Helmingur sjálfstæðismanna hlynntur ESB viðræðunum þrátt fyrir samþykktir flokksins?

"65,4 sem tóku afstöðu í skoðanakönnun Fréttablaðsins, vilja að  aðildarviðræðum við Evrópusambandið verði lokið og samningur lagður í þjóðaratkvæðagreiðslu. 34,6% vilja að umsóknin verði dregin til baka."

Aðeins meðal stuðningsmanna Sjálfstæðisflokksins vildu fleiri draga umsóknina til baka en ljúka viðræðunum. Um 50,9% sjálfstæðismanna vildu stöðva viðræðurnar en 49,1%  ljúka þeim.

Það er nú með þessa könnun eins og svo margar aðrar. Maður hefur tilhneigingu til að taka útkomunni með tortryggni, en niðurstaðan virðist nokkuð afdráttarlaus að þessu sinni og hún kom mér á óvart. Hélt að andstaðan væri meiri.

Stórmerkilegt líka að sjá að annar hver sjálfstæðismaður tekur afstöðu í málinu þvert á samþykkt flokksins á landsfundinum síðasta.

Einnig stórmerkilegt að 67,2% Vinstri grænna vilji halda þessum viðræðum áfram.

Það virðist stefna í þjóðaratkvæðagreiðslu um þetta stærsta mál Íslandssögunnar.

Umsóknin verður ekki dregin til baka. Sama hvað hver segir.

Meirihluti vill halda viðræðum áfram

Athugasemdir

[TómasHa, 24.1.2011 kl. 10:29]

Það er ekki þar með sagt að þessi hópur vilji ganga inn. Menn vilja hins vegar vita hvað kemur út úr þessum viðræðum og klára þær fyrst það er búið að leggja í þessa vinnu.

[Björn Birgisson, 24.1.2011 kl. 10:35]

Segir sig sjálft, TómasHa.

[Gunnlaugur Ingvarsson (IP-tala skráð) 24.1.2011 kl. 10:49]

Sæll Björn.

Þessi skoðanakönnun Baugsmiðilsins er greinilega viljandi sett fram mjög villandi og er beinlínis hlutdræg, það sjá allir sem vilja sjá það. 

Niðurstaðan ber þess líka glögglega merki.

Það er því litlar ályktanir hægt að draga af þessari niðurstöðu. 

Ef spurt hefði verið ákveðið og beint:

Villt þú að Ísland gerist aðili að ESB ?

Já mjög hlynntur því:________

Já frekar hlynntur því:_______ 

Nei mjög andvígur því:_______

Nei frekar andvígur því:_______

Hlutlaus eða tek ekki afstöðu:______

Þá væru niðurstöðurnar allt aðrar og líklega væru u.þ.b. 2/3 hlutar þeirra sem afstæðu tækju andvígir ESB aðild en í mesta lagi væru 1/3 hlynntur ESB aðild.

Mjög fáir væru hlutlausir eða tækju ekki afstöðu.

Hvenær kemur svona alvöru skoðanakönnun ? 

Þannig að þessi skringilega könnun Baugsmiðilsins er bara gerð til að huggnast ESB trúboðinu og villa um fyrir fólki.

[Björn Birgisson, 24.1.2011 kl. 11:07]

"Vilt þú að Ísland gerist aðili að ESB?"

Á þessum tímapunkti er þetta ekki rétta spurningin. Henni verður svarað í þjóðaratkvæðagreiðslunni síðar.

Fyrst þarf að sjá hverju viðræður geta skilað okkur, en ég skil spurningu Gunnlaugs Ingvarssonar þannig að vilji hætta öllu þessu brasi, helst í gær.

[Gunnlaugur Ingvarsson (IP-tala skráð) 24.1.2011 kl. 11:45]

Sæll aftur Björn.

Norðmenn sem tvívegis hafa í þjóðaratkvæðagreiðslum fellt að gerast aðildarríki ESB, nú síðast fyrir u.þ.b. 17 árum. Þeir gera samt alltaf reglulega skoðanakannanir um það hvort þjóðin vilji ganga í ESB eða ekki.

Um langt árabil hefur andstaðan við aðild verið yfirgnæfandi og reyndar aldrei meira afgerandi en nú þegar um 2/3 hlutar þjóðarinnar eru andvígir ESB aðild.

Þeir eru samt alls ekki í neinum samninga- eða aðildarviðræðum við ESB.

Samt getur fólk þar alveg tekið upplýsta og afgerandi afstöðu með eða á móti og langflestir á móti. Sárafáir eru hlutlausir eða telja sig ekki geta tekið ekki afstöðu.

Samkvæmt þínum kokkabókum væri þetta "röng spurning" og ekki sett fram á réttum tímapunkti og Norðmenn gætu því alls ekki svrað henni. En þeir gera það samt aftur og aftur og alveg afgerandi gegn ESB aðild.

Það liggur nefnilega allt fyrir um ESB apparatið, s.s. stofnsáttmálar og yfirþjóðlegir grunnsklilmálar eins og Lissabon sáttmálin.

Allur stjórnunarstrúktúr og valdauppbygging sambandsins liggur ljós fyrir. Reynsla annarra þjóðpa af fiskveiði- og landbúnaðar stjórn commísarana í Brussel og svo mætti lengi telja áfram.

