Samtök fullveldissinna slá öllum flokkunum við!

"Tap á rekstri Vinstrihreyfingarinnar-grænu framboði nam 38,6 milljónum króna á árinu 2009, samkvæmt ársreikningi, sem flokkurinn hefur skilað til Ríkisendurskoðunar."

Vinstri grænir kunna greinilega ekkert í rekstrarfræðum, allt í bullandi tapi hjá þeim og ekki bara í fjármálunum um þessar mundir! Aðrir flokkar líka í vandræðum eftir að reglunum um mútufjármunina var breytt!

Það er eitthvað annað uppi á teningnum hjá Samtökum fullveldissinna. Sjáið þennan úrdrátt úr þeirra samstæðureikningi fyrir síðasta ár. Athugið að þetta eru krónur og þúsundkallar, engar milljónir!

Rekstrarreikningur Samtaka fullveldissinna

Tekjur:

Ríkisframlög ..................................................................................................  0

Framlög sveitarfélaga .................................................................................  0

Framlög lögaðila ..........................................................................................  0

Framlög einstaklinga þ.m.t. félagsgjöld ........................................  34.000

                                                   Framlög alls 34.000

Aðrar rekstrartekjur ..................................................................................... 0

                                                 Rekstrartekjur alls 0

                                               Tekjur samtals 34.000

Gjöld:

Rekstur flokksins ............................................................................... 28.803

Gjöld vegna reksturs fasteigna o.fl ........................................................   0

                                            Rekstrargjöld alls 28.803

Hagnaður (tap) án fjármagnsliða ....................5.197

Fjármunatekjur og (fjármagnsgjöld) .................. 95

                                             Hagnaður (tap) ársins 5.292

 

Efnahagsreikningur 31. desember 2009

Eignir:

Fastafjármunir ............................................................................................  0

Veltufjármunir ...................................................................................... 5.292

                                                                    Eignir alls 5.292

Skuldir og eigið fé:

Eigið fé í árslok ..................................................................................... 5.292

Skuldir samtals .............................................................................................0

                                              Skuldir og eigið fé alls 5.292

Svona á bókhald að vera. Þetta er algjörlega til fyrirmyndar!

Athugasemdir

[Axel Þór Kolbeinsson, 17.12.2010 kl. 18:53]

Takk.  Við erum líka þau einu sem fóru eftir lögunum og skiluðum inn ársreikningi fyrir 1. október.  Aulaskapur hinna flokkanna sparar skattborgurum svo 300 milljónir þar sem þau geta engan ríkisstuðning fengið á næsta ári.

[Kristján Sigurður Kristjánsson, 17.12.2010 kl. 20:40]

Hagnaður ársins kr. 5.292.- Tap kr. 5.292.- =Hagnaður kr. 0.- . Tap kr 0.-. Skuldir og eigið fé líka 0.-

Þetta er að reyna að vera líka með stóran reður eins og PWC.

[Björn Birgisson, 17.12.2010 kl. 21:28]

Tap?

[Kristján Sigurður Kristjánsson, 17.12.2010 kl. 21:34]

Já (tap)

[Björn Birgisson, 17.12.2010 kl. 21:38]

Eigið fé í árslok heilar 5292 krónur, en engar skuldir!

[Kristján Sigurður Kristjánsson, 17.12.2010 kl. 21:42]

Hvað á að þýða að hafa: tap og fjármagnsgjöld í sviga þegar engin slík eru? Hvað eru skuldir og eigið fé þegar skuldir eru engar? Hvað á að þýða að hafa lið fyrir fjármagsliði þegar þei eru 0.-? Af hverju er kindur ekki 0.- líka? Eða eruð þið að svindla í sambandi við kindurnar? Eða selir 0.-

Þetta er bara að flækja reikningin að hætti PWC.

[Björn Birgisson, 17.12.2010 kl. 21:53]

Kristján minn Sigurður, þú ert aðeins að misskilja færsluna mína. Ég er ekki félagi í þessum samtökum, hef aldrei verið og mun aldrei verða. Mér fannst þetta bókhald bara stórfyndið! Kannski ekki síst fjármunatekjurnar upp á heilar 95 krónur! Einnig félagsgjöldin upp á heila 34 þúsund kalla. Hvað eru þá margir í félaginu, sem kallar sig stjórnmálasamtök? Þetta er minni velta en í nokkrum saumaklúbbi á Íslandi!

[Kristján Sigurður Kristjánsson, 17.12.2010 kl. 21:59]

Elsku Björn taktu hæfinlega mark á mér.

[Björn Birgisson, 17.12.2010 kl. 22:07]

Kristján minn, ég tek mark á öllu fólki, en veit ekki hvort það er veikleiki eða styrkleiki.  Varstu að misskilja mig? Hélstu að þetta bókhald hafi heillað mig?