Tvö dagblöð og hvorugu treystandi pólitískt séð

"Á síðasta ári voru gefin hér á landi út tvö dagblöð og 21 vikublað. Heildarútbreiðsla dagblaðanna nam 138.000 eintökum og vikublaða 70.000."

Tvö dagblöð eftir og hvorugu þeirra hægt að treysta pólitískt séð. Ekkert lengur til sem heitir frjálst og óháð dagblað. DV kemst næst því, en er víst ekki dagblað.

Bæði dagblöðin sögð á kúpunni fjárhagslega og eignarhald þeirra hreint stórmerkilegt.

Verður kannski ekkert dagblað á Íslandi innan tíðar?

Líklega mallar þetta einhvern veginn. Það má alltaf skipta um kennitölur og fá afskrifað í bönkunum séu  menn með réttu samböndin.

 

Fækkaði um 140 þúsund eintök

Athugasemdir

[Axel Jóhann Axelsson, 18.11.2010 kl. 11:15]

Það yrði mikil eftirsjá að Mogganum, ef hann hyrfi af markaði.  Það sama er ekki hægt að segja um hin blöðin, nema þá vegna þess að ekki væri gott að hafa bara eitt dagblað, þó gott sé.

[Sauradraugur (IP-tala skráð) 18.11.2010 kl. 11:23]

Eftirsjá að Mogganum? Hefurðu leitað til geðlæknis út af þessu?

[Björn Birgisson, 18.11.2010 kl. 13:50]

Mogginn má mín vegna vera hægri sinnað blað, sem hann reyndar hefur alltaf verið. Það er þó gríðarlega heimskulegt af blaðinu að hengja sig algjörlega utan í einn stjórnmálaflokk, sem um þriðjungur þjóðarinnar styður og á nú 16 þingmenn af 63, eða 25,4% af þingheimi. Þessum 16 er hampað og öllu sem þeir segja, en hinir 47 nánast lagðir í einelti, margir hverjir. Þessi afstaða snarversnaði við síðustu ritstjóraskipti, enda sögðu margir upp áskriftinni sinni og blaðið varð af mörgum milljónum, sem því þó veitti líklega ekki af.

Sá sem er í viðskiptum getur ekki leyft sér að lofa 30% kúnnanna, en lasta hin 70%. Það gengur aldrei upp.

[Axel Jóhann Axelsson, 18.11.2010 kl. 15:47]

Eruð þið áskrifendur að Mogganum?

[Björn Birgisson, 18.11.2010 kl. 15:55]

Hef keypt Moggann í um 35 ár og geri enn!