Fréttablaðið með 60% meðallestur og Mogginn rétt rúmlega hálfdrættingur

"Lestur Morgunblaðsins jókst um tæp 1,7 prósentustig á milli tímabila, samkvæmt nýbirtri prentmiðlakönnun Capacent Gallup. Á tímabilinu frá janúar til mars á þessu ári var meðallestur á hvert tölublað 33,18%."

Væntanlega góðar fréttir fyrir Morgunblaðið, en gaman væri að vita hver þessi prósentutala var fyrir ritstjóraskiptin umdeildu. Hærri? Lægri?

Fréttablaðið með 60%! Mogginn rétt rúmlega hálfdrættingur!

Svo sem ekkert að marka þessar tölur, alla vega ekki til samanburðar, þar sem Fréttablaðinu er dreift í þúsundum eintaka, en Mogginn aðeins seldur í áskrift og lausasölu.

Hve lengi geta þessi "stóru" blöð lifað svona lífi?

Meðallestur Morgunblaðsins eykst á milli kannana

Athugasemdir

[Sveinn Egill Úlfarsson, 30.3.2011 kl. 10:13]

Eftir því sem launin lækka og fátækt eykst, þá byrja menn á því að segja upp blöðum og sjónvarpsáskift og lesa það sem ókeypis er.

það sama gildir um val á klósettpappír.

[Helgi Rúnar Jónsson (IP-tala skráð) 30.3.2011 kl. 11:17]

Sveinn Egill,

hvað lestu á klósettpappírnum....?....annars er gott að skeina sér á moggablaði.

[Sveinn Úlfarsson (IP-tala skráð) 30.3.2011 kl. 11:54]

Helgi minn, þú ert sennilega of ungur til að muna þá tíð er þjóðin var nægjusöm og sparsöm. Þá var fullkomlega löglegt að setja gömul blöð inn á klósett og gátu menn þá notað þau til allra þarfa og eins var oft að menn gátu gripið í ólesnar greinar á klósettinu enda ekkert Google til í þa´tíð.

[Axel Jóhann Hallgrímsson, 30.3.2011 kl. 12:01]

Þín fyrirsögn Björn, er raunsannari en fyrirsögn Moggans, þótt hún sé ekki beinlínis röng. Það er spurning hvort hægt sé að segja að Fréttablaðinu sé dreift, nema þá í Reykjavík. Ég myndi lesa Fréttablaðið kæmi það inn um lúguna en ég nenni ekki að sækja það út á staur. Lestur Fréttablaðsins væri mun meiri væri því dreift alla leið.