Hallærislegt að borga af lánum sínum?

Fjórir fyrrverandi stjórnendur Baugs skulda samtals meira en einn milljarð en félagið er gjaldþrota.

Alveg er maður að verða ruglaður í umræðunni um öll þessi lánamál og hvaða lán beri að greiða og hver ekki. Ég er alinn upp við þá hallærislegu viðmiðun að lán beri að endurgreiða samkvæmt skilmálum lánsins og það hef ég gert í gegn um árin og haft heilmikið fyrir því. Tóm vitleysa auðvitað, en svona einfaldur er maður.

Við lestur þessarar fréttar datt mér þetta í hug:

Hvort ætli forráðamenn Baugs hafi farið oftar í banka eða haft þangað samband til að:

1) Slá lán, slá meira lán, slá lán til að borga af öðrum lánum, slá .............................

2) Borga af lánum, eins og flestir gera

Svarið liggur eiginlega í augum uppi. Er það ekki?

 

Rukkaðir vegna kaupa í Baugi

Athugasemdir

[Hörður Sigurðsson Diego, 22.11.2010 kl. 22:35]

Greidd skuld er glatað fé segir málshátturinn. Ótrúlegt að enn sé til fólk sem borgar lánin sín. Til hvers? Þau hækka bara með hverri afborgun en hverfa ef ekkert er greitt. Það er því ábyrgðarlaus meðferð á fé að greiða skuldir.

[Björn Birgisson, 22.11.2010 kl. 22:42]

Hörður, takk fyrir þessi góðu ráð. Fullseint fyrir mig þó, ég skulda víst ekkert. Aulaðist til að greiða allt upp í topp og þarf því hvorki flata niðurfellingu, né afskriftir af neinu tagi. Mér líður eins og landnámsmanni, ég er svo langt á eftir nútímanum!