Rekin úr nefndum?

Rekin úr nefndum? Þetta er undarleg fyrirsögn í meira lagi.

Atli og Lilja sögðu sig úr þingflokknum og þar með frá störfum sínum á hans vegum.

Hvernig er hægt að reka þann sem sjálfviljugur er farinn úr starfi?

Rekin úr nefndum

Athugasemdir

[Guðrún Jóhannesdóttir, 22.3.2011 kl. 12:09]

er það ekki kannski vegna þess að þau hafi ætlað sér að sitja áfram í nefndu, sem þau voru í?

[Matthías (IP-tala skráð) 22.3.2011 kl. 12:33]

Gott dæmi um pólitískan spuna.

Fulltrúi þingflokks í nefnd hlýtur að hætta sjálfkrafa í nefndinni þegar hann segir skilið við þingflokkinn sem færði honum umboðið.

[Hulda (IP-tala skráð) 22.3.2011 kl. 16:29]

Áður var sagt: þetta stendur í  Mogganum og ekki lýgur hann!

Nú er sagt: Þetta stendur í Mogganum og því lýgur hann!

[Björn Birgisson, 22.3.2011 kl. 16:31]

Þakka innlitin, Guðrún, Matthías og Hulda!

[josef asmundsson (IP-tala skráð) 22.3.2011 kl. 16:32]

Svolítill misskilningur þarna á ferðinni.Nefndarseta á alþingi stjórnast af fjölda þingmanna í hverjum flokki.Það er ekki sjálfgefið að þingflokkur VG eigi báðar þessa nefndarmenn lengur þar sem hefur fækkað um 2 í liðinu.Og það er heldur ekkert sjálfgefið að Lilja eða Atli þurfi að víkja.Þau voru bæði kosin til setu á Alþingi og hafa ekki sagt af sér sem þingmenn.það er búið að semja um þessar nefndir og þar við situr.Vinstri grænir hafa ekki alræðisvald yfir nefndarstörfum Alþingis.

[Jón Óskarsson (IP-tala skráð) 22.3.2011 kl. 17:48]

Josef.

Mósa og Atli sátu í nefndunum fyrir hönd VG og er því sjálfhætt þegar þau eru ekki lengur í þeim félagsskap og eðlilegt að þingflokkurinn skipi aðra í þeirra stað. 

Þau fara svo í einhverjar nefndir á eigin vegum eða annarra í krafti styrks.

Sjáum hver hann verður.

[josef asmundsson (IP-tala skráð) 22.3.2011 kl. 18:25]

Jón .Þau sitja í nefndunum á vegum kjósendanna sem kom þeim á þing.eF Þetta er rétt skilgreining hjá þér má alveg eins segja að þau hafi verið kosin á þing á vegum kommanna og þurfi þá að víkja af Alþingi í leiðinni.En svo er ekki.Flokksræðið hefur ekki þessi völd að það geti ráðið öllu og rekið menn að vild.Það hefur hins vegar tekið sér þau völd.Alþingismenn eru kjörnir á eigin vegum,eiga ekki að taka við fyrirmælum frá öðrum og fylgja aðeins eigin sannfæringu.Það segir Stjórnarskráin-að minnsta kosti ennþá.Lilja og Atli hafa ekki sagt af sér þingmennsku og ekki heldur sagt sig úr nefndum.Það er hins vegar spurning þegar svona skeður og nýtt landslag verður til á þingi að það verði að skipa í nefndir á nýjan leik.Ef það  tekur því þá.

[Jón Óskarsson (IP-tala skráð) 22.3.2011 kl. 19:19]

Bara til áréttingar þá voru þau kosin til þings af kjósendum en ekki í nefndirnar. Þingflokkurinn tilnefndi þau sem sína fulltrúa þar. 

Og ef þau ekki vilja vera fulltrúar þingflokksins þá verður að skipa nýja. Þau koma sér svo í þær nefndir sem þeim sýnist með þeim styrk sem þau hafa.

Til að einfalda málið ef einstaklingur sem er í stjórn húsfélags flytur í burt verða aðrir íbúar að kjósa nýjan í hans stað.  Hann getur ekki verið lengur fulltrúi íbúa sem hann á ekki lengur samleið með.