Launahækkunar klikkun

"Kjararáð hefur ákveðið að hæstaréttardómarar og dómarar við Héraðsdóm Reykjavíkur skuli fá sérstakt tímabundið álag á laun allt til 31. janúar árið 2013 vegna tímabundins álags á dómstólunum."

Er kominn 1. apríl?

Álag? Heldur fólk að þessir dómarar vinni nú öll kvöld og helgarnar líka?

Þessi launahækkun er ekkert annað en klikkun. Eina rétta svarið við auknu álagi er að fjölga dómurum og það er einmitt verið að gera það. Kannski þarf þó enn að bæta við.

Þessi frétt kemur sem þruma úr heiðskíru lofti.

Átti frekar von á að dómararnir sem ógiltu Stjórnlagaþingskosningarnar yrðu reknir með skömm.

Nei, nei, þeir eru þvert á móti verðlaunaðir fyrir svívirðuna.

Dómarar fá 101.000 kr. launahækkun

Athugasemdir

[Sigurður Haraldsson, 18.2.2011 kl. 16:44]

Sæll ætlar þú ekki að mæta í byltinguna? Mælirinn er fullur og það flæðir út úr honum.

[Axel Jóhann Hallgrímsson, 18.2.2011 kl. 16:49]

Fá dómarar ekki aukabónus fyrir að skila séráliti? Það hlýtur að vera streituvaldandi.

[Björn Birgisson, 18.2.2011 kl. 17:43]

Hvaða byltingu, Sigurður minn?

[Björn Birgisson, 18.2.2011 kl. 17:43]

Góður punktur, Axel Jóhann!

[Sigurður Haraldsson, 18.2.2011 kl. 22:01]

Björn byltingu sem kemur mjög fljótlega ég og þú ásamt þúsundum annarra reiðra samlanda okkar sem eru að missa allt sitt fyrir þessa mafíu sem hér stjórnar og ræður öllu í kerfinu þar á meðal dómstólum!

[Kolbrún Hilmars, 19.2.2011 kl. 16:18]

Björn, hæfir dómarar liggja ekki á lausu líkt og túnfíflar í sumarbyrjun.

Það er því ekki svo einfalt að fjölga þeim og auk þess jafnvel ódýrara að kaupa þá sem fyrir eru á yfirvinnutaxta. Þá leið fara atvinnurekendur oft þegar álag myndast í fyrirtækjum, í stað þess að ráða fleiri. Hagkvæmissjónarmiðið ræður yfirleitt alltaf.

Hitt sjónarmiðið, það pólitíska; að reka alla dómarana, er kjarasamningum alls óviðkomandi. Nema auðvitað þegar kemur að því að gera upp við dómarana í starfslokin...