Ráðherrakapallinn er genginn upp!

 Af umræðunni undanfarna daga má ætla að aðeins lifi tveir sólarhringar af ráðherratíð Jóns Bjarnasonar og Árna Páls Árnasonar. Flestir viðmælendur mínir gera ráð fyrir að í kjölfarið verði ráðherrar aðeins átta.
Þess ber að geta að innan skamms fer Katrín Júlíusdóttir, vonarstjarna Össurar, í barneignarfrí.
Að henni genginni frá stjórnarborðinu, ætti því VG fjóra ráðherra, en Samfylkingin aðeins þrjá!
Það mun aldrei ganga upp!
Það tilheyrir stefnu stjórnarinnar að stofna stórt atvinnuvegaráðuneyti. Upp úr sjávarútvegs-, landbúnaðar-, iðnaðar-, efnahags- og viðskiptaráðuneytunum.
Það mun gerast, en það vantar einn í púsluspilið!
Hver er hann eða hún?
Mín tilgáta er þessi, algjörlega út í bláinn auðvitað, en það er svo margt í pólitíkinni út í bláinn:
Steingrímur mun taka við hinu stóra nýja atvinnuvegaráðuneyti, afsala sér fjármálaráðuneytinu til Samfylkingarinnar, sem mun annað hvort fela það Guðbjarti Hannessyni eða að Oddný Harðardóttir verði kölluð að stjórnarborðinu.
Skjótt skipast veður í lofti!
Áttu betri tilgátu?

Athugasemdir

[Jóhann Elíasson, 29.12.2011 kl. 21:25]

Eiginlega væri það besta fyrir þjóðina að ekkert af þessu yrði að veruleika og "Ríkisstjórn Fólksins" springi bara í loft upp með öðrum "flugeldum" um áramótin.  FÓLK ER FARIÐ AÐ ÞRÁ AÐ SJÁ SJÁLFSTÆÐISFLOKKINN OG FRAMSÓKN AFTUR VIÐ STJÓRNVÖLINN, ÞÁ VERÐUR Í ÞAÐ MINNSTA VON TIL AÐ EITTHVAÐ FARI AÐ GERAST HJÁ ÞJÓÐINNI...............

[Sævar Helgason, 29.12.2011 kl. 21:33]

"Í það minnsta einhver von að eitthvað gerist hjá þjóðinni"-er sagt

Þetta hefur verið að gerast nú á ári svo dæmi séu tekin:

 6600 fasteignakaupsamningum þinglýst á árinu 2011 með heildarviðskipti upp á 170 milljarða ísk kr og 45% veltuaukningu frá fyrra ári segir sína sögu.

 Fyrir jólin fóru > 5000 manns í jóla innkaup til Boston í USA.

 Jólaverslun meiri en björtustu vonir kaupmanna stóð til.

Sala nýrra bíla er meira en helmingi meiri en í fyrra.

[Jóhann Elíasson, 29.12.2011 kl. 23:29]

SÆVAR OG ÞETTA HEFUR GERST þrátt fyrir ríkisstjórnina.........................

[Ólafur Sveinsson (IP-tala skráð) 30.12.2011 kl. 13:06]

Stjórnarandstöðuþingmenn leggja allt upp úr að komast í valdastólana nákvæmlega sama hvaða brögðum er beitt. Fullkomið ábyrgðarleysi enda mælist traust almennings á stjórnarandstöðunni innan við 7%.

[Eyjólfur G Svavarsson, 31.12.2011 kl. 01:04]

Gleðilega hátíð Björn minn. Gaman verður að sjá hvernig spilast úr þessum kapli.

[Björn Birgisson, 11.2.2012 kl. 16:12]

Hann gekk bara ágætlega upp!