Hvar eru flestir virkir bloggarar og hvar er bloggið mest heimsótt og lesið?

Á hvaða vefmiðli er bloggið blómlegast? Hvar eru flestir virkir bloggarar og hvar er bloggið mest heimsótt og lesið? Hljóta ekki að liggja fyrir tölur um þetta eins og flest annað nú til dags?

Ástæða þess að spurt er einföld. Í gær rataði færsla frá mér á lista sem Eyjan birtir reglulega á sinni forsíðu.

Eins og flestir bloggarar hef ég alveg þokkalega yfirsýn yfir þann fjölda sem heimsækir síðuna mína, en við það að fá þessa tengingu yfir á Eyjuna þá nærri fimm faldaðist fjöldi gesta á síðunni og annan eins gestagang hef ég ekki upplifað fyrr.

Er Eyjan kannski miklu stærri bloggmiðill en Moggabloggið?

Einhver hlýtur að geta svarað því.

 

Athugasemdir

[hilmar jónsson, 3.1.2011 kl. 18:57]

Spurðu Davíð.

[Björn Birgisson, 3.1.2011 kl. 19:07]

Er ég ekki að spyrja á blogginu hans?

[Einar Guðjónsson, 3.1.2011 kl. 19:18]

Blogg-gáttin hefur tekið saman lista við áramót um vinsælustu bloggin. Er ekki viss um að það gildi um öll blogg en örugglega þau sem birtast í gegnum Blogg gáttina. Sé að árslistinn er enn ókominn.

[Björn Birgisson, 3.1.2011 kl. 19:42]

Takk fyrir þetta, Einar! Þetta vissi ég ekki!

[Hilmar Þór Hafsteinsson (IP-tala skráð) 3.1.2011 kl. 20:20]

Vinsamlegast athugið að það er nákvæmlega ekkert að marka lista BloggGáttarinnar yfir 'vinsælustu' bloggin. Þeir miða einungis við talningu á eigin vef.

[Björn Birgisson, 3.1.2011 kl. 20:25]

Hilmar Þór, ertu viss um þetta? Er ekki BloggGáttinn með alla bloggara inni? Eru þá e.t.v. engin svör við spurningum mínum? Veit þetta enginn?

[Sigurður Antonsson, 3.1.2011 kl. 20:29]

Líklega hefur þú sprengt skallann í gær með hjálp Eyjamanna. Tími kominn til að athuga gáttina, en færslurnar þínar eru flottar.

Netheimurinn er eins og á tímum hellisbúa óplæður akur. Hér eru glefsur úr Orðabók Andskotans eftir Ambrose Bierce: Frægt samfélag síðari hellisbúa dvaldist með Davíð í Adúllam. Í þeirri nýlendu komu saman " allir þeir sem áttu við böl að stríða og allir þeir sem skuldum voru vafnir og allir þeir sem óánægðir voru" .. í stuttu máli, allir sósíalistar í Júda."

.

[Björn Birgisson, 3.1.2011 kl. 20:35]

Sigurður, ég er ekkert að tala um talningu BloggGáttarinnar, heldur hrein og klár innlit á síðuna okkar Davíðs hér, á mínu nafni!

Eyjamanna? Eru þeir nema 4000?

"Í þeirri nýlendu komu saman " allir þeir sem áttu við böl að stríða og allir þeir sem skuldum voru vafnir og allir þeir sem óánægðir voru" .. í stuttu máli, allir sósíalistar í Júda."

Snilld!

[Hörður Sigurðsson Diego, 4.1.2011 kl. 00:37]

Ég held það hafi verið "heimsækjum bloggsíðu Björns Birgissonar"-dagurinn í gær.

Annars sérðu aðsóknartölurnar hjá modernus.is.

[Einar Guðjónsson, 4.1.2011 kl. 01:47]

Sýnist að þú getir náð þér í teljara á Modernus.is og svo er teljari um IP tölur á síðunni þinni.

[Baldur Hermannsson, 4.1.2011 kl. 01:55]

Það eru miklu líflegri umræður á Facebook. Bloggið er ekki dautt en það er ekki svipur hjá sjón. Sá sem skrifar á Facebook nær til miklu færri lesenda en sá sem skrifar pistil hér á moggabloggi, en hann fær fleiri og skemmtilegri viðbrögð. Þar myndast kunningjahópar sem ræða málin daglega. Sumar Facebook-síður eru hallelúja síður, þar sem andmæli eru illa séð, en svo eru líka vinsælar síður sem hvetja til snarpra orðaskipta.