Ljótasta orðið í málinu okkar

"Fram kemur í greinargerð Landsvirkjunar, að landeigendurnir hafi á sínum tíma gert kröfu um að samtals yrðu greiddir tæpir 96 milljarðar króna vegna vatnsréttinda Kárahnjúkavirkjunar."

Jöklar bráðna í leysingum, sem og snjórinn og regnvatnið finnur sér farvegi til sjávar. Einhverjir bændur standa á árbökkum, en sjá ekki bara vatnið, ættað af himnum ofan, renna til sjávar, heldur milljarða króna í hverjum hyl og hverri bugðu á ánni. Manni verður hreinlega illt við þessa tilhugsun.

Fyrir eigi alls löngu var gerð óvísindaleg könnun í útvarpi og fólk beðið að nefna fallegasta íslenska orðið. Orðið ljósmóðir varð mjög ofarlega, gott ef ekki efst.

Mér finnst orðið landeigandi ljótasta orðið sem notað er hérlendis.

Í mínum huga á þjóðin að eiga hverja þúfu í þessu landi, allt vatn sem til fellur og allar auðlindir til sjávar og sveita.

Svo geta menn fengið afnotarétt gegn sanngjörnu gjaldi.

Hvaða vit er í því að þjóðin eigi ekki landið sitt?

 

Vatnsréttindi metin á 1,6 milljarða

Athugasemdir

[Ómar Geirsson, 25.1.2011 kl. 15:04]

Lítið vit í því Björn.

Mikið sammála þér.

Kveðja að austan.

[Eiður Ragnarsson, 25.1.2011 kl. 15:43]

Nú má ég þá ekki eiga land??  Hverskonar afdalahugsunarháttur er það ??

Hinsvegar má velta fyrir sér nýtingarrétti og almannarétti í tenglsum við landeign eða ekki landeign..

Hér gildir það sama og annarsstaðar.. öfgarnar eru ekki góðar.. Sál landeigandi sem lokar öllu aðgengi að sínu landi með harðri hendi í krafti eignarhalds kemur óorði á alla hina... Sama á við í hina áttina... Hvað felst í orðinu "þjóðareign" ég er farinn að halda að það sé ekki síður ljótt en landeigandi....

Öfgarnar spilla... við erum sennilega sammála um það...

[Benedikt Henry Segura, 25.1.2011 kl. 15:53]

Mikið frekkar að borga 1.6 miljarð til allra Íslendinga sem með þolinmæði getta horft uppá þessi manviki og eðingu lands.