Illugi Jökulsson kominn í illdeilur við forsetann og nú reynir á nýjustu klappstýrur forsetans

Ég held að Illugi Jökulsson, nýkjörinn þingmaður á Stjórnlagaþingi, hafi aldrei verið hrifinn af Ólafi Ragnari Grímssyni forseta. Hann er ekkert einn um það. Vinsældir forsetans á mánuðunum eftir hrun voru nánast engar. Hann var oftar en ekki kallaður klappstýra útrásarvíkinganna. Honum tókst þó að rétta sinn hlut nokkuð þegar hann vísaði Icesave til þjóðarinnar.

Með þeirri ákvörðun öðlaðist hann óskoraðan stuðning alls Sjálfstæðisflokksins, en til þess dags hafði ríkt gagnkvæmt hatur milli forsetans og flokks frjálshyggjunnar, eins og allir vita.

Skjótt skipast veður í lofti. Forsetinn var ekki lengur Óli grís. Hann varð Herra Ólafur Ragnar Grímsson, svo titlaður af Valhallarbændum. Munur að vera HERRA en göltur!

Allir vita að eðli vindhana er að snúast eftir vindáttinni hverju sinni.

****************

Svo minnist forsetinn á Stjórnlagaþingið um áramótin og Illugi Jökulsson stekkur upp á nef sér og ritar að sögn dv.is:

,,Með tilhlýðilegri virðingu: Hvorki stjórnmálamenn, forsetar né aðrir ættu að reyna að eigna sér stjórnlagaþingið fyrirfram, né "ráðleggja" því eitthvað að ráði," segir Illugi Jökulsson, Stjórnlagaþingmaður og bloggari á Facebooksíðu sinni.

Orð Illuga er ekki hægt að skilja á annan veg en þann að hann sé að setja ofan í við Ólaf Ragnar Grímsson, forseta Íslands, sem í áramótaávarpi sínu lagði mikið upp úr þjóðarvilja og því hlutverki forsetans að koma honum fram.

Illugi ætlar augljóslega ekki að láta hagsmunaaðila hafa áhrif á störf yfirvofandi stjórnlagaþings sem meðal annars er ætlað að skilgreina starf forseta Íslands.

,,Stjórnmálamenn og forsetar hafa haft áratugi til að smíða nýja stjórnarskrá og ævinlega klúðrað því verkefni. Svo við stjórnlagaþingmenn og þjóðin sjálf skulum sjá um þetta óstudd, takk," segir Illugi á Facebook. (dv.is). Leturbreyting BB.

Allir vita að Sjálfstæðisflokkurinn hefur fátt annað gert en að hæðast að Stjórnlagaþinginu, leiddur af klassískri ritsnilld mannsins, sem forsetinn sakaði um að hafa skítlegt eðli, eins og frægt varð um árið. 

Nú þarf flokkurinn sá að standa með sínum manni á Bessastöðum í viðleitninni til að hafa áhrif á þingmenn Stjórnlagaþingsins.

Ljóst er að næstu Staksteinar munu fjalla um Illuga Jökulsson.

If there is dirt, we will find it!

Sure!

Svo er Illugi full viðkvæmur, en allar aðstæður magna tilfinningaskalann upp úr öllu valdi!

Athugasemdir

[Ybbar gogg (IP-tala skráð) 1.1.2011 kl. 20:29]

Ætti nú Illugi betur heima á Bessastöðum en þetta skrípi sem þar er nú.

Gleðilegt ár!

[hilmar jónsson, 1.1.2011 kl. 20:32]

Er einhver hrifinn af forsetanum í dag Björn ef undan er skilin Náhirðin ? En það vita svo sem allir hugsandi menn, að sú hrifning er stradegísk og fölsk.

Afskaplega auðvirðilegt og fyrirsjáanlegt pólitískt trikk.

[Njáll (IP-tala skráð) 1.1.2011 kl. 21:36]

Vinstri flokkarnir eru bara sárir yfir því að það komst upp hve rangt þeir höfðu fyrir sér í icesave málinu. Hægri menn eru þakklátir fyrir það að Ólafur hafi "leyft þjóðinni að grípa inn í"... Ólafur ákvað ekki neitt fyrirfram.

Það er magnað að sjá vinstri menn enn þann dag í dag bölva Ólafi fyrir að stíga á tærnar á þeim þó hann hafi haft rétt fyrir sér í sinni ákvörðun. Það hefur enginn maður unnið eins vel fyrir kaupinu sínu og HERRA Ólafur Ragnar Grímsson.

[Björn Birgisson, 1.1.2011 kl. 21:36]

Ybbar gogg, ég er svo bljúgur og mildur í ársbyrjun að ég verð að benda þér á að til þess að setjast í húsbóndastólinn á Bessastöðum þarf að bjóða sig fram til þess!

Á þessu bloggi má ekki kalla forsetann skrípi, en það má gagnrýna hans gjörðir, en aðeins málefnalega.

Gleðilegt ár minn kæri!

[Björn Birgisson, 1.1.2011 kl. 21:38]

Hilmar minn, á ég nokkuð að svara þér nú? Held ekki.

[Björn Birgisson, 1.1.2011 kl. 21:42]

Njáll, mér sýnist á innleggi þínu að þú aðhyllist hið nýja ástarsamband forsetans og Sjálfstæðisflokksins. Gott hjá þér! Ertu samt ekki alltaf með sömu konunni?

