Það er orðið vandlifað í þessu þjóðfélagi!

"Jóhanna Sigurðardóttir, forsætisráðherra, sagði á Alþingi að hún teldi ekkert tilefni til afsagnar hennar vegna niðurstöðu kærunefndar jafnréttismála."

Nú er rétt að staldra aðeins við og hugsa ofurlítið.

Vinnubrögðum ráðuneytisins í þessu máli hefur verið lýst. Matsnefndin setti kærandann í fimmta sæti. Með réttu eða röngu. Hef ekki hugmynd um það.

Hvað væru menn að ræða á Alþingi núna ef Jóhanna hefði dubbað flokkssystur sína, upp úr fimmta sæti og í stólinn sem slagurinn stóð um?

Það er orðið vandlifað í þessu þjóðfélagi!

Ekkert efni til afsagnar

Athugasemdir

[Kristján Hilmarsson, 24.3.2011 kl. 12:14]

Vandlifað ?? Hm... Veit það nú ekki Björn ! allavega ekki ef þetta eru málin sem brenna mest og eru til þess fallin að steypa stjórnum, en hvað veit ég, víðsfjarri öllu gamninu og haldandi að það séu stærri og veigameiri mál sem bíða lausnar ??

MBKV

KH 

[hilmar jónsson, 24.3.2011 kl. 12:22]

Það eru lítil takmörk fyrir því hvað hrunöflin blása upp til að reyna að draga athyglina frá þeirra þjóðarskömm..

[Axel Jóhann Hallgrímsson, 24.3.2011 kl. 12:38]

Það er einsýnt að kærunefnd jafnréttismála og Jafnréttisstofa geta haft að engu álitsgerðir hæfustu sérfræðinga, það virðist engu skila að vanda vinnubrögð við umsóknir og hæfismat umsækjenda. Misréttisstofa væri nær að kalla þessa undarlegu Jafnréttisstofu, jafnrétti er minnstakosti ekki á stefnuskránni þar.

Þetta er skýrt dæmi þess að menn hafi farið langt fram úr sér í lagasetningum í jafnréttismálum, því í þessu máli hefur jafnréttisæðið bitið illilega í afturendann á sjálfu sér.

Er ekki sjálfgefið að kærunefndin eða Jafnréttisstofa taki alfarið að sér mannaráðningar ríkisins? Stefnan þar er einföld, engar flækjur eða málalengingar viðhafðar, ráða skal konur í allar stöður, sama hvað! Þá væri hægt að spara sérfræðingakostnaðinn, sérfræðiálitin eru hvort sem er ekki nýtt nema þau henti "Misréttisráðinu".

[Jón Óskarsson (IP-tala skráð) 24.3.2011 kl. 18:05]

Niðurstaðan var fundin áður rökin voru samin.

[Kolbrún Stefánsdóttir, 24.3.2011 kl. 18:13]

Þetta er mér óskiljanlegt. Hvernig stóð á því að þessi kona sem var í fimmta sæti kærir úrskurðinn? Vissi hún hvar hún var staðsett meðal umsækjenda? Var henni bent á að kæra? Hvað er lagt til grundvallar hjá ráðningarsérfræðingum versus Jafnréttisnefnd? Óttalega asnaleg þessi lög það verð ég að segja. En þau koma úr kompu Jóhönnu og því ótrúlega leiðinlegt fyrir hana að þetta skyldi koma uppá. Af nógu er nú að taka þó þetta bætist ekki við.

Ljósi punkturinn er að konan er ekki fötluð líka  Kveðja Kolla 

[Björn Birgisson, 24.3.2011 kl. 18:25]

Já, Kolla mín, þetta er allt hið vandræðalegasta mál. Fyrir alla aðila. Takk fyrir bloggvináttuna!