Einnig liggur fyrir að engar varanlegar undanþágur fást frá regluverki Sambandsins, aðeins tímabundnar undanþágur.

Því er þetta aðlögunarferli bara leikþáttur ESB skrifræðisins þar sem við ráðum engu um framvinduna en erum bara leiksoppar þessa kerfis þeirra þar sem við verðum bara að bugta okkur og beigja eins og þeirra reglur segja til um. 

Þeir ráða bæði tíma og ferð og þeir og þeirra legátar hér bíða eftir þessum "rétta tímapunkti" þar sem möguleiki væri á að áróðurinn væri farinn að hafa áhrif og þjóðin segði kannski akkúrat á þessum eina tímapunkti "já" við ESB aðild. Síðan yrði reyndar aldrei kosið aftur.

Tyrkir eru búnir að vera ein 16 ár í svona einhverskonar ESB aðildar- og aðlögunarferli. Eigum við að hafa þennan leikþátt hangandi yfir þjóðinni í mörg ár, jafnvel áratugi. Nei takk !

Það hefði í fyrsta lagi átt að kjósa um það strax í upphafi hvort leyfa ætti stjórnvöldum að sækja um ESB aðild þjóðarinnar, eða ekki !

En vegna þess að það var ekki gert, þá ætti þjóðin að fá að kjósa um þetta mál sem allra fyrst. Það þarf ekki allt þetta langa aðlögunarferli og rýnivinnu og enginn veit hvenær þessi ósköp enda og hvað þau muni kosta.

Síðan er algerlega ólíðandi að á sama tíma og allt þetta langa og stranga ferli stendur yfir þá skuli þessu erlenda Ríkjasamband ESB líðast að dæla hér inní landið gríðarlegum fjármunum til þess að vera með áróður og hafa áhrif á frjálsar skoðanir almennings í þessu hitamáli. 

Þrátt fyrir það þá óttast ég ekki niðurstöðuna, þá loksins þjóðinni verður leyft að taka beina og milliliðalausa afstöðu í þessu stóra máli.

Íslenska þjóðin mun hafna ESB aðild afgerandi og með yfirgnæfandi hætti svo eftir verður tekið !  

[Eyjólfur G Svavarsson, 24.1.2011 kl. 12:14]

Hvenær var þessi skoðanakönnun hjá Sjálfstæðismönnum Björn? Hún hefur farið framhjá mér. Eða er verið að vitna í landsfundinn? Það er nú meyra hvað ég er alltaf utan við mig!!!! Því ekki að hafa kosningu strax og hætta að eyða peningum í þessa vitleysu. það kemur þá í ljós hvað þjóðin vill. Einhvern veginn finnst mér að það verði ekki farið að vilja þjóðarinar í þessu máli.

[Axel Jóhann Hallgrímsson, 24.1.2011 kl. 12:42]

Skoðanakönnun Fréttablaðsins

Spurt var: Hvort myndir þú heldur kjósa:

1) Að draga til baka umsókn um aðild að Evrópusambandinu, eða

2) Að ljúka aðildarviðræðum við Evrópusambandið og halda þjóðaratkvæðagreiðslu um aðildarsamninginn?

Ég sé ekki þá viljandi blekkingu og hlutlægni sem Gunnlaugur segist sjá í spurningu Fréttablaðsins. Gunnlaugur er á villigötum, hann vill ekki skilja spurninguna, hann er hlutlægur sjálfur, sér það sem hann vill sjá og afneitar öllu öðru. Það var ekki verið að spyrja um afstöðu til aðildar að ESB heldur hvort ætti að draga umsóknina til baka eða halda viðræðum áfram og leggja niðurstöðuna fyrir þjóðaratkvæði. Þá fyrst verður aðild samþykkt eða henni hafnað.

Ef Gunnlaugur er svona viss um að aðild að ESB verði hafnað af þjóðinni með afgerandi hætti, af hverju skelfur hann þá svona á beinunum?

[Benedikt Jónasson, 24.1.2011 kl. 18:06]

Það verða væntanlega sama niðurstað þegar spurningin er viltu ganga í ESB

[Gunnlaugur I., 24.1.2011 kl. 20:00]

Láttu þig dreyma um það Benedikt J. að stuðningur við ESB aðild,sé eða verði með þessum hætti.

Allar alvöru skoðanakannanir hafa sýnt að raunverulegur stuðningur meðal þjóðarinnar við ESB aðild er hverfandi og í raun sáralítill.

Síðasta könnun ESB apparatsins sjálfs sýndi aðeins 19% stuðning við ESB aðild ! 

[Björn Birgisson, 24.1.2011 kl. 20:48]

Ég verð að segja að rök Gunnlaugs ganga ekki í mig. Mér sýnist spurning Fréttablaðsins hafa verið rökrétt, miðað við stöðu mála. Niðurstaðan varð Gunnlaugi ekki hugnanleg og þá stekkur hann bara í næstu skotgröf. Held að hann sé ekki bara andstæðingur aðildar, heldur nánast hatursmaður þeirra sem vilja spjalla við báknið. Svo mikill, að velji þjóðin að ganga inn, muni hann alvarlega íhuga að skipta um þjóð! Sé það rangt hjá mér verður það væntanlega leiðrétt.