Dómsvaldið á Íslandi er auðvitað dásamlegt!

Hæstiréttur sendi Héraðsdómi í Reykjavík og lögreglunni í sömu borg skilaboð í dag.

Efnislega eitthvað á þessa leið:

Þið eruð vankunnandi kjánar, óhæfir í störfum ykkar, þið klúðrið tiltölulega einföldum hlutum og kórónið síðan vanhæfni ykkar með kolröngum ályktunum, byggðum á sandi, nokkrum vitnum og engu öðru.

Ekki þarf að efast um að Héraðsdómur og lögreglan munu senda Hæstarétti samsvarandi kveðjur!

Dómsvaldið á Íslandi er auðvitað dásamlegt!

Sýknaður af árásarákæru

Athugasemdir

[Vendetta, 29.9.2011 kl. 20:21]

Já, þetta er sorglegt.

Er það bara ég, eða hefur enginn annar tekið eftir því, að það eru fleiri ofbeldismenn á Íslandi með millinafnið Freyr en með önnur millinöfn. Undarleg tilviljun, eða ...? 

[Björn Birgisson, 29.9.2011 kl. 20:39]

Vendetta, enginn Freyr bættist í það safn í dag!

[Vendetta, 29.9.2011 kl. 21:37]

Nei, en einhver réðist á þessa stúlku. Og vegna klúðurs var ekki hægt að sanna neitt, né afsanna. Að þessi Óðinn Freyr hafi verið sýknaður þýðir ekki að það hafi ekki verið hann sem réðist á stúlkuna, því að Absence of evidence is not the same as evidence of absence. Á hinn bóginn var ekki hægt að dæma hann vegna þess að lögreglan og saksóknarinn voru viðvaningar og ekki næg (eða engin) sönnunargögn. Sem er slæmt, því að ef nægum sönnunargögnum er ekki safnað strax, þá veit enginn hver framdi ódæðið. Og þótt það séu vitni, þá er það ekki alltaf nóg til að fá sakfellingu. Og stúlkan og fjölskylda hennar tapa.

Ég veit um mál, þar sem í ákæruskjalinu stóð ekki steinn yfir steini, vitni voru tvísaga æ ofan í æ, en samt var maðurinn dæmdur í margra ára fangelsi. Það eru augljóslega engar kröfur gerðar til rannsóknarhæfni íslenzkra lögreglumanna af hálfu saksóknara og ýmist eða ekki af hálfu Héraðsdóms Reykjavíkur.

[Björn Birgisson, 29.9.2011 kl. 21:51]

Lottó?

[Vendetta, 29.9.2011 kl. 23:34]

Já, eins konar lottó. Nema hvað í lottó verðurðu ríkur ef þú ert heppinn, en ekkert ef þú tapar.

Í íslenzka dómskerfinu færðu ekkert ef þú ert heppinn, en nokkur ár í helvíti (Litla-Hrauni) ef þú tapar.

Íslenzka réttarkerfið er rannsóknarefni út af fyrir sig, því að sumir hafa allt á móti sér, en aðrir fljúga gegnum og eru sýknaðir (eða fá skilorðsdóm). Fyrir sama glæp. Það spilar margt þar inn í:

1. Hversu lélegur er verjandi þinn?
2. Hversu fordómafullir eru dómararnir?
3. Er sorpblaðið DV og Stöð 2 búin að taka þig af lífi fyrir löngu?
4. Er þetta í fyrsta skipti sem þú ert ákærður og þekkir ekki kvikindisskapinn og óréttlætið í íslenzka réttarkerfinu?

[Björn Birgisson, 29.9.2011 kl. 23:49]

Athyglisvert.