Ólafur Ragnar á að hætta á Bessastöðum og einhenda sér í að bjarga heiminum með öllum hinum stórmennunum

Ólafur Ragnar Grímsson forseti á að hafa hlutina eins og Bill Clinton, Al Gore og fleiri góðir menn. Ferðast um heiminn, halda fyrirlestra í háskólum og á ráðstefnum.

Láta ljós sitt skína. Þá líður honum best.

Hann vill vera í útlöndum við slíka iðju, milli þess sem hann spjallar við fjölmiðla, en ekki ráðamenn.

Ríkisstjórnir Íslands sjá um þann þáttinn, enda erfiðari.

Þar sem Ísland er orðið nokkrum númerum of lítið fyrir kappann, er eðlilegt að hann söðli um, hætti á Bessastöðum og einhendi sér í að bjarga heiminum.

Hann er á ævilaunum hjá þjóðinni.

Það er alveg nóg. Aðrir geta greitt ferðakostnaðinn.

Varla gerir hann það, er ekki þannig maður.

Frekar en aðrir fæddir og uppaldir í jötu.

Athugasemdir

[Valdimar Samúelsson, 20.9.2011 kl. 12:43]

Ég vil hafa Ólaf eins lengi og hann endist. Ólafur hefir gert gott fyrir þessa þjóð síðustu árin og vona að hann lifi sem lengst í forsetaembættinu.

[Kolbrún Hilmars, 20.9.2011 kl. 14:54]

Segi sama og Valdimar; Ólafur má vinna sem lengst fyrir kaupinu sínu. Okkar hagur - ekki hans.

Svo er nóg fyrir okkur að hafa einn forseta á ævi-eftir-launum þótt ekki bætist við annar slíkur og sá þriðji (nýr) í embætti.

[Axel Jóhann Hallgrímsson, 20.9.2011 kl. 15:48]

Fyrir þá sem sjá Ísland ekki fyrir sér án Ólafs Ragnars þá er þetta lausnin:

[Kolbrún Hilmars, 20.9.2011 kl. 18:00]

Ólafi fer kórónan vel. :)

En það er yfrið nóg af kóngafólki í ESB svo að líklega opnast okkur ekki það gullna hlið ef við höfum slíka búbót í farteskinu. Höldum okkur bara við forsetafyrirkomulagið...

[Örn Ægir (IP-tala skráð) 20.9.2011 kl. 18:05]

Gott að vita af manni á Bessastöðum sem ber hag landsins fyrir brjósti hanns hlutverk er að vera öryggisventill fyrir þjóðina þegar óhæfir menn sem ganga erinda útlendinga komast í stjórnaráðið fyrir fjölmiðlaáróður og svik og við þessar aðstæður ætti Forsetinn umsvifalaust að nýta 24.gr stjórnaskrarinnar og rjúfa þing og boða til kosninga