Þá er bara að finna flokkinn sinn!

Mig sárvantar almennilegan stjórnmálaflokk til að styðja. Flokk sem uppfyllir að minnsta kosti 15 af eftirfarandi stefnumiðum:

1. Að vilja einkavæða heilbrigðiskerfið að hluta eða öllu leyti
2. Að vilja einkavæða menntakerfið að hluta eða að öllu leyti.
3. Að vilja hætta allri skattlagningu til tekjujöfnunar í þjóðfélaginu.
4. Að vilja tryggja fáeinum aðgang að helstu auðlindum landsins.
5. Að vilja einkavæða orkulindir og orkusölu í landinu.
6. Að vilja gróða fárra án tillits til aðferðanna sem beitt er.
7. Að vilja forðast heimskulegar þjóðaratkvæðagreiðslur um viðkvæm mál.
8. Að vilja óbreytta Stjórnarskrá um aldur og ævi.
9. Að vilja að allt vatn sem fellur af himnum ofan verði eign landeigenda.
10. Að vilja gjaldmiðil sem kostar íbúðakaupendur 1 milljón á ári í aukaútgjöld.
11. Að vilja einkavæða val á dómurum landsins á báðum stigum.
12. Að vilja afnema aðkomu Ríkisútvarps á fjölmiðlamarkaði.
13. Að vilja ríkisvæða allt tap atvinnulífsins og einkavæða gróðann.
14. Að vilja láta dæma óæskileg kosningaúrslit ógild vegna formgalla.
15. Að vilja tryggja áhrif sín með skipun Seðlabankastjóra.
16. Að vilja óhefta styrki og framlög til flokksstarfseminnar.
17. Að vilja alls ekki ríkisstyrki til starfsemi flokksins.
18. Að vilja aldrei viðurkenna mistök sín.

Þetta er nú allt og sumt. Annað var það nú ekki!

Þá er bara að finna flokkinn sinn!

Athugasemdir

[Sveinn R. Pálsson, 14.11.2011 kl. 16:54]

Írar refsuðu sínum Sjálfstæðisflokki, þannig að hann fékk aðeins 15%, en hérna ætla 40% að kjósa þessi svín.

[ASE (IP-tala skráð) 14.11.2011 kl. 17:22]

Hmmm, þetta verður erfitt val hjá þér :-o

[Kolbrún Hilmars, 14.11.2011 kl. 17:36]

Björn, það kemur ekkert til greina annað en fjórflokkurinn. Verst að hann býður fram undir 4 kennitölum. :)

[Arinbjörn Kúld, 14.11.2011 kl. 19:55]

X-D eða X-B og málið leyst. Annars er Kolbrún með þetta.

Kveðja að norðan.

[Björn Birgisson, 14.11.2011 kl. 20:42]

Ég þakka innlitin!