Toppmaður á toppnum?

"Árni Johnsen alþingismaður gefur kost á sér í fyrsta sætið á lista Sjálfstæðisflokksins í Suðurkjördæmi í komandi alþingiskosningum."

Var ekki Árni Johnsen færður niður um eitt sæti síðast vegna mikils fjölda útstrikana?

Árni Johnsen vill leiða listann

Athugasemdir

[Guðmundur Ásgeirsson, 5.10.2012 kl. 15:54]

Ætli Lárus Johnsson muni bjóða sig fram gegn honum?

[Axel Jóhann Hallgrímsson, 5.10.2012 kl. 16:10]

Svona menn eru aðall Sjálfstæðisflokksins. Muna menn ekki eftir því þegar Gunnar Örlygsson þingmaður Frjálslindaflokksins fékk 2ja mánaða dóm fyrir eitthvert kvótamisferli? Þegar Gunnar hafði setið af sér dóminn á hótel Hrauni og snéri aftur á þing, þá sté Davíð Oddson í pontu á Alþingi og hélt tilfinningaþrungna ræðu.

Davíð sagði Alþingi setja varulega niður að tugtúslimir væru farnir að valsa þar um ganga og sali eins og ekkert væri sjálfsagðara. Gunnar Örlygsson ætti auðvitað að sjá sóma sinn í því að segja af sér þingmennsku.

Nokkrum vikum síðar sagði Gunnar sig úr Frjálsl.fl. og gekk til liðs við Sjálfstæðisflokkinn. Hver stóð þá fremstur manna í þingflokksherbergi Sjálfstæðisflokksins og tók  hönd Gunnars þegar hann gekk í salinn og bauð hann velkominn? Jú - Davíð nokkur Oddson siðameistari.

[Ásthildur Cesil Þórðardóttir, 5.10.2012 kl. 16:29]

Já tek undir þetta með þér Björn þetta er auðvitað topp maður á alla lund, hvort sem er að vinna í grjótnámum, panta góð og betri rúm handa föngum, sem er sennilega eina góða sem fangar höfðu út úr afbrotum Árna, og svo auðvitað að vera náfrændi besta bæjarstjórans Árna Sigfússonar sem hefur með miklum myndarskap verið bæjarstjóri í Reykjanesbæ og verið þar allt í öllu, enda blómstrar Reykjanesbær með topp ástand í atvinnu og velmegun... ekki satt

[Vilhjálmur Stefánsson, 5.10.2012 kl. 16:44]

Ég segi aðeins þetta Guð hjálpi Sunnlendingum,ja alt vill nú lifa..Nú held ég að Árni Johsen hafi fengið vitrun frá hinum í neðra..

[Björn Birgisson, 5.10.2012 kl. 18:03]

Ég þakka innlitin!