launum...þeir myndu þá kannski drattast á fætur og berjast.

Ég hjó eftir því í fréttum nýlega að í mótmælum í Frakklandi var það verkalýðsforystan sem boðaði til mótmæla...hér heyrist bara varla í forystunni nema ef vera skyldi til að gagnrýna tillögur sem gæti komið verkalýðnum vel. Ma ma ma ma bara áttar sig alls ekki á þessu...er spillingin svona gífurleg ennþá???