Er Landsbankinn ekki orðinn of stór nú þegar?

Eygló Harðardóttir óskar eftir því að efnahags- og viðskiptaráðherra og fjármálaráðherra mæti á fund viðskiptanefndar Alþingis, ásamt forstjóra FME og seðlabankastjóra, til að ræða fréttir af sameiningu SpKef og Landsbankans, samþjöppun í fjármálakerfinu, kerfisáhættu og framtíðarstefnumörkun fyrir íslenska fjármálakerfið.

Ég er ekki hissa á þessari beiðni. Hér er mjög stórt og viðkvæmt mál á ferðinni og margar spurningar vakna. Eins og þessar: Er Landsbankinn ekki þegar orðinn of stór? Hver á að ábyrgjast þann risa ef ríkið selur sín 86% í honum? Er ekki betra að dreifa áhættunni?

Á móti koma svo augljósir hagræðingarkostir með þessari sameiningu hvað varðar húsnæði, mannskap og fleira.

Daginn sem Sparisjóðurinn opnaði sitt útibú í Grindavík færði ég öll mín viðskipti þangað. Mín fyrstu viðbrögð við fréttinni um sameininguna eru þessi:

Ég vonast til að geta haldið þeim góðu viðskiptum áfram, mér verður líklega ekki að þeirri ósk.

Viðskiptanefnd ræði samþjöppun bankakerfisins