Ein skuggahlið kvótakerfisins

"Sagði Ólína að Eyraroddi hefði verið settur á stofn til að bjarga byggðarlaginu þegar útgerðarmaðurinn á staðnum seldi allan sinn kvóta og flutti suður fyrir þremur árum. Þar með hefðu 90% aflaheimilda byggðarlagsins runnið út af  svæðinu."

Athyglisvert. 90% er býsna hátt hlutfall. Fjandakornið ekkert eftir!

Hugsum okkur mann sem vinnur hjá góðgerðarsamtökum. Þau safna 100 tonnum af matvælum til að dreifa meðal fátækra og sveltandi. Fá matvælin öll gefins frá gjafmildum fyrirtækjum og einstaklingum.

Okkar manni er treyst til að sjá um dreifinguna til hinna sveltandi.

Svo kemur í ljós að honum var ekki treystandi, því hann seldi 90 tonn og stakk ágóðanum í rassvasann. Útbýtti aðeins 10 tonnum til hinna sveltandi með hörmulegum afleiðingum.

Hvað er við hæfi að kalla slíkan mann?

Datt þetta bara í hug.

Annað.

Hvað er við hæfi að kalla þann sem selur 90% af kvóta þorps út úr þorpinu, vitandi vel að afleiðingarnar yrðu skelfilegar fyrir samborgarana?

Var þetta kannski hinn upprunalegi gjafakvóti?

Ef svo er, þá fyrst verður þetta virkilega ljótt!

Vandamál Flateyrar kvótanum að kenna

Athugasemdir

[Hörður Sigurðsson Diego, 19.1.2011 kl. 18:13]

Yndislegt kerfi, kvótakerfið.

[Björn Birgisson, 19.1.2011 kl. 18:16]

Já, Hörður, sumum finnst það hreint út dásamlegt, en sá hópur er ekki fjölmennur. Ertu í útgerð?

[prakkari (IP-tala skráð) 19.1.2011 kl. 18:19]

http://rsf.is/sida/heild_-_sidasta_uppbod 

á hvaða forsendum ætli þetta gjaldþrot sé í raun?  getur verið að Eyraroddi sé ekki samkeppnishæfur í þessari grein?  getur verið að það eigi við um aðrar greinar að fyrirtæki séu ekki samkeppnishæfar?  á ekki bara að hafa allt eins og ólympíuleikana að svo lengi sem þið getið ekkert þá er það ok að þið séuð með bara svona til þess að hafa hlutina "allir með og ruslið líka" ?

hvernig væri að spyrja sjálfan þig að því hvernig stendur á því að eyraroddi getur ekki keypt fisk á fiskmarkaði eins og önnur fyrirtæki.  Getur það verið að fyrirtækið sé ekki samkeppnisfært?  hverju er um að kenna?  kannski staðsetning fyrirtækissins? 

Allavega væri gott að þú farir ekki að skjóta þig í fótinn með staðhæfingum eða samlíkingum sem eru útí hött :)

Kv frá Dalvík.

[Björn Birgisson, 19.1.2011 kl. 18:41]

prakkari, ég minntist ekki einu orði á Eyrarodda, stöðu fyrirtækisins eða getu. Ég var aðeins að velta þessari 90% (skv. Ólínu) kvótasölu fyrir mér.

[prakkari (IP-tala skráð) 19.1.2011 kl. 19:02]

með því að koma með samlíkingu sem á sér enga hliðstæðu?  ok þú starfar í tryggingum?  hvernig væri að ef það kæmu nú 2 ný tryggingarfélög fram á sjónarsviðið og settu þau sem eru nú starfandi á hausinn, færi ólína þá að grenja?  Landbúnaður.  Þar þarf að kaupa kvóta þar sem mjólkin er víst sett á lítramæli og lambakjötið má ekki vera of mikið í stakk sniðið svo ekki þurfi að urða það.  Hélt MEIR AÐ SEGJA AÐ VINSTRA FÓLK KANNAÐIST VIÐ MARKAÐSLÖGMÁL. 

NEI BARA DJÓK, VINSTRA FÓLK SÉR EKKI AÐ EIGIN NEFI

[Hörður Sigurðsson Diego, 19.1.2011 kl. 19:32]

Bara rétt reynt við marhnút.