Ögmundur með hnefann á lofti

"Ögmundur Jónasson, dóms- og mannréttindamálaráðherra, hefur falið ríkissaksóknara að kanna hvort að lög hafi verið brotin með starfsemi öryggissveitar bandaríska sendiráðsins."

Alveg er þetta eftir honum Ögmundi. Nú á að demba rannsókn á einhverjum tittlingaskít á ríkissaksóknara, sem maður hélt nú að hefði kappnóg á sinnu kaffikönnu fyrir.

Sendiráð Bandaríkjamanna eru kjörskotmörk hryðjuverkamanna. Það vita Kanarnir best sjálfir og vilja eðlilega ekki láta taka sig algjörlega óundirbúna í bólinu.

Ef hægt er að koma einhverju höggi á Bandaríkjamenn, hvort heldur er undir beltisstað eða yfir, skal Ögmundur Jónasson alltaf vera mættur með hnefann á lofti.

Hann er bara þannig. Getur kannski ekkert við því gert.

Vísað til ríkissaksóknara