Bubbi góður í sælkeraeldhúsinu, en aðallega frábær tónlistarmaður

Eyddi kvöldinu að mestu í undirbúning jólahátíðarinnar. Var með frúnni minni í eldhúsinu. Við eigum yndislega fjölskyldu og hana mun ekkert skorta þessa daga sem framundan eru. Eitt og annað var undirbúið í sælkeraeldhúsi Ingibjargar listakokks.

Annað.

Og allt annað.

Bylgjan var með Bubba í útsendingu og hann hljómaði ágætlega í sælkeraeldhúsinu.

Þvílíkur snillingur sem hann Bubbi er tónlistarlega séð.

Ef Bubbi hefði fæðst sem Kani eða Breti, með alla sína hæfileika, væri hann multimilljóner í dag.

En hann er sannur Íslendingur og því staurblankur, eða svo segja sögurnar.

Ofboðslega er drengurinn flinkur, að spila á sinn gítar og syngja í leiðinni sína meitlaðu texta.

Fyrir mig segi ég:

Takk Bubbi, þú ert verðmætari í mínum huga en álver.

Þín synd er aðeins ein.

Að vera Íslendingur.

Annars værir þú líklega heimsþekktur listamaður.

Að minnsta kosti ekki minna þekktur en Kim Larsen og að öllum líkindum langt um stærra númer.

Takk fyrir Synetu og allt hitt.

Djöfull ertu flottur!

Athugasemdir

[Sigurbjörg Eiríksdóttir, 24.12.2010 kl. 09:14]

Gleðileg jól Björn. Efast ekki um að þú eigir góða fjölskyldu sem þú sinnir vel. Gleðileg jól til ykkar allra.

Silla í Heiðarbæ, Stafnesi.

[Axel Jóhann Hallgrímsson, 24.12.2010 kl. 12:10]

Gleðileg jól til þín og þinna kæri vinur.

[hilmar jónsson, 24.12.2010 kl. 12:38]

Gleðileg jól Björn minn.

[Björn Birgisson, 24.12.2010 kl. 12:39]

Bestu jólakveðjur til ykkar, Silla og Axel Jóhann!

[Björn Birgisson, 24.12.2010 kl. 12:41]

Takk fyrir og sömuleiðis, Hilmar Jónsson!

[Bergljót Gunnarsdóttir, 24.12.2010 kl. 13:38]

Hann Bubbi er sko flottur og þú líka  Gleðileg jól til þín og fjölskyldunnar.

[Björn Birgisson, 24.12.2010 kl. 13:47]

Takk Bergljót, sömuleiðis bestu jólakveðjur til þín og þinna!