Niðurstaða könnunar liggur nú fyrir. Ríkisstjórnin vinsæl á Moggabloggi!

Skömmu eftir miðnættið síðasta setti ég skoðanakönnun í gang á síðunni minni og var þá með það í huga að stoppa hana þegar um 200 hefðu tekið þátt. Því marki hefur nú verið náð og það verð ég að segja að niðurstaðan kom mér mjög á óvart, sérstaklega vegna þess að könnunin var gerð hér á Moggabloggi.

Spurt var:

Hvaða einkunn viltu gefa ríkisstjórninni?

1 - 2 sögðu 38,6%

3 - 4 sögðu 4.5%

5 - 6 sögðu 6,9%

7 - 8 sögðu 29,7%

9 - 10 sögðu 20.3%

202 hafa svarað.

Þetta finnst mér merkileg niðurstaða. Ef hún er dregin aðeins saman lítur hún svona út:

Falleinkunn (1-4) segja 43,1%

Miðlungseinkunn (5-6) segja 6,9%

Góða einkunn (7-10) segja 50%

Ríkisstjórnin má vel við una. Ekki átti ég von á þessari niðurstöðu. Ekki hér á Moggabloggi.

Athugasemdir

[Axel Jóhann Hallgrímsson, 12.3.2011 kl. 19:32]

[Sveinn Páls. (IP-tala skráð) 12.3.2011 kl. 20:09]

Sælir allir hér á þessari ágætu bloggsíðu. 

Moggabloggið hefur tapað 60% af lesendum sínum á 2 árum, en ríkisstjórnin heldur sínu, þrátt fyrir erfið hreinsunarstörf eftir frjálshyggjusukkið.

Sem betur fer eru ennþá margir, sem sjá í gegnum moldvirðið frá Útvarpi Hroða og öðrum áróðursveitum.

Með kveðjum úr Grafarvogi.

[Axel Jóhann Hallgrímsson, 12.3.2011 kl. 20:19]

Ég ráfaði inn á síðu  guðsóttabloggarans og þar gefur á að líta færslu sem heitir "Skoppandi hvað?", þar segir m.a.:

".......að ógleymdu því að vera jafnan að fást við krefjandi mótstöðu; ekki kæmist ég af án minna fjandvina á netinu, svo sem Bangsa og allra hinna."

Er "vinurinn eini" að tala um þig þarna Björn? Hvernig tilfinning er að vera ábyrgur fyrir tórunni í gleðipinnanum?

[Björn Birgisson, 12.3.2011 kl. 20:28]

Axel Jóhann, hef ekki græna glóru um hvern JVJ er að uppnefna svona smekklega.

[Guðmundur Júlíusson, 12.3.2011 kl. 21:54]

Björn, þegar að ég tók þátt í þessari "könnun" þinni sem  var skömmu fyrir lok hennar, var staðan sú að mikill  meirihluti var andvígur þessari ríkisstjórn, þannig að það  kemur mér á óvart að sjá þessa niðurstöðu.

[Björn Birgisson, 12.3.2011 kl. 22:20]

Guðmundur, enn kemur þú mér á óvart. Staðan breyttist nánast ekkert frá atkvæði um 100 til síðasta atkvæðis. 2-3% til eða frá. Ertu að taka JVJ á þetta og segja að ég hafi svindlað og hagrætt úrslitum? Segðu það þá hreint út maður!

[Guðmundur Júlíusson, 12.3.2011 kl. 22:29]

Nei, það er ég ekki að gera, slakaðu aðeins á kæri vin.

[Björn Birgisson, 12.3.2011 kl. 22:37]

Gott, geri það. Er reyndar alltaf nokkuð slakur!

[Helga Kristjánsdóttir, 13.3.2011 kl. 01:27]

  Ég hef þá sloppið inn,áður en kvótinn var búinn. Ég setti í 1-2.Sú var tíðin að pólitik var í mínum huga eitthvað svo framandi,ég kaus sitt á hvað,ætli ég hafi ekki tilheyrt flökkufylgi. Mér var svo nákvæmlega sama hverjir mynduðu stjórn. Þannig er það ekki í dag.   En Björn komst þú aldrei niður á Alþingi,fyrst pabbi þinn var þingmaður. Ég kom þarna mjög oft,þarna var vinkona mín Rannveig á símanum og Gréta býr í þínu bæjarfélagi,tengdadóttir mín fyrrverandi var ritari. Eitt dæmi um hvað allt hefur breyst,að í dag verð ég að skilja eftir töskuna niðri og yfirhöfn og lögregla er á vakt. ER boðin í kaffi þarna til frænda míns,til að ræða málin,það breytist ekkert hjá mér. Mb.kv.

[Guðmundur Júlíusson, 13.3.2011 kl. 01:51]

Helga, þú virðist heilsteypt kona, allavega ertu réttu megin við mitt álit!