Ofurlaunin hafa öðlast sjálfstætt líf og eru komin til að vera

„Málamiðlunarleið Samfylkingarinnar gengur ekki upp! Samningsfrelsi ríkir í landinu," segir Lilja. Hún hefur áður lagt til að lagt verði nýtt hátekjuskattþrep á tekjur yfir milljón á mánuði."

Ofurlaunin enn og aftur.

Það ríkir algjört stjórnleysi í þessu landi varðandi sjálftöku ofurlauna. Hvernig má það vera að gjaldþrota fyrirtæki, sem eru í öndunarvélum á gjörgæslum bankanna, geti greitt forstjórum sínum tvær til fjórar milljónir á mánuði? Sömuleiðis endurreistir bankar með fjármunum almennings.

Ofurlaunin hafa öðlast sjálfstætt líf og eru komin til að vera. Segja má að þau séu skilgetið afkvæmi framsalsheimildarinnar á kvótanum, einkavæðingaræðisins sem hér gekk yfir og toppnum hafi svo verið náð með einkavæðingu bankanna.

Þau eru fyrirbrigði sem alltaf verður mikið rætt um án þess að nokkuð gerist.

Stjórnvöld ráða ekki við þetta mál.

Ekki Lilja Mósesdóttir heldur.

Ofurlaunaþegar brosa bara í kampinn í sínum ofurhúsum, í sínum ofurbílum, í sínum ofursumarhúsum erlendis og innanlands. Í sínum ofurskíðaferðum og ofursólarlandaferðum. Síðast en ekki síst, í sinni ofurerfiðu vinnu, sem oftar en ekki er hjá ofurgjaldþrota fyrirtækjum.

 

 

Vilja standa vörð um háu launin

Athugasemdir

[Óðinn Þórisson, 20.3.2011 kl. 15:03]

Björn -  það voru kosningar, nýtt fólk kom að borðrinu og boðaði ný vinnubrögð, geðþótta einstrengislegar ákvrðandir varðandi orkumál, hótun um þjóðnýtinu, skilanefndinar eru sjálfstæðar og svara ekki til neins - ekki ábyrðgar gagnvart neinum, ofurlaun ríkisbanksastjóra - ekkert hefur breyst - við getur ekki séð um okkar sjálf og við þurfum að fara undir verndarvæng og hver hefði trúað því að ég myndi segja það esb

[Björn Birgisson, 20.3.2011 kl. 15:10]

Óðinn, ég er ekki jafn viss um ESB aðild og þú, en mér dettur ekki í hug að útiloka hana!

[Bergljót Gunnarsdóttir, 20.3.2011 kl. 19:00]

Í guðanna bænum strákar ekki láta mig fá martröð. Auðvitað getur enginn útilokað aðild, nema mögulega þeir sem berjast af alefli og hörku á móti henni og tekst að hrífa aðra með sér. Engan uppgjafartón!.