[Hallur Sigmundur Hallsson (IP-tala skráð) 1.1.2011 kl. 21:53]

Björn, ef þú ætlar að byrja árið á þessum nótum segðu mér þá hvernig þú ætlar að enda það. Hef lesið skrifin þín alltaf af og til og í allan dag. Veit oft ekki hvort þú ert að tala í einhverri alvöru eða grínast. En það er stundum gaman að lesa það sem þú skrifar. Með kveðjum frá Noregi, HH.

[ransy (IP-tala skráð) 1.1.2011 kl. 22:03]

      Gleðilegt ár !

og örfá orð ! .Var ekki forsetin að mælast til að spöruð væru ókvæðisorðin ?? .Synist sem sumum sem skrifa innegg her hja Birni þyrftu að tileinka ser slikt !!   En forsetin er sómi okkar , gáfaður maður  og mundu fleiri vilja hafa þær !!   og þarf ekki sjálfstæðismenn til   !  En menn þurfa ekki þess vegna að vera eins og gangandi "skitakvarnir "þó þeir ekki hafi  gáfur forsetans !, heldur reyna nota vel það sem þeir hafa  !!!!!!!!!!!!!!!!!

[Eyjólfur (IP-tala skráð) 1.1.2011 kl. 22:13]

Ég held ég sé einn af þessum sjálfstæðismönnum sem þú ert að tala um: Ég vísa enn til ÓRG sem gríssins og virðing mín fyrir honum er ekki mikið meiri en áður. Ég get hins vegar ekki horft framhjá því að hann beitti sér með mikilvægum hætti.

[Björn Birgisson, 1.1.2011 kl. 22:14]

Gleðilegt ár, ransy! Og takk fyrir innlitið!

[Björn Birgisson, 1.1.2011 kl. 22:16]

Eyjólfur minn, atkvæði þitt er móttekið!

[Ásthildur Cesil Þórðardóttir, 1.1.2011 kl. 23:26]

Ég var ekki par hrifin þegar Ólafur var kosin í fyrsta sinn. En síðan hefur vegur hans farið vaxandi að mínu mati.  Og í dag hef ég einstakt dálæti á honum og í því ljósi finnst mér sum innleggin hér að ofan einstaklega léleg og kjánaleg.  Sorrý gamli vinur en svona er þetta bara.

[Axel Jóhann Hallgrímsson, 1.1.2011 kl. 23:45]

Þeir sömu og fögnuðu hvað mest þegar forsetinn vísaði Icesave til þjóðarinnar fögnuðu ekki að sama skapi þegar þessi sami forseti vísaði fjölmiðlalögunum til þjóðarinnar. Þá settu þessir gleðipinnar það ekki fyrir sig að brjóta bæði lög og stjórnarskránna þegar þeir "drógu" lögin til baka eins og það var svo smekklega orðað.

[Finnur Bárðarson, 1.1.2011 kl. 23:54]

Sjúkleg þörf að vera vinsæll eftir því sem vindar blása. Burt með þetta gerpi

[Númi (IP-tala skráð) 2.1.2011 kl. 00:27]

Áfram Ólafur Ragnar Grímsson,og mikið vorkenni ég greiið því Samfylkingarfólki er ritar hér ofar æ æ æ æ ....

[Björn Birgisson, 2.1.2011 kl. 01:24]

Númi, ég held að þú sért Samfylkingarmaður ..... Alla vega gamall Alþýðubandalagsmaður. Þú talar þannig!

[Björn Birgisson, 2.1.2011 kl. 01:25]

Kæru vinir, ég þakka öll innlitin!

[Björn Birgisson, 2.1.2011 kl. 03:47]

Hallur, í Noregi, lestu bara skrif mín með þeim gleraugum að mér sé alvara. Svo er oftast, en alls ekki alltaf. Þú verður að hafa vit til að greina þar á milli.

Gleðilegt ár! 

[Altmuligman (IP-tala skráð) 2.1.2011 kl. 07:39]

Hæ

Mér líkar ágætlega við Ólaf Ragnar Grímsson, fínn kall og kurteis mér líkar ágætlega við Davíð Oddsson fyrir utan þegar hann sagði eitthvað í beinni 2008 sem var valdandi því að ég fékk ekki útborgað í 3 mánuði en þá var ég staddur í Bangladesh...ekki besti staður til að vera auralaus. Bí núna í Indónesíu þannig að mér líkar bara ágætlega við flesta Íslendinga, bara fínt... Bestu áramótakveðjur til allra Íslendinga.

Altman

[Kolbrún Stefánsdóttir, 4.1.2011 kl. 22:44]

Geri komment Axels nr 13 að mínu. Ég fagnaði þegar Icesave fór í þjóðaratkvæði en var alveg brjáluð þegar fjölmiðlalögin fóru ekki fyrir þjóðina. Ef þau hefðu farið og verið samþykkt held ég að við hefðum ekki verið heilaþvegin eins og raun varð á. Skil aldrei af hverju þeir leyfðu þeim ekki að fara í gegn um þjóðaratkvæði. Annars ber ég ekki kala til forsetans og hann virðist brúklegur um þessar mundir og svo hefur hann alltaf átt svo fallegar konur kveðja Kolla